ନୂଆଦିଲ୍ଲୀ ୨୯।୦୫: ପୁଣି ଚୀନକୁ ଘାରିଲାଣି କରୋନା ଡର । ନୂଆ ଭାଇରସ୍ XBB ମୁକାବିଲା କରିବାକୁ ପ୍ରସ୍ତୁତ ହେଲାଣି ଚୀନ । ଅନୁମାନ କରାଯାଉଛି ଯେ ଜୁନ୍ ମାସରେ ଦେଶରେ ୬.୫ କୋଟି ମାମଲା ସାମ୍ନାକୁ ଆସିପାରେ । ସେପଟେ ମହାମାରୀକୁ ନେଇ ବିଶେଷଜ୍ଞମାନେ ଦାବି କରିଛନ୍ତି କି ଦେଶକୁ ଡାକ୍ତରଖାନାଗୁଡିକୁ ଆଣ୍ଟି-ଭାଇରାଲ୍ ମେଡିସିନ୍ ଯୋଗାଇବା ପାଇଁ ପ୍ରସ୍ତୁତ ହେବା ଉଚିତ୍ ।
ରିପୋର୍ଟ ଅନୁଯାୟୀ, ଏହି ସମୟରେ ଚୀନ୍ର ଆର୍ଥିକ ସ୍ଥିତି ଯେପରି ବିପର୍ଯ୍ୟସ୍ତ ନହୁଏ, ସେଥିପାଇଁ ସି ଜିନପିଙ୍ଗ ଲକଡାଉନ ବାରଣ କରିପାରନ୍ତି । ଏହାବ୍ୟତୀତ ଚାଇନାର ବିଶେଷଜ୍ଞମାନେ ନୂଆ ଭାଇରସକୁ ନେଇ ଭାରତକୁ ଚେତାବନୀ ଦେଇଛନ୍ତି । ଆକଳନ ଅନୁଯାୟୀ, ଆସନ୍ତା ମାସରେ ଚାଇନାରେ ପ୍ରତି ସପ୍ତାହରେ ୬୫ ନିୟୁତ ଲୋକ କରୋନାରେ ହେବେ ।
ଏହି କାରଣରୁ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବ । ଦେଶରେ XBB ଭାରିଆଣ୍ଟ ବହୁତ ଦ୍ରୁତ ଗତିରେ ବଢୁଛି । କହିବାକୁ ଗଲେ XBB ହେଉଛି ଓମିକ୍ରନର ଏକ ଭ୍ୟାରିଆଣ୍ଟ । ଅଗଷ୍ଟ ୨୦୨୨ରେ ଏହା ପ୍ରଥମେ ଭାରତରେ ଚିହ୍ନଟ ହୋଇଥିଲା । ବୈଜ୍ଞାନିକମାନେ କହିଛନ୍ତି ଯେ ଏପର୍ଯ୍ୟନ୍ତ XBB ସବୁଠାରୁ ସଂକ୍ରାମକ ଭ୍ୟାରିଆଣ୍ଟ ମଧ୍ୟରୁ ଅନ୍ୟତମ ।
ଏହାପୂର୍ବରୁ ମେ ୨୭ରେ ଚାଇନାର ଜଣେ ବିଶେଷଜ୍ଞ ଜୋଙ୍ଗ ନାନଶାନ ଚେତାବନୀ ଦେଇଛନ୍ତି ଯେ ଏପ୍ରିଲର ଶେଷ ଦିନରେ ନୂଆ ଭ୍ୟାରିଆଣ୍ଟର ଲହର ଆରମ୍ଭ ହୋଇଛି । ନାନଶାନ୍ କହିଛନ୍ତି, ଚୀନ୍ ପ୍ରତି ସପ୍ତାହରେ ୪୦ ନିୟୁତ ମାମଲା ଆଡକୁ ଗତି କରୁଛି । ଚୀନ୍ ପୂର୍ବରୁ ଦାବି କରିଥିଲା ଯେ କରୋନାକୁ ରୋକିବାରେ ଏହାର ଟିକା ବେଶ୍ ପ୍ରଭାବଶାଳୀ । କିନ୍ତୁ ବର୍ତ୍ତମାନ ଏହାର ପୋଲ୍ ଖୋଲି ଯାଇଛି । ଚୀନ୍ର ଦୁଇଟି ଯାକ ଟିକା କରୋନା ସଂକ୍ରମଣ ରୋକିବାରେ ବିଫଳ ହୋଇଛି ।
ଚୀନ୍ ବର୍ତ୍ତମାନ ୩ରୁ ୪ଟି ଟିକା ଅନୁମୋଦନ କରିବାକୁ ଯାଉଛି । ଚାଇନାର ସ୍ୱାସ୍ଥ୍ୟ ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ କରୋନା ଜୀବାଣୁଙ୍କର ନୂଆ ଷ୍ଟ୍ରେନ୍ ଖୁବଶୀଘ୍ର ବ୍ୟାପିବ । ଏହା ଚଳିତ ବର୍ଷ ଭାରତରୁ ଆମେରିକା ଏବଂ ୟୁରୋପରେ ଚିନ୍ତାର ବିଷୟ ପାଲଟିବ । ସମ୍ପ୍ରତି ବିଶ୍ୱ ସ୍ୱାସ୍ଥ୍ୟ ସଂଗଠନ କରୋନାକୁ ବିଶ୍ୱ ଜରୁରୀକାଳୀନ ସ୍ତରରୁ ହ୍ରାସ କରିଛି।
You Can Read:
wp:embed {"url":"https://www.prameyanews7.com/isro-launched-navigation-satellite-gslv-f12-nvs-01-mission/","type":"wp-embed","providerNameSlug":"prameya-news-7"}