କାନପୁର ୦୫/୦୭ : ଗ୍ୟାଙ୍ଗଷ୍ଟର ବିକାଶ ଦୁବେକୁ ଗିରଫ କରିବାକୁ ଉତ୍ତର ପ୍ରଦେଶ ପୋଲିସ ବିଭିନ୍ନ ଜାଗାରେ ଚଢ଼ାଉ ଜାରି ରଖିଛି | ଅପରପକ୍ଷରେ ଲଖନଉ ବିକାଶ ପ୍ରାଧିକରଣ (LDA) ଵିକରୁ ମାମଲା ପାରେ ବିକାଶ ଦୁବେର ଲଖନଉ ସ୍ଥିତ ଘରକୁ ଧ୍ୱସ୍ତ କରିବାକୁ ବିଚାର କରୁଛି | କୃଷ୍ଣନଗର ସ୍ଥିତ ବିକାଶ ଦୁବେର ଦୁଇଟି ଘରକୁ ଧ୍ୱସ୍ତ କରିବାକୁ LDA ବିଚାର କରୁଛି | LDA ଟିମ ସମସ୍ତ ଘରର ଆବଣ୍ଟନ, କ୍ରୟ ଓ ମାନଚିତ୍ର ସହିତ ଜଡିତ ସମସ୍ତ ଦସ୍ତାବେଜ ତଲାଶ କରୁଛି |

{"id":296164,"sizeSlug":"large"}

ବିକାଶ ଦୁବେ ନିଜ ପତ୍ନୀ ସମେତ ଅନେକ ସମ୍ପର୍କୀୟଙ୍କ ନାଁରେ ଜମି କିଣି ଘର କରିଥିବା ଅଧିକାରୀ ଦାବି କରିଛନ୍ତି | ମାମଲାର ଯାଞ୍ଚ ପାଇଁ  LDA ସଚିବ ମଙ୍ଗଳା ପ୍ରସାଦଙ୍କ ସହ ଚିଫ ଟାଉନ ପ୍ଳାନର ମିତ୍ତଲ ଓ ପ୍ରବର୍ତ୍ତନ ଏବଂ ମାନଚିତ୍ର ବିଭାଗର ଅନେକ ଅଧିକାରୀ ଓ କର୍ମଚାରୀ ବିଳମ୍ବିତ ରାତି ପର୍ଯ୍ୟନ୍ତ ତଦନ୍ତ ଜାରି ରଖିଥିଲେ | LDA ଅଧିକାରୀଙ୍କ କହିବାନୁଯାୟୀ, କୃଷ୍ଣନଗର ସ୍ଥିତ ଦୁଇଟି ଘର ମଧ୍ୟରୁ ଗୋଟିଏର ନକ୍ସା ମିଳିନାହିଁ ଏବଂ ଅନ୍ୟଟିର ନିର୍ମାଣ ନକ୍ସାର ଓଲଟା ଥିବା ଜଣାପଡିଛି | 

{"id":296162,"sizeSlug":"large"}

ଲଖନଉରେ ବିକାଶ ଦୁବେର ଘର ଭାଙ୍ଗିବା ପାଇଁ LDA ର ପ୍ରବର୍ତ୍ତନ ବିଭାଗର ଇଞ୍ଜିନିୟରିଂ ଟିମ ଘରର ନିରୀକ୍ଷଣ କରିଛନ୍ତି | ବିକାଶ ଦୁବେର ଇନ୍ଦ୍ରଲୋକ କଲୋନୀରେ J-424 ନମ୍ବର ଘର ରହିଛି ଏବଂ K-528 ନମ୍ବର ଘର ବିକାଶର ଭାଇ ଦୀପ ପ୍ରକାଶ ଦୁବେର ରହିଛି | ଶନିବାର ଦିନ କାନପୁର ପ୍ରଶାସନ ବିକାଶ ଦୁବେର ବିଠୁର ସ୍ଥିତ ଆବାସକୁ ଜେସିବି ମେସିନ ଲଗାଇ ଧ୍ୱସ୍ତ କରିଦେଇଛି |

{"id":296163,"sizeSlug":"large"}

ବର୍ତ୍ତମାନ ବିକାଶ ଦୁବେର ସମସ୍ତ ସମ୍ପତ୍ତି ଆଟାଚ କରିବାକୁ ଯୋଜନା କରୁଛି | ବିକାଶ ଦୁବେର ସମସ୍ତ ବ୍ୟାଙ୍କ ଆକାଉଣ୍ଟ ସିଜ କରାଯାଉଛି | ପ୍ରଶାସନ ବିକାଶ ଦୁବେର ସମ୍ପତ୍ତି ଯାଞ୍ଚ କରୁଛି | ଵିକରୁରେ ୮ ପୋଲିସକର୍ମୀଙ୍କୁ ଗୁଳି କରି ହତ୍ୟା କରିବାର ୩୬ ଘଣ୍ଟା ପାରେ ମଧ୍ୟ କୁଖ୍ୟାତ ଅପରାଧୀ ବିକାଶ ଦୁବେ ପୋଲିସ ପହଞ୍ଚ ବାହାରେ ରହିଛି | ପୋଲିସ ବିକାଶ ଦୁବେ ଉପରେ ୫୦ ହଜାର ଟଙ୍କା ପୁରସ୍କାର ରାଶି ମଧ୍ୟ ଘୋଷଣା କରିଥିଲା ଯାହାକୁ ବଢ଼ାଇ ଏବେ ୧ ଲକ୍ଷ ଟଙ୍କା କରିଛି | ଏହାସହ ବିକାଶ ଦୁବେର ୧୮ ସହଯୋଗୀଙ୍କ ଉପରେ ୨୫ ହଜାର ଲେଖାଏଁ ପୁରସ୍କାର ଘୋଷଣା କରିଛି |