ନୂଆଦିଲ୍ଲୀ: ଦେଶରେ କରୋନାର ଦ୍ରୁତ ସଂକ୍ରମଣ ଯୋଗୁ ବଢ଼ୁଛି ଗ୍ରାଫ୍ । ପ୍ରତିଦିନ ନୂଆ ସଂକ୍ରମଣ କେସ୍ ସାମ୍ନାକୁ ଆସୁଛି । ଶୁକ୍ରବାର ୭ ପ୍ରତିଶତ ହ୍ରାସ ପାଇଥିବା ରେକର୍ଡ କରାଯାଇଥିଲା । ହେଲେ ୨୪ ଘଣ୍ଟାରେ ମାରାତ୍ମକ ଭୂତାଣୁ ପୁଣି ବୃଦ୍ଧି ପାଇଛି । ଶନିବାର ୧୨ ହଜାର ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଗତକାଲି ଏହି ସଂଖ୍ୟା ଥିଲା ୧୧, ୬୯୨ । ସେହିପରି ସକ୍ରିୟ ମାମଲା ମଧ୍ୟ ଲଗାତାର ବୃଦ୍ଧି ପାଇବାରେ ଲାଗିଛି ।
କେନ୍ଦ୍ର ସ୍ବାସ୍ଥ୍ୟମନ୍ତ୍ରାଳୟ ରିପୋର୍ଟ ମୁତାବକ ଦେଶରେ ଶନିବାର ସକାଳ ସୁଧା କରୋନାର ସକ୍ରିୟ କେସ୍ ୬୭, ୫୫୬ରେ ପହଞ୍ଚିଛି । ଏଥିରୁ ଅଧିକାଂଶ ସଂକ୍ରମିତ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସେହିପରି ଶନିବାର ଦେଶରେ ୪୨ଜଣଙ୍କ ମୃତ୍ୟୁ ହୋଇଛି । ସରକାରୀ ରିପୋର୍ଟ ମୁତାବକ, ଦିନକରେ ଦେଶରେ ୧୨, ୧୯୩ ନୂଆ କରୋନା କେସ୍ ସମ୍ନାକୁ ଆସିଛି । ଏହାକୁ ମିଶାଇଲେ ବର୍ତ୍ତମାନ ସୁଧା ୪, ୪୮, ୮୧, ୮୭୭ କେସ୍ ରେକର୍ଡ କରାଯାଇଛି । ସେହିପରି ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇ ୫, ୩୧, ୩୦୦ରେ ପହଞ୍ଚିଛି ।
କେନ୍ଦ୍ରୀୟ ସ୍ବାସ୍ଥ୍ୟ ମନ୍ତ୍ରାଳୟ ଅନୁସାରେ, ରାଷ୍ଟ୍ରୀୟ ଟିକା କରଣ ଅଭିଯାନରେ ଦେଶରେ ଏପର୍ଯ୍ୟନ୍ତ ୨୨୦.୬୬ କୋଟି କୋଭିଡ୍ ଭ୍ୟାକ୍ସନ ନେଇଛନ୍ତି । ୪, ୪୨, ୮୩, ୦୨୧୬ଜଣ ଲୋକ ମହାମାରୀକୁ ମାତ୍ ଦେଇ ସୁସ୍ଥ ହୋଇଛନ୍ତି ।
