scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କେନ୍ଦ୍ର ସହ ବୈଠକରେ ଚାଷୀଙ୍କ ବିରୋଧରେ ରୁଜୁ ମାମଲା ଫେରାଇବା ଉପରେ ସହମତି, ଋଣ ଛାଡ଼ ଉପରେ ବାହାରି ପାରୁନି ନିଷ୍କର୍ସ

12/02/2024 at 10:23 PM

ନୂଆଦିଲ୍ଲୀ: ଫେବ୍ରୁଆରୀ ୧୩ରେ କୃଷକ ସଂଗଠନଗୁଡିକ ଦିଲ୍ଲୀ ଚାଲୋ ଡାକରା ଦେଇଛନ୍ତି । ଏହା ପୂର୍ବରୁ ସୋମବାର ଚଣ୍ଡିଗଡ଼ରେ ତିନି କେନ୍ଦ୍ରମନ୍ତ୍ରୀ ଏବଂ ଚାଷୀ ନେତାଙ୍କ ମଧ୍ୟରେ ବୈଠକ ଚାଲିଛି । ସୂତ୍ର ଅନୁସାରେ ବୈଠକରେ କୃଷକ ଆନ୍ଦୋଳନ ସମୟରେ ଚାଷୀଙ୍କ ବିରୋଧରେ ରୁଜୁ ହୋଇଥିବା ଏଫଆଇଆର ଏବଂ ଅନ୍ୟ ମାମଲା ଫେରାଇ ନିଆଯିବା ଉପରେ ସହମତି ହୋଇଛି । ଅନ୍ୟପଟେ କୃଷକଙ୍କ ସମସ୍ତ ପ୍ରକାର ଲୋନ୍ ଏବଂ ଋଣ ଛାଡ ଦାବିରେ ନିଷ୍କର୍ସ ବାହାରି ପାରି ନାହିଁ ।

କେନ୍ଦ୍ରମନ୍ତ୍ରୀ ଏବଂ ଚାଷୀ ନେତାଙ୍କ ମଧ୍ୟରେ ଏହି ବୈଠକ ସେକ୍ଟର-୨୬ ସ୍ଥିତ ମହାତ୍ମା ଗାନ୍ଧୀ ରାଜ୍ୟ ଲୋକ ପ୍ରଶାସନ ସଂସ୍ଥାନ ପରିସରରେ ଚାଲିଛି । କେନ୍ଦ୍ର ପକ୍ଷରୁ ଏହି ବୈଠକରେ କେନ୍ଦ୍ରମନ୍ତ୍ରୀ ଅର୍ଜୁନ ମୁଣ୍ଡା, ପୀୟୁଷ ଗୋୟଲ ଏବଂ ନିତ୍ୟାନନ୍ଦ ରାୟ ଉପସ୍ଥିତ ଅଛନ୍ତି ।

ପଢନ୍ତୁ: ଆନ୍ଦୋଳନକୁ ଓହ୍ଲାଇବେ ଚାଷୀ, ଫେବ୍ରୁଆରୀ ୧୬ରେ ଭାରତ ବନ୍ଦ ଆହ୍ୱାନ

ସୂତ୍ର ଅନୁସାରେ ବୈଠକରେ କେନ୍ଦ୍ର ନେତା ନରମ ମନୋଭାବ ପୋଷଣ କରୁଛନ୍ତି ଏବଂ ଚାଷୀ ନେତାଙ୍କ ଗୁରୁତ୍ୱପୂର୍ଣ୍ଣ ଦାବି ଉପରେ ସହମତିର ସଂକେତ ଦେଇଛନ୍ତି । କୃଷକଙ୍କ ଦିଲ୍ଲୀ ଚାଲୋ ଆନ୍ଦୋଳନ ସ୍ଥଗିତ ହୋଇପାରେ ବୋଲି ଅନୁମାନ କରାଯାଉଛି । କୃଷକଙ୍କ ପ୍ରମୁଖ ଦାବି ମଧ୍ୟରେ ସ୍ୱାମୀନାଥନ ରିପୋର୍ଟ ଅନୁସାରେ ସମସ୍ତ ଫସଲ ଉପରେ ଏମଏସପିର ଆଇନଗତ ଗ୍ୟାରେଣ୍ଟି, ଚାଷୀ ଏବଂ କୃଷିକ୍ଷେତ୍ରର ଶ୍ରମିକଙ୍କ ଋଣ ଛାଡ଼, କୃଷକ ଆନ୍ଦୋଳନ ସମୟରେ ରୁଜୁ ମାମଲା ରଦ୍ଦ ସାମିଲ ରହିଛି ।

   Related Posts