ସମ୍ବଲପୁର ୨୯।୪: ସମ୍ବଲପୁର ସହରର ୪ଟି ଥାନା ଅଞ୍ଚଳରୁ ହଟିଲା କର୍ଫ୍ୟୁ । ଖେତରାଜପୁର ଥାନା, ଅଇଁଠାପାଲି ଥାନା, ବରେଇପାଲି, ସଦର ଥାନା ଅଞ୍ଚଳରୁ କର୍ଫ୍ୟୁ ହଟିଥିବା ନେଇ ସମ୍ବଲପୁର ଏସପି ବତୁଲା ଗଙ୍ଗାଧର ସୂଚନା ଦେଇଛନ୍ତି । ଅନ୍ୟ ଦୁଇଟି ଥାନା ଧନୁପାଲି ଓ ଟାଉନ ଥାନାରୁ କର୍ଫ୍ୟୁ ହଟିବା ନେଇ ମଧ୍ୟ ସୂଚନା ଦେଇଛନ୍ତି ।
ତେବେ ୧୨ ତାରିଖ ଘଟଣାରେ ୪୬ ଜଣ ଗିରଫ ହୋଇଥିବା ବେଳେ ୧୪ ତାରିଖ ଘଟଣାରେ ୪୮ ଜଣ ଗିରଫ ହୋଇଥିଲେ । ତେବେ ୧୪ ତାରିଖ ହତ୍ୟା ଘଟଣାରେ ମଧ୍ୟ ୮ ଜଣ ଗିରଫ ହୋଇଥିବା ବେଳେ ସମୁଦାୟ ଗିରଫ ସଂଖ୍ୟା ୧୦୨ରେ ପହଞ୍ଚିଛି ।
ଅନ୍ୟପଟେ ସୋସିଆଲ ମଡିଆରେ ହିଂସାକୁ ଉସୁକାଇଲା ପରି ମନ୍ତବ୍ୟ କିମ୍ବା ପୋଷ୍ଟ ସେୟାର କଲେ ଦୃଢ କାର୍ଯ୍ୟାନୁଷ୍ଠାନ ନିଆଯବ ବୋଲି ଏସପି କହିବା ସହ ଏହାକୁ ନୀରିକ୍ଷଣ କରିବାକୁ ଏକ ଟିମ୍ କାର୍ଯ୍ୟ କରୁଥିବା ସେ କହିଛନ୍ତି । ଏହାସହ ୨ଟି ହ୍ବାଟ୍ସଆପ୍ ଗ୍ରୁପ ଆଡମିନଙ୍କୁ ଅଣ୍ଡରଟେକିଂ ଲେଖାଇ ଛଡାଯାଇଥିବା ଏସପି କହିଛନ୍ତି ।
