ଝାରସୁଗୁଡା ୩୧/୦୧: ମନ୍ତ୍ରୀ ନବ ଦାସଙ୍କୁ ଗୁଳି କରାଯାଇଥିବା ସ୍ଥାନର ମଙ୍ଗଳବାର ସକାଳୁ ପୁଣି ଯାଞ୍ଚ ଆରମ୍ଭ କରିଛି ସାଇଣ୍ଟିଫିକ ଟିମ୍ । ମେଟାଲ ଡିଟେକ୍ଟର ସାହାଯ୍ୟରେ ଯାଞ୍ଚ ଆରମ୍ଭ କରାଯାଇଥିବାବେଳେ ଫୁଟି ଥିବା ଗୁଳି ଖୋଜୁଛି ସଇଣ୍ଟିଫିକ ଟିମ୍ । ଘଟଣାର ସମସ୍ତ ସୁରାକ୍ ପାଇଁ ପୁଣି ଥରେ ଘଟଣା ସ୍ଥଳରେ ତନାଘନା ଆରମ୍ଭ କରିଛି ସାଇଣ୍ଟିଫିକ ଟିମ ଓ କ୍ରାଇମବ୍ରାଞ୍ଚ ।
ସ୍ଵାସ୍ଥ୍ୟ ମନ୍ତ୍ରୀ ନବ ଦାସଙ୍କୁ ହତ୍ୟା ମାମଲାରେ ଅଭିଯୁକ୍ତ ଏଏସଆଇ ଗୋପାଳ ଦାସଙ୍କୁ ଗିରଫ କରାଯାଇଛି । ଅଭିଯୁକ୍ତ ଗୋପାଳଙ୍କୁ ସାତ ଦିନ ରିମାଣ୍ଡରେ ନେବା ପୋଇଁ କ୍ରାଇମବ୍ରାଞ୍ଚ କୋର୍ଟରେ ଆବେଦନ କରାଯିବ । ତେବେ କାହିଁକି ସେ ମନ୍ତ୍ରୀଙ୍କୁ ଗୁଳି କଲେ ଏବଂ ଏହା ପଛରେ ଆଉ କାହାର ରହିଛି ଏସବୁ ଦିଗକୁ ନେଇ କ୍ରାଇମବ୍ରାଞ୍ଚ ମାମଲାର ତଦନ୍ତ କରୁଛି ।
ସୂଚନାଥାଉକି, ରବିବାର ଝାରସୁଗୁଡ଼ା ସ୍ଥିତ ବ୍ରଜରାଜନଗର ଗାନ୍ଧି ଛକରେ ଥିବା ବିଜେଡି କାର୍ଯ୍ୟାଳୟର ଉଦଘାଟନ କରିବାକୁ ଯାଉଥିବା ସ୍ଵାସ୍ଥ୍ୟ ମନ୍ତ୍ରୀ ନବ ଦାସଙ୍କୁ କର୍ମୀ ଫୁଲମାଳ ପିନ୍ଧାଇ ସ୍ଵାଗତ କରୁଥିବାବେଳେ ଗୁଳିମାଡ କରିଥିଲେ ଗୋପାଳ । ସଙ୍କଟାପନ୍ନ ଅବସ୍ଥାରେ ତାଙ୍କୁ ପ୍ରଥମେ ଝାରସୁଗୁଡା ମୁଖ୍ୟ ଚିକିତ୍ସାଳୟ ଏବଂ ପରେ ଭୁବନେଶ୍ଵର ସ୍ଥିତ ଆପୋଲୋ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା । ଡାକ୍ତରଙ୍କ ସକଳ ଚେଷ୍ଟା ସତ୍ତ୍ଵେ ନବ ଦାସଙ୍କ ମୃତ୍ୟୁ ହୋଇଥିଲା ।
