ଚେନ୍ନାଇ ୨୫/୦୫: ମେ ୨୮ରେ ଖେଳାଯିବ ଆଇପିଏଲ ୨୦୨୩ର ଅନ୍ତିମ ତଥା ଫାଇନାଲ୍ ମ୍ୟାଚ୍ । ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ ଏହି ହାଇଭୋଲଟେଜ୍ ମ୍ୟାଚ୍ । ଗୁଜୁରାଟକୁ କ୍ୱାଲିଫାୟାରରେ ହରାଇ ଚେନ୍ନାଇ ସୁପର କିଙ୍ଗ୍ସ ସିଧାସଳଖ ଫାଇନାଲ୍ରେ ପ୍ରବେଶ କରିଛି ।
କ୍ୱାଲିଫାୟର-୨ରେ ମୁହାଁମୁହିଁ ହେବେ ମୁମ୍ଇୱାଇ ଇଣ୍ଡିଆନ୍ସ ଏବଂ ଗୁଜୁରାଟ ଟାଇଟନ୍ସ । ଏହି ମ୍ୟାଚ୍ରେ ଯିଏ ହେବ ବିଜେତା ଫାଇନାଲରେ CSK ସହିତ ମୁହାଁମୁହିଁ ହେବ ସେହି ଟିମ୍ । ତେବେ ଏହି ଫାଇନାଲ ମ୍ୟାଚ୍ ପୂର୍ବରୁ CSK ଫ୍ୟାନ୍ଙ୍କୁ ଲାଗିବାକୁ ଯାଉଛି ଜୋରଦାର୍ ଝଟକା । ଯାହା ଚର୍ଚ୍ଚା ହେଉଛି ଯେ, ଫାଇନାଲ୍ରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ଏମଏସ ଧୋନି ଖେଳିବେ ନାହିଁ ।
ଫାଇନାଲରେ ଖେଳିବେ ନାହିଁ ଧୋନି ?
CSK କ୍ୟାପଟେନ ଏମଏସ ଧୋନି ଆଇପିଏଲ ୨୦୨୩ର ଫାଇନାଲ ଖେଳିନପାରନ୍ତି । ଇନସାଇଡ୍ ସ୍ପୋର୍ଟ ଅନୁଯାୟୀ, ଧୋନି ଗୁଜୁରାଟ ଟାଇଟାନ୍ସ ବିପକ୍ଷ ମ୍ୟାଚ୍ରେ ଅମ୍ପାୟାରଙ୍କ ସହ କିଛି କଥା ହେଉଥିବାର ଦେଖିବାକୁ ମିଳିଥିଲା । ଯେଉଁଥିପାଇଁ ଖେଳ ୪ ମିନିଟ ପାଇଁ ବନ୍ଦ ହୋଇଯାଇଥିଲା । ଯଦି କୌଣସି କାରଣ ନଥାଇ ଖେଳ ବନ୍ଦ କରିବା ପାଇଁ ଅମ୍ପାୟାର ତାଙ୍କୁ ଦୋଷୀ ସାବ୍ୟସ୍ତ କରନ୍ତି । ତେବେ ତାଙ୍କୁ ଫାଇନାଲରେ ଖେଳିବାକୁ ଦିଆଯିବ ନାହିଁ ବୋଲି ଚର୍ଚ୍ଚା ହେଉଛି । ହେଲେ ଧୋନିଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ କି ନାହିଁ ସେ ସମ୍ପର୍କରେ ଏପର୍ଯ୍ୟନ୍ତ କୌଣସି ସରକାରୀ ବିବୃତ୍ତି ବାହାରି ନାହିଁ ।
କ'ଣ ଥିଲା ଘଟଣା?
ବାସ୍ତବରେ, ଯେତେବେଳେ ଚେନ୍ନାଇ ସୁପର କିଙ୍ଗ୍ସର ଦଳ ଗୁଜୁରାଟ ଟାଇଟାନ୍ସ ବିପକ୍ଷରେ ବୋଲିଂ କରୁଥିଲେ । ଏହି ସମୟରେ ଦ୍ୱିତୀୟ ଓଭର ବୋଲିଂ କରିବାକୁ ଆସିଥିବା ମାଥିଶା ପାଥିରାନାଙ୍କୁ ବୋଲିଂରୁ ଅଟକାଇ ଦିଆଯାଇଥିଲା । କାରଣ ପୂର୍ବରୁ ଏହି ଦ୍ରୁତ ବୋଲର ୯ ମିନିଟର ବିରତି ନେବା ପରେ ପଡ଼ିଆ ବାହାରେ ଥିଲେ । କିନ୍ତୁ ଯେତେବେଳେ ସେ ବୋଲିଂ କରିବାକୁ ଫେରିଥିଲେ । ଅମ୍ପାୟାର ବୋଲିଂ କରିବାକୁ ମନା କରିଦେଇଥିଲେ ।
ଏହା ପରେ ଧୋନି ଅମ୍ପାୟାରଙ୍କ ସହ କଥାବାର୍ତ୍ତା କରିବାକୁ ଯାଇଥିଲେ । ଯେଉଁଥିରେ ଅମ୍ପାୟର କହିଥିଲେ ଯେ ବିରତି ପରେ ପଡ଼ିଆରେ ନିର୍ଦ୍ଧାରିତ ସମୟ ପୂରଣ ହୋଇନାହିଁ । ଏସବୁ ମଧ୍ୟରେ ଖେଳ ୪ ମିନିଟ୍ ପାଇଁ ବନ୍ଦ ହୋଇଥିଲା । ତେବେ ଏହି ଘଟଣାରେ ଧୋନିଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ହୋଇନି । କିନ୍ତୁ ଯଦି ସେ ଦୋଷୀ ସାବ୍ୟସ୍ତ ହୁଅନ୍ତି, ତେବେ ତାଙ୍କୁ ଚଳିତ ସିଜନରେ ଧୀମା ଓଭର ହାର ପାଇଁ ଥରେ ଜୋରିମାନା ହେବା ଭଳି ଫାଇନାଲ ଖେଲିବାରୁ ବଞ୍ଚିତ କରାଯିବ ।
୧୦ ଥର ଫାଇନାଲରେ ଏଣ୍ଟ୍ରି କରିଛି CSK:
ଚେନ୍ନାଇ ସୁପର କିଙ୍ଗ୍ସର ଦଳ ଆଇପିଏଲ ଇତିହାସରେ ଦଶମ ଥର ପାଇଁ ଫାଇନାଲ୍ ମ୍ୟାଚ୍ ଖେଳିବ । ପ୍ରଥମ ଯୋଗ୍ୟତା ପର୍ଯ୍ୟାୟରେ ଗୁଜୁରାଟ ଟାଇଟାନ୍ସକୁ ୧୫ ରନରେ ପରାସ୍ତ କରି ଚେନ୍ନାଇ ଦଳ ଫାଇନାଲରେ ପ୍ରବେଶ କରିଛି । ଚେନ୍ନାଇ ସୁପର କିଙ୍ଗ୍ସ ୪ ଥର ଆଇପିଏଲ୍ ଟାଇଟଲ୍ ଜିତିଛି । ତେବେ ଧୋନିଙ୍କ ଶେଷ ଆଇପିଏଲ୍ ହେବାକୁ ଯାଉଛି ବୋଲି ମଧ୍ୟ କଳ୍ପନାଜଳ୍ପନା କରାଯାଉଛି । କିନ୍ତୁ ସେ ନିଜେ ଏନେଇ କୌଣସି ସ୍ପଷ୍ଟ କରିନାହାଁନ୍ତି ।