ଭୁବନେଶ୍ୱର, ୨୫|୦୮: କୋଭିଡ କ୍ଷତିଗ୍ରସ୍ତଙ୍କ ଜୀବନଜୀବିକା ପାଇଁ ପଞ୍ଚାୟତିରାଜ ବିଭାଗ ପ୍ୟାକେଜ୍ ଘୋଷଣା କରିଛି । ଏସଏଚଜି ଏବଂ ଛୋଟ ଉଦ୍ୟୋଗୀଙ୍କୁ ମିଳିବ ୱାର୍କିଙ୍ଗ କ୍ୟାପିଟାଲ । କାର୍ଯ୍ୟକ୍ଷମ ଉଦ୍ୟୋଗଗୁଡିକୁ ତୁରନ୍ତ ସହାୟତା ମିଳିବ । ରାଜ୍ୟକୁ ଫେରିଥିବା ପ୍ରବାସୀ ଓଡିଆଙ୍କୁ ଷ୍ଟାର୍ଟଅପ୍ ପାଇଁ ପ୍ୟାକେଜ୍ ଘୋଷଣା କରାଯାଇଛି ସେପଟେ ସରକାରଙ୍କ ପ୍ୟାକେଜ ଘୋଷଣାକୁ ସମାଲୋଚନା କରିଛନ୍ତି ବିରୋଧୀ ।

{"id":320073,"sizeSlug":"large"}

ଗ୍ରାମୀଣ ଅର୍ଥନୀତି ପାଇଁ ରାଜ୍ୟ ସରକାରଙ୍କ ସଞ୍ଜିବନୀ । ଗ୍ରାମାଞ୍ଚଳର କୋଭିଡ କ୍ଷତିଗ୍ରସ୍ତଙ୍କ ଲାଗି ରାଜ୍ୟ ସରକାର ଆଣିଛନ୍ତି ସ୍ବତନ୍ତ୍ର ପ୍ୟାକେଜ । କରୋନା କ୍ଷତିଗ୍ରସ୍ତ ଗ୍ରାମାଞ୍ଚଳର ଜୀବନ ଜୀବିକା ବିକାଶ ପାଇଁ କୋଭିଡ-୧୯ ସହାୟତା ପ୍ୟାକେଜ କ୍ୟାପ୍ କୁ ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗ୍ରାମାଞ୍ଚଳରେ ବସବାସ କରୁଥିବା ଗରିବ ଓ ଅତିଗରିବ ପରିବାର ଓ ପ୍ରବାସୀ ଶ୍ରମିକଙ୍କ ଲାଗି ଏହି ସ୍ବତନ୍ତ୍ର ଯୋଜନା କରାଯାଇଛି ।ସେହିପରି ଭିନ୍ନକ୍ଷମ, ବିଧବା ଏବଂ ତୃତୀୟଲିଙ୍ଗଙ୍କ ପାଇଁ ସହାୟତା ବ୍ୟବସ୍ଥା ରହିଛି । ପ୍ୟାକେଜ ରେ ୨ ପ୍ରତିଶତରୁ ୭ ପ୍ରତିଶତ ସୁଧ ହାରରେ ୨୦ ହଜାରରୁ ଦେଢ଼ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଯୋଗାଇଦେବେ ରାଜ୍ୟ ସରକାର ।ଓଡିଶା ଜୀବିକା ମିଶନ ଅଧିନରେ ୪ ପ୍ରକାର ପ୍ୟାକେଜ ହୋଇଛି ।

ଏହି ପ୍ୟାକେଜରେ ଋଣ ପାଇବାକୁ  କିଛି ବନ୍ଧକ କି ଗ୍ୟାରେଣ୍ଟି ଦେବାକୁ ପଡିବନ ନାହିଁ ।ଋଣ ଲାଗି ୬ ମାସ ମୋରାଟରିୟମ ଅବଧି ରହିବ । ଜିଲ୍ଲା ସ୍ତରରେ ଏକ କମିଟି ଆବେଦନର ବିଚାର କରି ପ୍ୟାକେଜ ଦେବାର ବ୍ୟବସ୍ଥା କରିବେ । ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରତ୍ୟକ୍ଷ ତତ୍ତ୍ବବଧାନରେ ପ୍ୟାକେଜ କାର୍ଯ୍ୟକାରୀ କରାଯିବ । ସେପଟେ ସରକାରଙ୍କ ଏହି ପ୍ୟାକେଜକୁ ସମାଲୋଚନା କରିଛନ୍ତି ବିରୋଧୀ । ଏପଟେ ପ୍ରବାସୀ ଶ୍ରମିକ ସ୍କିଲ ମ୍ୟାପିଙ୍ଗ  ଓ  ୫ ଶହ କୋଟିର  କର୍ପସ ଫଣ୍ଡ କୁଆଡେ ଗଲା ବୋଲି ବିଜେପି ପ୍ରଶ୍ନ କରିଛି । କଂଗ୍ରେସ କହିଛି ଏହା କେବଳ ଘୋଷଣା ସର୍ବସ୍ବ ।

ଏହି ସ୍ବତନ୍ତ୍ର ପ୍ୟାକେଜ ଘୋଷଣାର ୬ମାସ ପର୍ଯ୍ୟନ୍ତ ବୈଧ ରହିବ। ଏହି ବାବଦରେ ଆଞ୍ଚଳିକ ମଞ୍ଚ, ଗ୍ରାମ ପଞ୍ଚାୟତ ସ୍ତରୀୟ ସଂଘ ପାଖରେ ମହଜୁଦ ଥିବା ଆନୁମାନିକ ୨୦୦କୋଟି ଟଙ୍କା ଖର୍ଚ୍ଚ କରାଯିବାର ଲକ୍ଷ୍ୟ ରଖାଯାଇଛି।