ତେଲକୋଇ-୨୫/୧୨: ବିଦ୍ୟୁତ୍ ସଂସ୍ପର୍ଶରେ ଆସି ଚାଲିଗଲା ଗାଈର ଜୀବନ । ମୁକୁଳା ବିଜୁଳି ଟ୍ରାନ୍ସଫର୍ମରରେ ଲାଗି ଗୋଟିଏ ଗାଈର ମୃତ୍ୟୁ ହୋଇଛି । କେନ୍ଦୁଝର ଜିଲ୍ଲା ତେଲକୋଇ ଥାନା ଜଗମୋହନପୁର ଛକ ନିକଟରେ ଏହି ଅଭାବନୀୟ ଘଟଣା ଘଟିଛି ।
୪୯ ନମ୍ବର ଜାତୀୟ ରାଜପଥ ପାର୍ଶ୍ବରେ ବିପଦସଙ୍କୁଳ ଅବସ୍ଥାରେ ରହିଥିବା ବିଦ୍ୟୁତ୍ ଟ୍ରାନ୍ସଫର୍ମରରେ କରେଣ୍ଟ ଲାଗି ଜୀବନ ଯାଇଛି । ଟ୍ରାନ୍ସଫର୍ମର ନିକଟରେ ଘାସ ଖାଉଥିବା ବେଳେ ଏଭଳି ଅଘଟଣା ଘଟିଛି । ମୁକୁଳା ଟ୍ରାନ୍ସଫର୍ମରରେ ସୁରକ୍ଷା ବାଡ଼ ଦେବାକୁ ସ୍ଥାନୀୟ ଲୋକ ବିଦ୍ୟୁତ୍ ବିଭାଗକୁ ବାରମ୍ବାର ଅବଗତ କରାଇଥିଲେ । ହେଲେ ବିଭାଗ ଧ୍ୟାନ ନଦେବାରୁ ଏଭଳି ଅଘଟଣ ଘଟିଛି । ଯାହାକୁ ନେଇ ଟାଟାପାଓ୍ବାର ଲିମିଟେଡକୁ ଦାୟି କିରଛନ୍ତି ଲୋକେ । ଅନ୍ଯପଟେ ଏହି ରାସ୍ତା ଦେଇ ହାତୀପଲ ଚଳପ୍ରଚଳ କରୁଛନ୍ତି । କିଛି ବଡ଼ ଅଘଟଣ ପୂର୍ବରୁ ଟ୍ରାନ୍ସଫର୍ମରରେ ସୁରକ୍ଷା ବାଡ଼ ନିର୍ମାଣ କରିବାକୁ ଦାବି କରିଛନ୍ତି ନିକଟସ୍ଥ ଗ୍ରାମବାସୀ ।
