ସୁରତ: ବେଆଇନ ସମ୍ମିଳନୀ କରି ଦଙ୍ଗା ସୃଷ୍ଟି କରିବା ମାମଲାରେ କଂଗ୍ରେସ ବିଧାୟକ ତଥା ଦଳିତ ନେତା ଜିଗ୍ନେଶ ମେବାଣୀଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି ଗୁଜୁରାଟର ଏକ କୋର୍ଟ। ଅତିରିକ୍ତ ମହାନଗର ନିଗମ ମାଜିଷ୍ଟ୍ରେଟ୍ ପି.ଏନ୍ ଗୋସ୍ୱାମୀଙ୍କ କୋର୍ଟ ମେଭାଣୀ, ମନଭାଇ ପଟେଲିଆ, ରମେଶ ବାରିଆ, ମୁକେଶ ପଟେଲ, ଦାଶରଥ ପାଗି, ମେଶ ନରସିଂହ ଏବଂ ଦର୍ଶନ ପଠରିଆଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି। ବେଆଇନ ସଭା, ଦଙ୍ଗା ଏବଂ ଜନସାଧାରଣଙ୍କ ସମ୍ପତ୍ତି ନଷ୍ଟ କରିବା ଅଭିଯୋଗରେ ଏମାନଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା।
ଅଭିଯୋଗ ଅନୁସାରେ ସେପ୍ଟେମ୍ବର ୨୦୧୬ରେ ସହରର ଆୟକର ସ୍କୋୟାରରେ ଅହମ୍ମଦାବାଦ ମ୍ୟୁନିସିପାଲିଟି କର୍ପୋରେସନର ପରିମଳ କର୍ମଚାରୀଙ୍କ ସମର୍ଥନରେ ଏକ ବିକ୍ଷୋଭ ପ୍ରଦର୍ଶନ କରିଥିଲେ। ଏନେଇ ସେମାନଙ୍କୁ ଗିରଫ କରାଯାଇଥିଲା। ଷ୍ଟାଡିୟମ ଯିବାବେଳେ ପୋଲିସ ଗାଡିକୁ କ୍ଷତି ପହଞ୍ଚାଇଥିବା ଅଭିଯୋଗ ହୋଇଥିଲା। ଏହି ସମୟରେ ଏମାନେ ସ୍ଲୋଗାନ ମଧ୍ୟ ଦେଇଥିଲେ।
ମେବାନୀ ଏବଂ ଅନ୍ୟମାନଙ୍କ ବିରୋଧରେ ଧାରା ୧୪୩ (ବେଆଇନ ସଭା), ୧୪୬ (ଦଙ୍ଗା), ୧୪୭, ୨୯୪ (ସର୍ବସାଧାରଣ ସ୍ଥାନରେ ଅଶ୍ଳୀଳ କାର୍ଯ୍ୟ), ୩୩୨ (ଜାଣିଶୁଣି ଅନ୍ୟକୁ ଆଘାତ ଦେବା) ମାମଲା ରୁଜୁ କରାଯାଇଥିଲା। ଜନସାଧାରଣଙ୍କ ସମ୍ପତ୍ତି ନଷ୍ଟ ହୋଇଥିବା ଅଭିଯୋଗରେ ମାମଲା ରୁଜୁ କରାଯାଇଥିଲା।
ଅଭିଯୋଗକାରୀଙ୍କ ପକ୍ଷ ଅନୁଯାୟୀ, ଏହି ଲୋକମାନେ ପୂର୍ବରୁ ଅନୁମତି ନନେଇ ସଭାର ଆୟୋଜନ କରିଥିଲେ। ଏହା ପରେ ପୋଲିସ ସେମାନଙ୍କୁ ଇନକମ ଟ୍ୟାକ୍ସ ଛକରୁ ଅଟକ ରଖିଥିଲା। ସେମାନଙ୍କୁ ଷ୍ଟାଡିୟମକୁ ନେବାବେଳେ ଏମାନେ ପୋଲିସ ଗାଡିକୁ ନଷ୍ଟ କରି ପୋଲିସ ଡ୍ରାଇଭରଙ୍କୁ ପିଟିଥିଲେ।
୨୦୨୨ ଡିସେମ୍ବର ବିଧାନସଭା ନିର୍ବାଚନରେ ଭଦଗାମ ଆସନରୁ କଂଗ୍ରେସ ପ୍ରାର୍ଥୀ ଭାବରେ ଜିତିଥିଲେ ମେବାନି। ସେ ଦଳର ଗୁଜୁରାଟ ଶାଖାର ଥିଲେ କାର୍ଯ୍ୟକାରୀ ସଭାପତି।
