ନୂଆଦିଲ୍ଲୀ ୦୪/୦୬: ଇଂଲଣ୍ଡ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଥିବା ଟେଷ୍ଟ୍ ମ୍ୟାଚ୍ ଏବେ ରୋମାଞ୍ଚକର ସ୍ଥିତିରେ ପହଁଚିଛି । ପ୍ରଥମ ଦିନରେ ୧୭ ଓ୍ୱିକେଟ୍ ପତନ ପରେ ଦ୍ୱିତୀୟ ଦିନରେ ମଧ୍ୟ ଏପରି କିଛି ଦେଖିବାକୁ ମିଳିଥିଲା । ଏହାମଧ୍ୟରେ ଟେଷ୍ଟ୍ ମ୍ୟାଚର ଏକ ଫଟୋ ଭାଇରାଲ ହୋଇଛି । ଯାହା ଟେଷ୍ଟ୍ ମ୍ୟାଚର ସ୍ୱତନ୍ତ୍ରତାକୁ ପ୍ରଦର୍ଶିତ କରୁଛି ।
ଫଟୋରେ ଦେଖିବାକୁ ମିଳିଛି ଯେ, ଇଂଲଣ୍ଡ ନ୍ୟୁଜିଲାଣ୍ଡର ବ୍ୟାଟିଂ ବେଳେ ୬ ସ୍ଲିପଙ୍କୁ ଜଗାଇଥିଲା । ଯାହା ଦଳର ଆଗ୍ରେସିଭ୍ ଫିଲ୍ଡିଂକୁ ପ୍ରଦର୍ଶନ କରୁଛି । କ୍ରିକେଟ୍ ଫ୍ୟାନ୍ସ ଏହି ଫଟୋକୁ ଦେଖି ଭାବବିହ୍ୱଳ ହୋଇଯାଇଛନ୍ତି । ଏହାସହ ଖୁସି ମଧ୍ୟ ହୋଇଛନ୍ତି ।
ଅଧିକାଂଶ ସମୟରେ ଟେଷ୍ଟ୍ କ୍ରିକେଟରେ ୪ ଜଣ ସ୍ଲିପ୍ ଫିଲ୍ଡର ଦେଖିବାକୁ ମିଳେ । କିନ୍ତୁ ୬ ଜଣ ସ୍ଲିପ୍ ଦେଖିବା ଭିନ୍ନ ଅଟେ । ଯେଉଁଥିରୁ ଇଂଲଣ୍ଡର ଟିମ୍ ଏବେ ନୂଆ ଅବତାର ନେଇଥିବା ମନେ କରାଯାଉଛି । ବ୍ରାଣ୍ଡନ୍ ମ୍ୟାକକୁଲମ ମଧ୍ୟ ଦଳର ନୂଆ କୋଚ୍ ଭାବେ ଦାୟିତ୍ୱ ନେଇଛନ୍ତି ।
ମ୍ୟାକକୁଲମ ନିଜ ନେତୃତ୍ୱ ବେଳେ ଆକ୍ରମଣାତ୍ମକ ଆଭିମୁଖ୍ୟ ପାଇଁ ପରିଚିତି ଲାଭ କରିଥିଲେ । ସେ ଅନେକ ଥର ବିପକ୍ଷ ଦଳକୁ ଅକଳରେ ପକାଇବା ପାଇଁ ୪ ଜଣ ଲେଖାଏଁ ସ୍ଲିପ୍ ଠିଆ କରାଉଥିବା ଦେଖିବାକୁ ମିଳୁଥିଲା ।