ନୂଆଦିଲ୍ଲୀ ୧୯।୦୯: ଟିମ୍ ଇଣ୍ଡିଆ ପ୍ଲେୟର । ବିସିସିଆଇରୁ ଦରମା ଭାବେ କରିଥାନ୍ତି ମୋଟା ଅଙ୍କର ରୋଜଗାର । ଏହାସହିତ ସେମାନେ ଆଇପିଏଲ ଏବଂ ଘରୋଇ କ୍ରିକେଟରୁ ମଧ୍ୟ ଭଲ ରୋଜଗାର କରିଥାନ୍ତି । ଯାହା ପ୍ରାୟତଃ ସାମ୍ନାକୁ ଆସିଥାଏ । କିନ୍ତୁ କେବେ ଚିନ୍ତା କରିଛନ୍ତି କି କ୍ରିକେଟ କମେଣ୍ଟେଟର୍ସଙ୍କ ବିଷୟରେ, ଏମାନେ କେତେ ପାଇଥାନ୍ତି ଦରମା ?
ବାସ୍ତବରେ କ୍ରିକେଟ ଜଗତରେ କମେଣ୍ଟେଟର୍ସଙ୍କର ରହିଥାଏ ବେଶ୍ ଗୁରୁତ୍ବ । କିନ୍ତୁ ଏମାନଙ୍କ ଦରମା ବିଷୟରେ ବହୁତ କ୍ବଚିତ୍ ଶୁଣିବାକୁ ମିଳିଥାଏ । ଦରମାକୁ ନେଇ ନିକଟରେ ଆକାଶ ଚୋପ୍ରା କହିଛନ୍ତି । ସେ କହିଛନ୍ତି ଯେ କମେଣ୍ଟେଟର୍ସମାନେ ଗୋଟିଏ ମ୍ୟାଚ୍ ପାଇଁ ଚାର୍ଜ କରିଥାନ୍ତି ପ୍ରାୟ ୧୦ ଲକ୍ଷ ଟଙ୍କା । ଯଦି କମେଣ୍ଟେଟର୍ସଙ୍କ ବାର୍ଷିକ ଆୟ ବିଷୟରେ କହିବା ତେବେ ସେମାନେ ବହୁତ ଭଲ ଦରମା ପାଇଥାନ୍ତି । ରେଗୁଲାର କମେଣ୍ଟେଟର୍ସ ବାର୍ଷିକ ପ୍ରାୟ ୧୦ କୋଟି ଟଙ୍କା ରୋଜଗାର କରନ୍ତି ।
କମେଣ୍ଟେଟର୍ସଙ୍କୁ ଦରମା ବ୍ୟତୀତ ଅନ୍ୟ ଉପାୟରେ ଟଙ୍କା ରୋଜଗାର କରନ୍ତି । ରବି ଶାସ୍ତ୍ରୀ, ଆକାଶ ଚୋପ୍ରା ଏବଂ ଇରଫାନ ପଠାନଙ୍କ ପରି ପୂର୍ବତନ କ୍ରିକେଟର କମେଣ୍ଟେଟର୍ସ ଅଛନ୍ତି । ଏମାନେ ସୋସିଆଲ ମିଡିଆରୁ ମଧ୍ୟ ମୋଟା ଅଙ୍କର ରୋଜଗାର କରନ୍ତି । ଟିମ୍ ଇଣ୍ଡିଆର ଅନେକ ପୂର୍ବତନ କ୍ରିକେଟର ବିଜ୍ଞାପନ କିମ୍ବା ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ରୋଜଗାର କରନ୍ତି ଏବଂ କମେଣ୍ଟ୍ରି କରିଥାନ୍ତି । ପୂର୍ବତନ ଟିମ୍ ଇଣ୍ଡିଆ କ୍ରିକେଟର ସୁନୀଲ ଗାଭାସ୍କର, ସୁରେଶ ରାଇନା ଏବଂ ସଚିନ ତେନ୍ଦୁଲକରଙ୍କୁ ମଧ୍ୟ କମେଣ୍ଟ୍ରି ବକ୍ସରେ ଦେଖିବାକୁ ମିଳିସାରିଛି।
