scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବେଜିଂର ନୂଆ ଅଭିଯୋଗ, ୨୦୧୯ ଗ୍ରୀଷ୍ମ ଋତୁରେ ଭାରତରୁ ବ୍ୟାପିଥିଲା କୋଭିଡ୍-୧୯ ଭାଇରସ

28/11/2020 at 3:58 PM

ବେଜିଂ,୨୮/୧୧: କରୋନା ଭାଇରସ କେଉଁଠାରୁ ଆରମ୍ଭ ହୋଇଛି ତାହା ଏଯାଏଁ ଚୀନ ସରକାର ସ୍ପଷ୍ଟ କରିନାହାଁନ୍ତି । ଏବେ ନିଜ ଦୋଷ ଘୋଡାଇବାକୁ ଅନ୍ୟ ଉପରେ ଦୋଷ ଲଦିବା ଆରମ୍ଭ କଲେଣି ଚୀନ ସରକାର । ବୁହାନରେ କରୋନାର ପ୍ରଥମ ମାମଲା ସାମ୍ନାକୁ ଆସିବା ମାନେ ଚୀନରୁ ଏହି ଭାଇରସ ସୃଷ୍ଟି ହୋଇଥିବା ନୁହେଁ ବୋଲି କହିଛି ଚୀନ୍ ।

ଚୀନର କିଛି ବୈଜ୍ଞାନିକ ଦାବି କରିଛନ୍ତି ଯେ. ୨୦୧୯ରେ ବୁହାନ ପୂର୍ବରୁ ଏହି ଭାଇରସ ଭାରତରେ ଥିଲା । ସାଙ୍ଘାଇ ଇନଷ୍ଟିଚ୍ୟୁଟ୍ ଫର୍ ବାୟୋଲୋଜିକାଲ ସାଇନ୍ସେସର ବୈଜ୍ଞାନିକମାନେ ଏହା ଦାବି କରିଛନ୍ତି । କିନ୍ତୁ ଏହାର ସତ୍ୟତା ଅନ୍ୟ କୌଣସି ବୈଜ୍ଞାନିକ ପରଖି ନାହାଁନ୍ତି । ସେମାନେ କହିଛନ୍ତି ଯେ, ଭାରତ ପରେ ବାଂଲାଦେଶରୁ ଏହା ବ୍ୟାପିଥିଲା । ସାଙ୍ଘାଇ ଇନଷ୍ଟଚ୍ୟୁଟର ଏହି ରିସର୍ଚ୍ଚ ପେପର ଏସଏସଆରଏନ.କମରେ ପ୍ରକାଶ ପାଇଛି ।

ଏହି ରିସର୍ଚ୍ଚ ପେପର୍ ୧୭ଟି ଦେଶର କରୋନା ଷ୍ଟ୍ରେନ୍ ଉପରେ ଗବେଷଣା କରାଯାଇ ପ୍ରକାଶ ପାଇଛି । ଏହାର ନେତୃତ୍ୱ ନେଇଥିଲେ ସେନ୍ ଲିମ୍ବିଙ୍ଗ୍ । ସେ ଦାବି କରିଛନ୍ତି ଯେ, ଭାରତର ଅଧିକ ଜନସଂଖ୍ୟା, ଖରାପ ପାମିପାଗ ଓ ମରୁଡି ଭଳି ସ୍ଥିତି ପାଇଁ ଭାଇରସ ବ୍ୟାପିଛି । ବୁହାନରେ ପ୍ରଥମ କେସ୍ ବାହାରିବାର ୩-୪ ମାସ ପୂର୍ବରୁ ଭାରତରେ ଏହା ବ୍ୟାପଥିଲା । ତେବେ ଏହି ଦାବି ଉପରେ ପ୍ରଶ୍ନ କରିଛନ୍ତି ଭାରତୀୟ ବୈଜ୍ଞାନିକ ମୁକେଶ ଠାକୁର । ରିସର୍ଚ୍ଚର ରେଜଲ୍ଟ ଭୁଲ ବୋଲି ସେ କହିଛନ୍ତି ।

ନିକଟରେ ଚୀନ୍ ସରକାରଙ୍କ ନିୟନ୍ତ୍ରଣରେ ଥିବା ଗଣମାଧ୍ୟମରେ ରିପୋର୍ଟ ଆସିଥିଲା ଯେ, ଆମଦାନୀ ହୋଇଥିବା ଖାଦ୍ୟ ପଦାର୍ଥ ପ୍ୟାକେଟରେ କରୋନା ଭାଇରସ ମିଳିଥିଲା ।ଭାରତରୁ ସମୁଦ୍ରରେ ଆସିଥିବା ମାଛ ପ୍ୟାକେଟରେ ମଧ୍ୟ ଭାଇରସ ଥିଲା । ଆହୁରି ମଧ୍ୟ ୟୁରୋପ ତଥା ଅନ୍ୟ ଦେଶରୁ ଆସୁଥିବା ଖାଦ୍ୟ ପ୍ୟାକେଟ୍ ଦ୍ୱାରା ଭାଇରସ ଚୀନକୁ ଆସିଛି ।

ଚୀନ ବୈଦେଶିକ ମନ୍ତ୍ରାଳୟର ପ୍ରବକ୍ତା ଝାଓ ଲିଜିୟାନ କହିଛନ୍ତି ଯେ, ଚୀନରେ ସଂକ୍ରମଣର ପ୍ରଥମ ମାମଲା ଆସିଛି କିନ୍ତୁ କରୋନା ଭାଇରସ ଏଠାରୁ ସୃଷ୍ଟି ହୋଇନାହିଁ । ଭାଇରସ କେଉଁଠାରୁ ସୃଷ୍ଟି ହୋଇଛି ଚାହା କହିବା କଷ୍ଟକର । ସାରା ବିଶ୍ୱର ବୈଜ୍ଞାନିକ ଏନେଇ ଗବେଷଣା କରିବା ଆବଶ୍ୟକ । ଏଥିପାଇଁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ଏକ ଟିମ୍ ଆସୁଛି ।

ମାର୍ଚ୍ଚରେ ଚୀନ ବୈଦେଶିକ ମନ୍ତ୍ରାଳୟର ଜଣେ ମୁଖପାତ୍ର କହିଥିଲେ ଯେ, ଆମେରିକା ଆର୍ମୀ ଚାଇନାକୁ ଭାଇରସ ପଠାଇଛି । ସେହିପରି ଆଉ କିଛି ରିପୋର୍ଟରେ ଭାଇରସ ଗତବର୍ଷ ଅକ୍ଟୋବରରେ ଇଟାଲି ଓ ବାର୍ସେଲିନାରେ ଠାବ ହୋଇଥିବା ପ୍ରକାଶ ପାଇଥିଲା । ଏତତ୍ ବ୍ୟତୀତ ଆଉ କିଛି ରିପୋର୍ଟରେ ବୁହାନ ବାହାରେ କାମ କରୁଥିବା କର୍ମଚାରୀଙ୍କ ମାଧ୍ୟମରେ ଏହି ଭାଇରସ ଆସିଥିବା ଦାବି କରାଯାଉଛି ।

ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ଜରୁରୀକାଳିନ ବିଶେଷଜ୍ଞ ମାଇକ ରେୟାନ କହିଥିଲେ ଯେ, ଚୀନ ଭାଇରସର ଉତ୍ପତ୍ତି ବାବଦରେ ସମସ୍ତ ତଥ୍ୟ ଦେବ ବୋଲି ଆଶ୍ୱାସନା ଦେଉଛି । ହୁ ନିଜର ପ୍ରତିନିଧିଙ୍କୁ ବୁହାନ ପଠାଯିବ ।  ଚୀନର ବୁହାନରେ ଗତ ବର୍ଷ ଡିସେମ୍ବରରେ କରୋନାର ପ୍ରଥମ ମାମଲା ସାମ୍ନାକୁ ଆସିଥିଲା । ଏବେସୁଦ୍ଧା ଏହି ଭାଇରସ ସାରା ବିଶ୍ୱରେ ୧୪ ଲକ୍ଷ ଜୀବନ ନେଲାଣି ।

   Related Posts