scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦୁର୍ନୀତି ମାମଲାରେ ତିନି ପୂର୍ବତନ ମୁଖ୍ୟଙ୍କ ବିରୋଧରେ କ’ଣ କରିଛ ଆକ୍ସନ ? ସିବିଆଇକୁ ପ୍ରଶ୍ନ କଲେ କୋର୍ଟ

28/09/2020 at 2:45 PM

ନୂଆଦିଲ୍ଲୀ, ୨୮|୦୯  :  ସିବିଆଇକୁ ପ୍ରଶ୍ନ କଲେ ଦିଲ୍ଲୀର ଏକ କୋର୍ଟ । ୨୦୧୭ରେ ଲାଞ୍ଚ ମାମଲାରେ ସିବିଆଇର ପୂର୍ବତନ ନିର୍ଦ୍ଦେଶକ ରଂଜିତ ସିହ୍ନା, ଏପି ସିଂ ଓ ଆଲୋକ ବର୍ମାଙ୍କୁ କଣ ପାଇଁ ଜେରା କଲା ନାହିଁ ବୋଲି କୋର୍ଟ ପ୍ରଶ୍ନ କରିଛନ୍ତି ।

ସୂଚନାନୁସାରେ, ସିବିଆଇର ପୂର୍ବତନ ନିର୍ଦ୍ଦେଶକ ରଂଜିତ ସିହ୍ନା, ଏପି ସିଂ ଓ ଆଲୋକ ବର୍ମାଙ୍କ ବିରୋଧରେ ଲାଞ୍ଚ ମାମଲା ରୁଜୁ ହୋଇଥିଲା । ସେମାନେ ମାଂସ ବ୍ୟବସାୟୀ ମୋଇନ କ୍ୟୁରେସୀଙ୍କଠୁ ଲାଞ୍ଚ ନେଇଥିବା ଅଭିଯୋଗ ହୋଇଥିଲା । ଏହାସହ ଆହୁରି ଅଭିଯୋଗ ହୋଇଥିଲା ଯେ, କ୍ୟୁରେସୀ ଏପି ସିଂଙ୍କୁ ସାହାଯ୍ୟ କରିଥିଲେ, ଯିଏ କି ୨୦୧୨ରେ ସିବିଆଇ ନିର୍ଦ୍ଦେଶକ ଭାବେ ଅବସର ନେଇଥିଲେ ।

ସିବିଆଇର ସ୍ୱତନ୍ତ୍ର କୋର୍ଟର ଜଜ୍ ସଞ୍ଜୀବ ଅଗ୍ରଓ୍ୱାଲ ତଦନ୍ତକାରୀ ସଂସ୍ଥାକୁ  ଅନେକ ପ୍ରଶ୍ନ ପଚାରିଥିଲେ । କୋର୍ଟ କହିଥିଲେ ଯେ, ସିବିଆଇ ନିଜର ପୂର୍ବତନ ନିର୍ଦ୍ଦେଶକଙ୍କୁ ଅନୁକମ୍ପା ଦେଖାଇଛି । ସେମାନଙ୍କ ମାମଲାକୁ ଲୁଚାଉଛି । ତଦନ୍ତକୁ ଆଗକୁ ବଢାଇବା ପାଇଁ ଇଚ୍ଛୁକ ନଥିବା ଭଳି ଲାଗୁଛି । ଏପି ସିଂ ଓ ରଂଜିତ ସିହ୍ନାଙ୍କ ଭୂମିକା ସନ୍ଦେହଜନକ ରହିଛି । ସେମାନଙ୍କୁ ତଦନ୍ତ ପରିସରଭୁକ୍ତ କରାଯିବା ଆବଶ୍ୟକ । ସ୍ୱଚ୍ଛ ତଦନ୍ତର ଆବଶ୍ୟକତା ରହିଛି । କୋର୍ଟ ଆହୁରି କହିଥିଲେ ଯେ, ସିବିଆଇକୁ ତାର ପୂର୍ବ ଛବି ଫେରାଇ ଆଣିବାକୁ ହେବ । ଏକ ସମୟରେ ଦୁଇ ପୂର୍ବତନ ନିର୍ଦ୍ଦେଶକଙ୍କ ଜେରା କରି ସିବିଆଇ ସଚ୍ଚୋଟତା ପ୍ରମାଣ କରୁ । ଏହାସହ ପୂର୍ବତନ ନିର୍ଦ୍ଦେଶକଙ୍କ ଜେରା, ପଚରା ଉଚରା କଣ ପାଇଁ ହୋଇନାହିଁ ବୋଲି କୋର୍ଟ ପ୍ରଶ୍ନ କରିଥିଲେ । ତଦନ୍ତକୁ ବନ୍ଦ କରିବା ପାଇଁ ଆଲୋକ ବର୍ମାଙ୍କ ଭୂମିକାକୁ ଯାଞ୍ଚ୍ କରାଯାଇଛି ନା ନାହିଁ ବୋଲି ମଧ୍ୟ କୋର୍ଟ ପ୍ରଶ୍ନ କରିଛନ୍ତି ।

ଏହାର ଉତ୍ତର ଦେଇ ଗତ ୨୬ ତାରିଖରେ ସିବିଆଇ କୋର୍ଟରେ କହିଥିଲା ଯେ, ଏବେସୁଦ୍ଧା ୫୪୪ଟି ଦସ୍ତାବିଜକୁ ଏକାଠି କରାଯାଇଛି । ୬୩ଜଣ ସାକ୍ଷୀଙ୍କୁ ଯାଞ୍ଚ୍ କରାଯାଇଛି । ଏହାସହ ତଦନ୍ତକାରୀ ଅଫିସର ଦବିନ୍ଦର କୁମାର ମୋଇନ କ୍ୟୁରେସୀ, ପ୍ରଦୀପ କୋନେର, ଆଦିତ୍ୟ ଶର୍ମା ଓ ସତିଶ ବାବୁଙ୍କୁ ଗିରଫ କରିବାକୁ ପ୍ରସ୍ତାବ ଦିଆଯାଇଛି । ପୂର୍ବତନ ଯୁଗ୍ମ ନିର୍ଦ୍ଦେଶକ ରାକେଶ ଆସ୍ଥାନାଙ୍କ ବିରୋଧରେ ମାମଲା ରୁଜୁ ହୋଇଥିଲା । କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପାରିବ ନାହିଁ । ଏବେବି ଅନେକ ସାକ୍ଷୀଙ୍କ ବୟାନ ରେକର୍ଡ ବାକି ଅଛି । ଏହି ମାମଲାର ଶୁଣାଣି ଏବେ ଅକ୍ଟୋବର ୨୭ରେ ହେବ ।

   Related Posts