କଟକ ୧।୮: ନରହତ୍ୟା ଅଭିଯୋଗରେ ଗିରଫ ହୋଇଥିବା ୨ ଜଣ ଆସାମୀ ଦୋଷୀ ସାବ୍ୟସ୍ତ ହୋଇଛନ୍ତି । ଉଭୟଙ୍କୁ ଆଜୀବନ କାରାଦଣ୍ତାଦେଶ ଶୁଣାଇଛନ୍ତି ଅତିରିକ୍ତ ଜିଲ୍ଲା ଦୌରାଜଜ୍ (୨ୟ) କଟକ ।
୨୦୨୨ ମସିହା ଜୁନ୍ ମାସ ୨୧ ତାରିଖ ଦିନ କଟକ କଲେଜ ଛକ ନିକଟରେ ଘଟିଥିବା ଉକ୍ତ ଜଘନ୍ୟ ଅପରାଧର ରାୟ ପ୍ରକାଶ କରିଛନ୍ତି କୋର୍ଟ । ଉଭୟେ ଅପରାଧୀ ଉକ୍ତ ଦିନ ସନାତନ ଦାଶ ଏବଂ ମାଳତୀ ବିଶ୍ବାଳଙ୍କୁ ଭୁଜାଲି ସାହାଯ୍ୟରେ ମରଣାନ୍ତକ ଆକ୍ରମଣ କରିଥିଲେ । ଘଟଣାସ୍ଥଳରେ ହିଁ ସନାତନର ମୃତ୍ୟୁ ହୋଇଥିଲା ଏବଂ ମାଳତୀ ଗୁରୁତର ଭାବେ ଆହତ ହୋଇଥିଲେ । ଯେହେତୁ ସେତେବେଳେ ଲକ୍ ଡାଉନ୍ ଘୋଷଣା ହୋଇଥିଲା, ତାର ସୁଯୋଗ ନେଇ ଅପରାଧୀ ଦ୍ବୟ ଏଭଳି ଅପରାଧ ଘଟାଇବାରେ ସକ୍ଷମ ହୋଇଥିଲେ । ତେବେ ୨୧ ଜଣ ସାକ୍ଷୀଙ୍କର ବୟାନ ଏବଂ ପୋଲିସ ଦ୍ବାରା ଦାଖଲ କରାଯାଇଥିବା ପ୍ରମାଣକୁ ଆଧାର କରି କଟକ ଏଡିଜେ କୋର୍ଟ ୨ୟ ଏହି ରାୟ ଶୁଣାଇଛନ୍ତି ।
You Can Read:
ଦୋକାନ ବନ୍ଦ କରୁଥିବା ବେଳେ ଲୁଟ୍, ସୁନା-ରୁପା ନେଇ ଚମ୍ପଟ ମାରିଲେ ଦୁର୍ବୃତ୍ତ
