ବାସୁଦେବପୁର ୧୬।୩: ଭଦ୍ରକ ଜିଲ୍ଲା ବାସୁଦେବପୁର ବ୍ଲକର ଗମେଇ ନଦୀରେ ପୁଣି କୁମ୍ଭୀର ଆତଙ୍କ ଦେଖାଦେଇଛି । ନଦୀରେ କୁମ୍ଭୀରକୁ ଦେଖି ଆଖପାଖ ଅଂଚଳର ଗ୍ରାମବାସୀମାନେ ଆତଙ୍କିତ ହୋଇପଡିଛନ୍ତି ।

ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ବାସୁଦେବପୁର ବ୍ଲକ୍ ନନ୍ଦପୁରଠାରେ ଯାଇଥିବା ଗମେଈ ନଦୀରେ କୁମ୍ଭୀର ଆତଙ୍କ ଦେଖାଦେଇଛି । ସ୍ଥାନୀୟ ଗ୍ରାମବାସୀ ନିକଟରେ ଥିବା ଝାଉଁ ବଣରେ ବୁଲୁଥିବା ସମୟରେ ନଦୀ ପଠାରେ ଏକ କୁମ୍ଭୀର ଶୋଇଥିବା ଦେଖିବାକୁ ପାଇଥିଲେ । କୁମ୍ଭୀରଟି ପାଖାପାଖି ୫ ଫୁଟ ଲମ୍ବର ହୋଇଥିବା ଜଣାପଡିଛି । ଯାହାକୁ ନେଇ ଗ୍ରାମବାସୀ ଆତଙ୍କିତ ହୋଇପଡିଛନ୍ତି ।

ଦୁଇ ବର୍ଷ ପୂର୍ବେ ଏହି ନଦୀରୁ ଏକ ମା’ କୁମ୍ଭୀର ଉଦ୍ଧାର କରି ଗ୍ରାମବାସୀମାନେ ବନ ବିଭାଗକୁ ହସ୍ତାନ୍ତର କରିଥିଲେ ।