ଅହମ୍ମଦାବାଦ: ସାଇନିଂ ସିଏସକେ, ଚେନ୍ନାଇ ଚାମ୍ପିଅନ । ସୁପର କିଙ୍ଗସର ସୁପର ଶୋ’ । ପଞ୍ଚମ ଥର ଆଇପିଏଲ ଟ୍ରଫି ବିଜେତା । ମଧ୍ୟରାତିରେ ଚାଲିଲା ଜାଡେଜା ଜାଦୁ। ଟାଇଟନ୍ସ ଟାଇଟଲ ଆଶା ଧୂଳିସାତ୍ । ଫାଇନାଲରେ ବିଶାଳ ସ୍କୋର, ବିଳମ୍ବିତ ରାତି, ବର୍ଷା ବାଧକ । ତଥାପି ସବୁ ପ୍ରତିକୂଳ ପରିସ୍ଥିତିକୁ ଭେଦ କରି ଦେଇଛି ଚେନ୍ନାଇ ସୁପର କିଙ୍ଗସ୍ । ଆଉ ଶେଷ ଦୁଇଟି ବଲରେ ପ୍ରଥମେ ଛକା ପରେ ଚୌକା ମାରି ଆଇପିଏଲ ଇତିହାସରେ ସ୍ବର୍ଣ୍ଣିମ ଫର୍ଦ୍ଦକୁ ଯୋଡ଼ି ଦେଇଛନ୍ତି । ଗୁଜରାଟ ଟାଇଟନ୍ସର ଟାଇଟଲ ସ୍ବପ୍ନକୁ ଭାଙ୍ଗି ମହେନ୍ଦ୍ର ସିଂହ ଧୋନିଙ୍କ ନେତୃତ୍ବାଧିନ ସିଏସକେ ପଞ୍ଚମ ଥର ପାଇଁ ଟାଇଟଲ ବିଜେତା ହୋଇଛି ।

ଶେଷ ଦୁଇଟି ବଲରେ ସାର୍ ରବିନ୍ଦ୍ର ଜାଡ଼େଜା ଛକା ଓ ଚୌକା ମାରି ନିଜ ଷ୍ଟାଇଲ୍ ରେ ମ୍ୟାଚକୁ ଫିନିସ୍ କରିଥିଲେ। ଚେନ୍ନାଇର ବିଜୟ ପରେ ଆତ୍ମବିଭୋର ହୋଇଛନ୍ତି ପ୍ରସଂଶକ । ପୋଷ୍ଟ ମ୍ୟାଚ୍ ସେଲିବ୍ରେସନ ବେଳେ ଅହମ୍ମଦାବାଦର ବିଶାଳ ନରେନ୍ଦ୍ର ମୋଦି ଷ୍ଟାଡିୟମ ସିଏସକେ ସିଏସକେରେ ଗୁଞ୍ଜରିତ ହୋଇଥିଲା । ମହୀ- ଆଣ୍ଡ-କୋ କମ୍ପାନୀ ଡିଫେଣ୍ଡିଂ ଚାମ୍ପିଅନ୍ ଗୁଜୁରାଟ ଟାଇଟନ୍ସକୁ ୫ ଓ୍ବିକେଟ୍ ପରାସ୍ତ କରି ନିଜ ନାଁରେ ନୂଆ ରେକର୍ଡ କରିଦେଇଛନ୍ତି । ଆଉ ଆଇପିଏଲରେ ଶ୍ରେଷ୍ଠ ଦଳର ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇ ଦେଇଛନ୍ତି ।

𝙒𝙚 𝙬𝙖𝙣𝙩 𝙩𝙤 𝙙𝙚𝙙𝙞𝙘𝙖𝙩𝙚 𝙩𝙝𝙞𝙨 𝙏𝙞𝙩𝙡𝙚 𝙑𝙞𝙘𝙩𝙤𝙧𝙮 𝙩𝙤 𝙈𝙎 𝘿𝙝𝙤𝙣𝙞 💛

Men of the moment @imjadeja & @IamShivamDube recap #CSK's glorious win in the #TATAIPL 2023 #Final 👌🏻👌🏻 – By @ameyatilak

Full Interview 🎥🔽 #CSKvGT https://t.co/kDgECPSeso pic.twitter.com/yp09HKKCSn

— IndianPremierLeague (@IPL) May 30, 2023

ଫାଇନାଲ ମ୍ୟାଚରେ ପ୍ରଥମେ ବ୍ୟାଟିଂ କରି ଗୁଜରାଟ ଟାଇଟନ୍ସ ୪ ଓ୍ବିକେଟ୍ ହରାଇ ଚେନ୍ନାଇ ସୁପର କିଙ୍ଗସ ସମ୍ନାରେ ୨୧୪ ରନର ପାହାଡ଼ ଛିଡ଼ା କରିଥିଲା । ବର୍ଷା ବାଧକ ଓ ଦୁଇ ଘଣ୍ଟା ବିଳମ୍ବ ସତ୍ତ୍ବେ ବିଶାଳ ଲକ୍ଷ୍ୟକୁ ପିଛା କରିଥିଲା ସୁପର କିଙ୍ଗସ୍ । ଡକଓ୍ବଥ ଲୁଇସ୍ ନିୟମରେ ଚେନ୍ନାଇକୁ ୧୫ ଓଭରରେ ୧୭୧ର ଟାର୍ଗେଟ୍ ମିଳିଥିଲା । ଆରମ୍ଭରୁ ସ୍ପିଡ୍ ଧରିଥିଲା ଚେନ୍ନାଇ ଏକ୍ସପ୍ରେସ୍ । ରୁତୁରାଜ ଗାଏକ୍ବାଡ ଓ ଡେଭିଡ୍ କନଓ୍ବେଙ୍କ ଓପନିଂ ପାର୍ଟନରସିପ୍ ବଡ଼ ଟାର୍ଗେଟର ମୂଳଦୁଆ ପକାଇଦେଇଥିଲେ । ହେଲେ ନୁର୍ ଅହମ୍ମଦ ଗୋଟିଏ ଓଭରରେ ଦୁଇଟି ଓ୍ବିକେଟ୍ ଅକ୍ତିଆର କରି ଚେନ୍ନାଇ ସ୍ପିଡରେ ବ୍ରେକ୍ ଦେଇଥିଲେ । ପରେ ଆରମ୍ଭ ହୋଇଥିଲା ଅସଲ କ୍ଲାଇମାକ୍ସ । ରନ୍ ଗତି ସାମାନ୍ୟ ଧିମା ହୋଇଥିଲେ ମଧ୍ୟ ରାହେଣ, ରାୟୁଡୁ ଓ ଦୁବେ ଧୁଆଁଧାର ଇନିସିଂ ଖେଳରେ ରୋମାଞ୍ଚ ଭରି ଦେଇଥିଲେ । ଆଉ ଶେଷ ଓଭରର ଶେଷ ଦୁଇଟି ବଲରେ ଗୋଟିଏ ଛକା ଓ ଚୌକା ମାରି ଚେନ୍ନାଇର ବିଜୟ ବାନା ଉଡ଼ାଇ ଦେଇଥିଲେ ରବିନ୍ଦ୍ର ଜାଡେଜା ।

We are not crying, you are 🥹

The Legend continues to grow 🫡#TATAIPL | #Final | #CSKvGT | @msdhoni | @ChennaiIPL pic.twitter.com/650x9lr2vH

— IndianPremierLeague (@IPL) May 30, 2023

ଗୁଜରାଟ ଟାଇଟନ୍ସର ଦ୍ବିତୀୟ ଥର ଟାଇଟଲ୍ସ ସ୍ବପ୍ନ ଭାଙ୍ଗି ଯାଇଛି । ରିଦ୍ଦିମାନ ସାହା, ସୁବମନ୍ ଗିଲ୍ ଓ ସାଇ ସୁଦର୍ଶନଙ୍କ ଲଢୁଆ ଇନିଂସ ଫିକା ପଡ଼ିଯାଇଛି । ଚେନ୍ନାଇ ଠାରୁ ପରାସ୍ତ ହୋଇଛି ଗୁଜରାଟ ଟାଇଟନ୍ସ । ଆଇପିଏଲ୍ ଫାଇନାଲ ମ୍ୟାଚରେ ଡେଭିଡ୍ କନଓ୍ବେ ପ୍ଲେୟାର ଅପ୍ ଦି ମ୍ୟାଚ ହୋଇଥିବା ବେଳେ ପ୍ଲେୟାର ଅଫ୍ ଦି ସିରିଜ୍ ହୋଇଛନ୍ତି ସୁବମନ ଗିଲ୍ । ଅନ୍ୟପଟେ ଗିଲ୍ ସର୍ବାଧିକ ୮୯୦ ରନ ସଂଗ୍ରହ କରି ଅରେଞ୍ଜ କ୍ୟାପ୍ ହୋଲ୍ଡର ହୋଇଛନ୍ତି । ସେହିପରି ୨୮ ଓ୍ବିକେଟ୍ ଅକ୍ତିଆର କରି ମହମ୍ମଦ ସାମି ପର୍ପଲ କ୍ୟାପ୍ ବିଜେତା ହୋଇଛନ୍ତି ।

𝗖.𝗛.𝗔.𝗠.𝗣.𝗜.𝗢.𝗡.𝗦! 🏆

Chennai Super Kings Captain MS Dhoni receives the #TATAIPL Trophy from BCCI President Roger Binny and BCCI Honorary Secretary @JayShah 👏👏 #CSKvGT | #Final | @msdhoni pic.twitter.com/WP8f3a9mMc

— IndianPremierLeague (@IPL) May 29, 2023

ଆଇପିଏଲରେ ସଫଳତମ ଅଧିନାୟକ ମହେନ୍ଦ୍ର ସିଂହ ଧୋନି । ମାହୀଙ୍କ ନେତୃତ୍ବାଧିନ ସିଏସକେ ପଞ୍ଚମ ଥର ପାଇଁ ଟାଇଟଲ ବିଜୟୀ ହୋଇଛି । ମୁମ୍ବାଇର ସମକକ୍ଷ ହୋଇଛି ଚେନ୍ନାଇ ସୁପର କିଙ୍ଗସ । ସୋମବାର ଫାଇନାଲରେ ଆଉ ଏକ ମାଇ ଖୁଣ୍ଟ ଅତିକ୍ରମ କରିଛନ୍ତି ଏମଏସ୍ । ପ୍ରଥମ ଖେଳାଳି ଭାବେ ୨୫୦ ମ୍ୟାଚ୍ ଖେଳିଛନ୍ତି । ସେହିପରି ସର୍ବାଧିକ ୨୨୬ଟି ମ୍ୟାଚରେ ନେତୃତ୍ବ ନେଇଛନ୍ତି । ତାଙ୍କ ପଛକୁ ଅଛନ୍ତି ରୋହିତ୍ ଶର୍ମା । ଚଳିତ ଆଇପିଏଲରେ ଧୁଆଁଧାର ପାଳି ଖେଳିଛନ୍ତି ଧୋନି ।