ଜଗତସିଂହପୁର, ୧୭/୦୮: କୁଜଙ୍ଗ ବ୍ଲକ କାଠ କୋଟ ନିକଟ ପାଇକା ନଦୀରେ ୫୦ ଫୁଟର ଘାଇ ଦେଖିବାକୁ ମିଳିଛି । ବ୍ୟାପକ ଅଞ୍ଚଳ ଜଳ ମଗ୍ନ ହୋଇଛି । ୩ ଶହରୁ ଉର୍ଦ୍ଧ୍ୱ ପରିବାର ଜଳ ବନ୍ଦୀ ହୋଇ ରହିଛନ୍ତି । ତେବେ ଘାଇ ନିକଟରେ ଏକ କୁମ୍ଭୀର ଦେଖିବାକୁ ମିଳିଥିବାରୁ ଲୋକମାନେ ଭୟଭୀତ ରହିଛନ୍ତି ।

ଅନ୍ୟପଟେ ବନ୍ୟା ଯୋଗୁ ବିଭିନ୍ନ ସ୍ଥାନରେ ଫଶି ରହିଛନ୍ତି ଲୋକେ । ଜଗତସିଂହପୁର ଜିଲ୍ଲାର ବିଭିନ୍ନ ସ୍ଥାନରେ ପଶିଛି ବନ୍ୟଜଳ । ଅନେକ ସ୍ଥାନରେ ଲୋକଙ୍କ ଘରେ ପାଣି ପଶିଥିବା ବେଳେ ଚାଷ ଜମି ମଧ୍ୟ ଜଳମଗ୍ନ ହୋଇଯାଇଛି । ଫଶି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରଖିଛି ଅଗ୍ନିଶମ ବାହିନୀ ।