କଟକ ୨୧।୦୯ : ସାଇବର ଠକେଇର ଶିକାର ହେଲେ କଟକର ଯୁବତୀ । ହ୍ୱାଟସପ୍‌କୁ ଆସିଥିବା ଲିଙ୍କ୍‌କୁ କ୍ଲିକ୍‌ କରିବାରୁ ଆକାଉଣ୍ଟ କଟିଗଲା ୯୦ ହଜାର ଟଙ୍କା । ଠକାମୀର ଶିକାର ହୋଇଥିବା ଯୁବତୀ ଚାଉଳିଗଞ୍ଜ ଥାନାରେ ଏତଲା ଦେଇଛନ୍ତି ।  

ଖବର ଅନୁଯାୟୀ, କଟକ ଚାଉଳିଆଗଞ୍ଜ ଅଞ୍ଚଳର ସରସ୍ଵତୀ ଲେଙ୍କା ଏକ ଘରୋଇ କମ୍ପାନୀରେ କାର୍ଯ୍ୟ କରନ୍ତି  । କିଛି ଦିନ ତଳେ ଅନଲାଇନ୍ ସାଇଟରୁ କିଛି ଜିନିଷ କିଣିଥିଲେ । ହେଲେ ତାଙ୍କ ପାଖକୁ କିଣିଥିବା ଜିନିଷ ବଦଳରେ ଭୁଲ ଜିନିଷ ଆସିବାରୁ, ସେ ଏହାକୁ ଫେରସ୍ତ ପାଇଁ ସେହି ଅନଲାଇନ୍ ସଂସ୍ଥାକୁ ମେଲ୍ କରିଥିଲେ  । ପରେ ଯୁବତୀଙ୍କ ପାଖକୁ ସାଇବର ଠକ କଲରେ କଥା ହୋଇ ହ୍ୱାଟସାପ୍‌କୁ ଏକ ଲିଙ୍କ ପଠାଇଥିଲଲେ । ଏହି ଲିଙ୍କରେ କ୍ଲିକ କରିବା ପରେ ଟଙ୍କା ଆକାଉଣ୍ଟରେ ଆସି ଯିବ ବୋଲି କହିଥିଲେ ସାଇବର ଠକ ।  ହେଲେ ଲିଙ୍କରେ କ୍ଲିକ କରିବା ପରେ ଯୁବତୀଙ୍କ ଆକାଉଣ୍ଟକୁ ଟଙ୍କା ଆସିବା ପରିବର୍ତ୍ତେ ୯୦ ହଜାର ଟଙ୍କା କାଟି ଯାଇଥିଲା । ଏନେଇ ଯୁବତୀ ଜଣଙ୍କ ଥାନାରେ ଏତଲା ଦେଇଛନ୍ତି।

ଆହୁରୀ ପଢନ୍ତୁ :