suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସିଲଭର ସିଟିରେ ଜମିବ ପୂଜା, ଦେଖିବାକୁ ମିଳିବ ଆକର୍ଷଣୀୟ ତୋରଣ: ବାଦାମବାଡ଼ିରେ ବାହୁବଳୀ, ଖାନନଗରରେ ଅମରନାଥ

7/09/2022 at 1:51 PM

କଟକ ୦୭/୦୯: ଦୁଇ ବର୍ଷ ପରେ ଜମିବ ପୂଜା । ଶାରଦୀୟ ପାର୍ବଣର ମାହୋଲ ନେବେ କଟକିଆ । ଆଉ ଦିନ କେଇଟା ପରେ ପୂଜା ପାଇବେ ଜଗତଜନନୀ । ଦଶହରା ଯେତିକି ପାଖେଇ ଆସୁଛି ଉତ୍ସାହ, ଉତ୍କଣ୍ଠା ସେମିତି ବଢ଼ିବାରେ ଲାଗିଛି । ଏବର୍ଷ ଦଶହରା ବିନା କଟକଣାରେ ପାଳିତ ହେବ । ଚଳିତ ବର୍ଷ ୮ଟି ସ୍ଥାନରେ ତୋରଣ ହେଉଥିବା ବେଳେ ବାକି ୧୬୫ଟି ପୂଜା କମିଟିରେ ଲାଇଟ୍‌ ଗେଟ୍‌ ବା କପଡ଼ା ଗେଟ୍‌ ହେଉଥିବା ଜଣାପଡ଼ିଛି ।

କଟକ ସହରରେ ୧୭୩ ପୂଜା କମିଟିରେ ଦଶହରା ପୂଜା ହୋଇଥାଏ । ପୂଜାର ମାହୋଲ ତୋରଣରୁ ହିଁ ଜଣା ପଡ଼ିଯାଇଥାଏ । ମାସକ ଆଗରୁ ଏସବୁ କାମ ଆରମ୍ଭ ହୋଇଯାଇଥାଏ । ଚଳିତ ବର୍ଷ ଖାନନଗରଖପୁରିଆ ଶିଳ୍ପାଞ୍ଚଳ ଦୁର୍ଗାପୂଜା କମିଟି, ବାଦାମବାଡ଼ି ପୂଜା କମିଟି, ଚାନ୍ଦିନୀଚୌକ ପୂଜା କମିଟି, ମାଲଗୋଦାମ ପୂଜା କମିଟି, ଶିଖରପୁର ପୂଜା କମିଟି, ଛତ୍ରବଜାର ପୂଜା କମିଟି ଏବଂ ସିଡିଏର ଦୁଇଟି ପୂଜା କମିଟିକୁ ମିଶାଇ ମୋଟ ୮ ଟି ପୂଜା କମିଟି ପକ୍ଷରୁ ତୋରଣ ହେଉଛି ।

ଖାନନଗରରେ ଅମରନାଥ ମନ୍ଦିରର ତୋରଣ ନିର୍ମାଣ ହେଉଥିବା ବେଳେ ବାଦାମବାଡ଼ିରେ ବାହୁବଳୀ ସେଟ୍‌ର ତୋରଣ ହେଉଛି, ଯାହା ଚଳିତ ବର୍ଷର ସବୁଠାରୁ ଆକର୍ଷଣୀୟ ତୋରଣ ହେବ ବୋଲି କୁହାଯାଉଛି । ସେହିଭଳି ଚଳିତ ବର୍ଷ ୧୮୫ ଜଣ ଲାଇଟ୍‌ ଓ ସାଉଣ୍ଡ ବ୍ୟବସାୟୀ ବିଭିନ୍ନ ପୂଜା କମିଟିରେ ଲାଇଟ୍‌ ଗେଟ୍‌ ଲଗାଇବାକୁ ବରାଦ ପାଇଛନ୍ତି ।

କଟକର ସବୁଠାରୁ ପୁରୁଣା ଓ ଜଣାଶୁଣା ‘କୁମାର ଲାଇଟ୍‌’ ଏଥିପାଇଁ କୋଲକାତାରୁ ବିଭିନ୍ନ ଡିଜାଇନ୍‌ର ଲାଇଟ୍‌ ଆଣିଥିବା ‘ଲାଇଟ୍‌ ଓ ସାଉଣ୍ଡ ଆସୋସିଏସନ୍‌’ର ସଭାପତି ନରେନ୍ଦ୍ର କୁମାର ସାହୁ କହିଛନ୍ତି । ୨ ବର୍ଷ ପରେ ଜାକଜମକରେ ଦଶହରା ପାଳନ ହେଉଥିବାରୁ ସହରକୁ ଝଲସେଇ ଦେବା ଭଳି ଲାଇଟ୍‌ ଲାଗିବ ବୋଲି ବିଭିନ୍ନ ଲାଇଟ୍‌ ବ୍ୟବସାୟୀମାନେ କହିଛନ୍ତି । ସେହିପରି ତୋରଣ ନିର୍ମାଣ କରିବା ପାଇଁ କୋଲକାତାରୁ କାରିଗର ଆସିଛନ୍ତି ବୋଲି ତୋରଣ କରୁଥିବା ପୂଜା କମିଟି ପକ୍ଷରୁ କୁହାଯାଇଛି ।

   Related Posts