ଢେଙ୍କାନାଳ ୨୯|୧୦: ଢେଙ୍କାନାଳ କମଳାଙ୍ଗରେ ବିଦ୍ୟୁତ୍ ତାର ଲାଗି ୭ହାତୀ ମୃତ୍ୟୁ ଘଟଣାରେ କ୍ରାଇମବ୍ରାଞ୍ଚ ତଦନ୍ତ ଆରମ୍ଭ କରିଛି । କ୍ରାଇମବ୍ରାଞ୍ଚ ଏସପିଙ୍କ ନେତୃତ୍ବରେ ଏକ ଟିମ୍ ଘଟଣାସ୍ଥଳରେ ଅନୁଧ୍ୟାନ କରିଛି । ଆଜି ମଧ୍ୟ ଆଉ ଏକ ଟିମ୍ ଘଟଣାସ୍ଥଳରେ ଛାନଭିନ୍ ଆରମ୍ଭ କରିଛି । ବିଦ୍ୟୁତ୍ କାମ କରୁଥିବା ଠିକା ସଂସ୍ଥା ରାହି କନଷ୍ଟ୍ରକସନର ସମସ୍ତ କର୍ମଚାରୀ ଠିକା କ୍ୟାମ୍ପ୍ ଛାଡି ଫେରାର ହୋଇ ଯାଇଛନ୍ତି । ଏପଟେ ବନ ବିଭାଗ କର୍ମଚାରୀ ଏବଂ ବିଦ୍ୟୁତ୍ ବିଭାଗ କର୍ମଚାରୀଙ୍କୁ କ୍ରାଇମବ୍ରାଞ୍ଚ ଟିମ୍ ପଚରାଉଚରା କରୁଛି । ଅନ୍ୟପକ୍ଷରେ ହାତୀ ମୃତ୍ୟୁ ଘଟଣା ପ୍ରତିବାଦରେ ଡିଏଫ ଓଙ୍କ ଅଫିସ ଘେରିଛନ୍ତି ସ୍ଥାନୀୟ ଲୋକେ ।