ଝାରସୁଗୁଡ଼ା ୦୨।୦୨ : ପୁଣି ଥରେ ବଡ଼ମାଳ ଥାନାରେ ପହଞ୍ଚିଲେ କ୍ରାଇମବ୍ରାଞ୍ଚ ଟିମ୍। ବଡ଼ମାଳ ଥାନାରେ ଥିବା ନବ ଦାସଙ୍କ ଗାଡ଼ିର ପୁଣି ଥରେ ଟିକିନିଖି ଯାଞ୍ଚ କରୁଛି ଫରେନସିକ ଟିମ। ବୁଧବାର ବି ନବ ଦାସ ବସିଥିବା ଗାଡ଼ିର ହୋଇଥିଲା ଯାଞ୍ଚ। ଆଜି କ୍ରାଇମବ୍ରାଞ୍ଚ ଟିମ୍ ପହଞ୍ଚି ଗାଡ଼ିରେ ବିଭିନ୍ନ ଜିନିଷ ପତ୍ର ଯାଞ୍ଚ କରୁଛି। ଗୁଳି ଖୋଜିବା ସହ ରକ୍ତ ଛିଟା ଆଦିର ଯାଞ୍ଚ କରୁଛି କ୍ରାଇମବ୍ରାଞ୍ଚ ଟିମ୍। ଘଟଣାସ୍ଥଳରେ ଫରେନସିକ ଟିମ୍ ସହ କ୍ରାଇମବ୍ରାଞ୍ଚ ଅଧିକାରୀ ଉପସ୍ଥିତ ଅଛନ୍ତି ।
{"id":740632,"sizeSlug":"full","linkDestination":"none"}
ସୂଚନାଯୋଗ୍ୟ ଯେ, ରବିବାର ଦିନ ନବ ଦାସ ଏକ ଦଳୀୟ କାର୍ଯ୍ୟକ୍ରମରେ ଯୋଗଦେବାକୁ ଯାଉଥିବା ବେଳେ ଗାନ୍ଧୀଛକ ଏଏସ୍ଆଇ ଗୋପାଳ ଦାସ ଗୁଳି ମାରିଥିଲେ । ଯାହାଫଳରେ ନବ ଦାସ ଘଟଣାସ୍ଥଳରେ ହିଁ ଟଳିପଡିଥିଲେ । ସେଠାରୁ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ପରେ ତାଙ୍କ ଅବସ୍ଥା ଗୁରୁତର ଥିବାରୁ ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲକୁ ଏୟାରଲିଫ୍ଟ କରାଯାଇଥିଲା । ଭୁବନେଶ୍ୱରର ଘରୋଇ ହସ୍ପିଟାଲରେ ହିଁ ନବ ଦାସଙ୍କ ମୃତ୍ୟୁ ହୋଇଥିଲା ।
{"id":740633,"sizeSlug":"full","linkDestination":"none"}
ତେବେ ରାଜ୍ୟରେ ଜଣେ ମନ୍ତ୍ରୀଙ୍କୁ ଦିନ ଦ୍ୱିପହରରେ ଗୁଳି କରି ହତ୍ୟା କରିବା ଘଟଣାକୁ ଗୁରୁତ୍ୱ ସହ ନେଇଥିଲେ ରାଜ୍ୟ ସରକାର । ଘଟଣାର ତଦନ୍ତ କ୍ରାଇମବ୍ରାଞ୍ଚକୁ ଦିଆଯାଇଥିଲା । କ୍ରାଇମବ୍ରାଞ୍ଚର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ବିଭିନ୍ନ ଦିଗକୁ ନେଇ ତଦନ୍ତ କରୁଛନ୍ତି ।
