ନୂଆଦିଲ୍ଲୀ ୦୭।୦୨: କମନ୍ ୟୁନିଭରସିଟି ପ୍ରବେଶିକା ପରୀକ୍ଷା (CUET UG-2023) ପାଇଁ ପଞ୍ଜୀକରଣ ପ୍ରକ୍ରିୟା କୌଣସି ସମୟରେ ଆରମ୍ଭ ହେବାକୁ ଯାଉଛି । ଏନେଇ UGC ଚେୟାରମ୍ୟାନ୍ ଏମ ଜଗଦେଶ କୁମାର ଟୁଇଟ୍ କରି ସୂଚନା ଦେଇଛନ୍ତି ।

ସେ କହିଛନ୍ତି ଯେ, CUET UG-2023 ପଞ୍ଜୀକରଣ ଏବଂ ଆବେଦନ ପ୍ରକ୍ରିୟା ଆରମ୍ଭ ନେଇ ୨ ଦିନ ମଧ୍ୟରେ ତାରିଖ ଘୋଷଣା କରାଯିବ। ଅଫିସିଆଲ୍ ୱେବସାଇଟ୍ cuet.samarth.ac.inରେ ବିଜ୍ଞପ୍ତି ପ୍ରକାଶ ପାଇବା ମାତ୍ରେ ଆବେଦନ ପ୍ରକ୍ରିୟା ଆରମ୍ଭ ହେବ । ତେବେ CUET ପଞ୍ଜୀକରଣ କରିବାକୁ ଅପେକ୍ଷା କରିଥିବା ପ୍ରାର୍ଥୀମାନଙ୍କ ଅପେକ୍ଷାର ଅନ୍ତ ହେବାକୁ ଯାଉଛି । ୟୁଜିସି ଚେୟାରମ୍ୟାନଙ୍କ ଟ୍ୱିଟ୍ ପରେ ଏହି ସପ୍ତାହରୁ ପଞ୍ଜିକରଣ ଆରମ୍ଭ ହେବ ବୋଲି ଆଶା କରାଯାଉଛି ।

ଜାତୀୟ ପରୀକ୍ଷା ଏଜେନ୍ସି (NTA) ଦ୍ବାରା ପ୍ରକାଶିତ ଟାଇମ ଟେବୁଲ ଅନୁଯାୟୀ, CUET UG-2023 ପରୀକ୍ଷା ୨୧ ମଇ ୨୦୨୩ରୁ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ଚଳିତ ବର୍ଷର ପରୀକ୍ଷାର ଢାଞ୍ଚାରେ କୌଣସି ପରିବର୍ତ୍ତନ ହେବ ନାହିଁ । CUET ସ୍କୋରକାର୍ଡ ମାଧ୍ୟମରେ ପରୀକ୍ଷାର୍ଥୀମାନେ ଦେଶର ବିଶ୍ୱବିଦ୍ୟାଳୟରେ ସ୍ନାତକୋତ୍ତର ପାଠ୍ୟକ୍ରମରେ ଆଡମିଶନ ପାଇବେ ।  ଅନ୍ୟ କୌଣସି ସୂଚନା ପାଇଁ ପରୀକ୍ଷାର୍ଥୀମାନେ ଅଫିସିଆଲ୍ ୱେବସାଇଟରୁ ଜାଣିପାରିବେ ।