ମୁମ୍ବାଇ ୦୨।୧୦ : ଭାରତ-ବାଂଲାଦେଶ ମଧ୍ୟରେ ଚାଲିଥିବା ଟେଷ୍ଟ ସିରିଜ୍ ସରିଛି । ଯେଉଁଥିରେ ଭାରତ ୨-୦ରେ ସିରିଜ୍ ବିଜୟୀ ହୋଇଛି । ଆଗକୁ ଟିମ୍ ବାଂଲାଦେଶ ବିପକ୍ଷରେ ଟି-୨୦ ସିରିଜ୍ ଖେଳିବ । ୬ ଅକ୍ଟୋବରରୁ ଆରମ୍ଭ ହେବ ଟି-୨୦ ସିରିଜ୍ । ହେଲେ ଏହାପୂର୍ବରୁ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଆଜିକା ସମୟରେ ଟିମ୍ ଇଣ୍ଡିଆରେ କିଏ ‘ଗଜ୍ନୀ’ ବୋଲି କଥା ହୋଇଛନ୍ତି ।
ନେଟ୍ଫ୍ଲିକ୍ସ ଶୋ ‘ଦ ଗ୍ରେଟ୍ ଇଣ୍ଡିଆନ୍ କପିଲ ଶୋ’ର ଆରମ୍ଭ ହେବାକୁ ଯାଉଛି । ଯାହାର ପ୍ରମୋ ପ୍ରଯୋଜନା ସଂସ୍ଥା ପକ୍ଷରୁ ରିଲିଜ୍ କରାଯାଇଛି । ଏହି ଭିଡିଓରେ ଟିମ୍ ଇଣ୍ଡିଆ ଖେଳାଳି ଏହି ଶୋ’ ଆସୁଥିବା ନଜର ଆସିଛନ୍ତି । ଶୋ’ର ହୋଷ୍ଟ ତଥା କମେଡିଆନ୍ କପିଲ ଶର୍ମା କ୍ରିକେଟରମାନଙ୍କୁ ଏକ ପ୍ରଶ୍ନ ପଚାରିଥିଲେ । ଯେଉଁଥିରେ ଆଜିକା ଦିନରେ ଟିମ୍ ଇଣ୍ଡିଆରେ କିଏ ଗଜ୍ନୀ ବୋଲି ପ୍ରଶ୍ନ ପଚାରିଥିଲେ । ଯାହାକୁ ଶୁଣି ସମସ୍ତ ଖେଳାଳି ହସୁଥିବା ବେଳେ ରୋହିତ ଶର୍ମା କହିଥିଲେ କି, ଏହି ଟାଇଟଲଟି ମୋତ ସୁଟ୍ କରୁଛି । ଅନ୍ୟପଟେ ସୂର୍ଯ୍ୟକୁମାର ଯାଦବ ଏହାର କିଛି ଉତ୍ତର ନଦେଇ ରୋହିତ ଶର୍ମାଙ୍କ ଆଡକୁ ଆଖି ଠାର ମାରିଥିଲେ ।
ତେବେ ଆସନ୍ତୁ ଜାଣିବା ‘ଗଜନୀ’ କଣ ?
ଗଜ୍ନୀ ଏକ ବଲିଉଡ୍ର ଏକ ଫିଲ୍ମ । ଯେଉଁଥିରେ ମୁଖ୍ୟ ଭୂମିକାରେ ଅଭିନୟ କରିଥିଲେ ଅମୀର ଖାନ୍ । ଏହି ଫିଲ୍ମରେ ଅମୀର ଖାନ୍ଙ୍କ ସର୍ଟ ମେମୋର ଥାଏ, ମାନେ ଗୋଟେ ସମୟ ପରେ ସେ ସବୁ କଥା ଭୁଲି ଯାଆନ୍ତି । ବାସ୍ତବରେ ରୋହିତ ଶର୍ମା ଅନେକ କଥା ଭୁଲିଯାଆନ୍ତି ବୋଲି ଚର୍ଚ୍ଚା ହୁଏ । ଏମିତିକି ପାସପୋର୍ଟ, ସାଥୀ ଖେଳାଳିଙ୍କ ନାଁ, ମୁଦି ଆଦି ଅନେକ । ତେଣୁ ରୋହିତ ଶର୍ମାଙ୍କୁ ଇଣ୍ଡିଆନ୍ କ୍ରିକେଟର ଗଜନୀ ବୋଲି କୁହନ୍ତି ।
