ଝାରସୁଗୁଡା ୨୫।୨: କଳ୍ପନା ଦାସ ଓ ବବଲି ଡବଲ ମର୍ଡର ମାମଲାରେ ମୁଖ୍ୟ ଅଭିଯୁକ୍ତ ଅନୁପ ସାଏଙ୍କୁ ଆଉ ୩ ଦିନ ରିମାଣ୍ଡ ଉପରେ ଆଜି ଶୁଣାଣି ହେବ । ଛତିଶଗଡ ରାୟଗଡ ଜିଲ୍ଲା ଚକ୍ରଧରନଗର ପୋଲିସ କରିଥିବା ଆବେଦନ ଉପରେ ଆଜି ଶୁଣାଣି ହେବ ।

ଗତକାଲି ରାୟଗଡ ସିଜେଏମ ଅନୁପସ୍ଥିତ ଥିବାରୁ ଏହାର ଶୁଣାଣି ହୋଇପାରିନଥିଲା । ଅନୁପ ତଦନ୍ତରେ ସହଯୋଗ କରୁନାହାନ୍ତି । ବାରମ୍ବାର ବୟାନ ବଦଳାଉଛନ୍ତି । ମିଛ କହି କାହାରିକୁ ଖସିବାକୁ ଉଦ୍ୟମ କରୁଛନ୍ତି ।

ତେଣୁ ଅନୁପଙ୍କ ନାର୍କୋ ଟେଷ୍ଟ ସହ ବ୍ରେନ୍ ମ୍ୟାପିଂ ପାଇଁ ପୋଲିସ ପକ୍ଷରୁ କୋର୍ଟରେ  ଆବେଦନ ଉପରେ ମଧ୍ୟ ଶୁଣାଣି ହେବ । କୋର୍ଟ ନିଷ୍ପତ୍ତି ଉପରେ ତଦନ୍ତର ଦିଗ ନିର୍ଭର କରୁଥିବାରୁ କୋର୍ଟଙ୍କ ନିର୍ଦ୍ଦେଶକୁ ଅପେକ୍ଷା କରିଛି ପୋଲିସ ।