କୋରାପୁଟ ୧୩।୧: କୋରାପୁଟ ଜିଲ୍ଲାରେ ସର୍ବସାଧାରଣଙ୍କ ପାଇଁ ଠାକୁର ଦର୍ଶନ ମନା । ଭକ୍ତ ଓ ଶ୍ରଦ୍ଧାଳୁଙ୍କୁ ମନ୍ଦିର ଯିବାକୁ ବାରଣ କରାଯାଇଛି । ୧୨ ତାରିଖ ସନ୍ଧ୍ୟା ୫ଟାରୁ କଟକଣା ଲାଗୁ କରିଛନ୍ତି ଜିଲ୍ଲାପାଳ। କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ସ୍ଥିତିକୁ ନିୟନ୍ତ୍ରଣ କରିବା ପାଇଁ ଜିଲ୍ଲାରେ ଧର୍ମାନୁଷ୍ଠାନ ଗୁଡିକରେ ସର୍ବସାଧାରଣଙ୍କ ପ୍ରବେଶ ଉପରେ ଲାଗାଇଛନ୍ତି କଟକଣା । ପରବର୍ତ୍ତି ଆଦେଶ ପର୍ଯ୍ୟନ୍ତ କଟକଣା ବଳବତ୍ତର ରହିବ ବୋଲି ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି । ତେବେ ଜିଲ୍ଲା ପ୍ରଶାସନ ପକ୍ଷରୁ ମନ୍ଦିର ନିଷ୍ପତ୍ତିକୁ ସ୍ବାଗତ କରିଛନ୍ତି ବିଭିନ୍ନ ଧର୍ମାନୁଷ୍ଠାନ । ଗତ କିଛିଦିନ ଧରି ପଜିଟିଭ ସଂଖ୍ୟା ଶହେରୁ ଉର୍ଦ୍ଧ୍ବ ବାହାରୁ ଥିବାରୁ ଜିଲ୍ଲା ପ୍ରଶାସନର ଆଗୁଆ ସତର୍କତା ମୂଳକ ପଦକ୍ଷେପକୁ ସହରରେ ସ୍ବାଗତ କରିଥିବା ବେଳେ ସମସ୍ତ ଧର୍ମାନୁଷ୍ଠାନରେ କଡାକଡି ଭାବେ ପାଳନ କରାଯିବା ନେଇ କହିଛନ୍ତି ଧର୍ମାନୁଷ୍ଠାନ ପରିଚାଳକ।