suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆତଙ୍କବାଦୀଙ୍କ ଉପରେ ଭାରି ପଡ଼ିବେ ମହିଳା ଯବାନ, ଅପରେସନରେ ସାମିଲ ନେଇ ଚାଲିଛି ବିଚାରବିମର୍ଶ

30/12/2022 at 9:55 PM

ନୂଆଦିଲ୍ଲୀ: ଆତଙ୍କବାଦୀଙ୍କ ଉପରେ ଭାରି ପଡ଼ିବେ ଭାରତୀୟ ମହିଳା ଯବାନ । ସେନା ଅପରେସନରେ ସାମିଲ ହେବେ ମହିଳା । ସୀମାରେ ସିଜ୍ ଫାୟାର ତଥା ଏନକାଉଣ୍ଟର ସ୍ଥାନ ମାନଙ୍କରେ ଅର୍ଦ୍ଧ ସାମରିକବଳର ମହିଳା ଯବାନମାନେ ନିୟୋଜିତ ହେବେ । ଏଥିପାଇଁ ସିଆରପିଏଫରେ ମହିଳାଙ୍କୁ ତାଲିମ ଦିଆଯିବା ନେଇ ବିଚାର କରାଯାଉଛି । ଏପରି ହେଲେ ଏହା ଜାମ୍ମୁ-କାଶ୍ମୀର ଉଗ୍ରବାଦ ଇତିହାସରେ ପ୍ରଥମ ହେବେ ।  

ସିଆରଫିଏଫ ଇନିସିପେକ୍ଟର ଚାରୁ ସିହ୍ନା କହିଛନ୍ତି, ସେନା ଅପରେସନରେ ଅର୍ଦ୍ଧ ସାମରିକବଳର ମହିଳା ଯବାନଙ୍କୁ ସାମିଲ କରିବା ନେଇ ପ୍ରତିରକ୍ଷା ବିଭାଗ ବିଚାରବିମର୍ଶ କରୁଛି । ସିକ୍ୟୁରିଟି ଫୋର୍ସରେ ପୁରୁଷଙ୍କ ଦବଦବା ରହିଛି । ସର୍ଚ୍ଚ ଅପରେସନ ଓ ଏନକାଉଣ୍ଟର ସମୟରେ ମହିଳାଙ୍କୁ ସାମିଲ କରିବା ସମ୍ଭବ ନୁହେଁ । ହେଲେ ଏବେ ଏହି ବିଚାରରେ ପରିବର୍ତ୍ତନ ଆଣିବାର ଆବଶ୍ୟକତା ରହିଛି । ଏଦିଗରେ ମହିଳା ଯବାନଙ୍କୁ ସାମିଲ କରିବା ନେଇ ବିଚାର କରାଯାଉଛି ।

ସୁରକ୍ଷା ଅଧିକାରୀ କହିଛନ୍ତି, ଜାମ୍ମୁ-କାଶ୍ମୀରରେ ଆତଙ୍କବାଦୀ ଅପରେସନ ସମୟରେ ଲୋକଙ୍କ ଘର ସର୍ଚ୍ଚ କରିବାକୁ ପଡ଼ୁଛି । ଘରରେ ମହିଳା ରହୁଥିବାରୁ ସର୍ଚ୍ଚ ଅପରେସନରେ ସମସ୍ୟା ସୃଷ୍ଟି ହେଉଛି । ତେଣୁ ଏହି ପରିସ୍ଥିତିରେ ମହିଳା ଯବାନଙ୍କୁ ନିୟୋଜିତ କରିବା ଠିକ୍ ହେବ । ଏଥିପାଇଁ ମହିଳା ୟୁନିଟି ଟ୍ରେନିଂ ଉପରେ ଫୋକସ୍ ଦିଆଯାଉଛି ବୋଲି କହିଛନ୍ତି ।  

   Related Posts