କଟକ, ୨୮।୦୮: କଟକ ଦୁର୍ଗାପୂଜାକୁ ନେଇ କଟକ ପୋଲିସ କମିଶନରଙ୍କ ଅଧ୍ୟକ୍ଷତାରେ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି। ପୋଲିସ କମିଶନର ସୁଧାଂଶୁ ଷଡଙ୍ଗୀ, କଟକ ଡିସିପି ପ୍ରତୀକ ସିଂ ସହ ସହରର ସମସ୍ତ ଜୋନ୍ ଏ.ସି.ପି ବୈଠକରେ ଉପସ୍ଥିତ ରହିଥିଲେ । ଏହା ସହ କଟକ ମହାନଗର ଶାନ୍ତି କମିଟି ଓ ପୂଜା କମିଟିର ସଦସ୍ୟ ମଧ୍ୟ ବୈଠକରେ ଉପସ୍ଥିତ ଥିଲେ ।
ଦଶହରା ଆୟୋଜନ ନେଇ ପୋଲିସ ବୈଠକ ଶେଷ ହେବା ପରେ ପୋଲିସ କମିଶନର ସୁଧାଂଶୁ ଷଢଙ୍ଗୀ ସୂଚନା ଦେଇଛନ୍ତି ଯେ, ଏଥର ଭସାଣି ହେବ ନାହିଁ କି ସାଜସଜ୍ଜା ହେବ ନାହିଁ । ଭସାଣି ପାଇଁ ଅନ୍ୟ କିଛି ବ୍ୟବସ୍ଥା କରାଯିବ ପାଇଁ ପ୍ରସ୍ତାବ ଆସିଛି, ତର୍ଜମା ଚାଲିଛି । ଅବାଧ ଭାବେ ପୂଜା ମଣ୍ଡପରେ ପୂଜା କରାଯିବ । କେବଳ ପୂଜା କମିଟି ର ସୀମିତ ଲୋକ ପୂଜାରେ ସାମିଲ ହେବେ । ଚଳିତ ବର୍ଷ ବିଦ୍ଧି ରଖିବା ପାଇଁ ସମସ୍ତ ପୂଜା କାର୍ଯ୍ୟ ହେବ।
ସେ ଆହୁରି କହିଛନ୍ତି ଯେ, ଚଳିତ ଥର ଭକ୍ତ ମଣ୍ଡପ ଆସିବା ନାହିଁ । ସାମାଜିକ ଦୂରତା ଓ ମସ୍କ ବାଧ୍ୟତା ମୂଳକ କରାଯାଇଛି । ଏବେ ବି ସମସ୍ତ ନିଷ୍ପତ୍ତି କେବଲ ଆଲୋଚନାରେ ସୀମିତ ରହିଛି ।ଏହାକୁ ନେଇ ରାଜ୍ୟ ସରକାର ଙ୍କ ସହିତ ମଧ୍ୟ ଆଲୋଚନା ହେବ । ଏହା ପରେ ନିଷ୍କର୍ସ ନିଆଯିବ ବୋଲି ସେ କହିଛନ୍ତି ।
