ସମ୍ବଲପୁର, ୨୦/୦୫: ସମ୍ବଲପୁର ସହର କ୍ଷେତରାଜପୁର ଠାରେ ଥିବା କୁଲର ଏବଂ ଆଲମିରା କାରଖାନା "ପୂଜା ଇଣ୍ଡଷ୍ଟ୍ରି"ରେ ଆଜି ରାଜ୍ୟ ସରକାରଙ୍କ ସିଟି ଜିଏସଟିର ପ୍ରବର୍ତ୍ତନ ବିଭାଗ ପକ୍ଷରୁ ଚଢ଼ାଉ ହୋଇଛି । କ୍ଷେତରାଜପୁର କ୍ରୀଷ୍ଣାନଗର ଏବଂ ନକ୍ସIପାଲି ସ୍ଥିତ କାରଖାନା ଏବଂ ଏନ୍ ଗୁହା ଗଳିରେ ଥିବା ପୂଜା ଇଣ୍ଡଷ୍ଟ୍ରିର ମାଲିକ ପ୍ରେମା ଦେବୀ ଅଗ୍ରୱାଲଙ୍କ ବାସଭବନରେ ଏହି ଚଢ଼ାଉ ହୋଇଛି । ଟିକସ ଫାଙ୍କୁଥିବା ଅଭିଯୋଗରେ ଏହି ଚଢ଼ାଉ ହୋଇଥିବା ଜଣାଯାଇଛି I
କିଛି ଗୁରୁତ୍ୱପୂର୍ଣ୍ଣ କାଗଜ ପତ୍ର ଯାଞ୍ଚ କରାଯାଉଥିବା ବେଳେ ତଦନ୍ତ ଜାରି ରହିଥିବା ସିଟି ଏବଂ ଜିଏସଟି ପ୍ରବର୍ତ୍ତନ ବିଭାଗର ଯାଞ୍ଚ ଅଧିକାରୀ ସୁରଞ୍ଜନ ସାଗର ସୂଚନା ଦେଇଛନ୍ତି I ଡେପୁଟି କମିଶନର ସୁବୋଧ କୁମାର ପଣ୍ଡାଙ୍କ ନେତୃତ୍ୱରେ ହେଉଥିବା ଏହି ଚଢାଉରେ ୨୦ ଜଣ ଅଧିକାରୀ ସାମିଲ ରହିଛନ୍ତି I