ବଲାଙ୍ଗୀର ୧୫/୦୧: ଦୁର୍ବୃତ୍ତଙ୍କ ଅତର୍କିତ ଆକ୍ରମଣରେ ଦମ୍ପତ୍ତି ଗୁରୁତର। ଅଭିଯୁକ୍ତମାନେ ଯୁବକ ଓ ତାଙ୍କ ସ୍ତ୍ରୀଙ୍କୁ ଖଣ୍ଡାରେ ଆକ୍ରମଣ  କରିଥିବା ଅଭିଯୋଗ ହୋଇଛି। ଏପରି ଅଭାନୀୟ ଘଟଣା ବଲାଙ୍ଗୀର ସହରରେ ଥିବା ଶାସ୍ତ୍ରୀନଗରରେ ଘଟିଛି। ଦୁର୍ବୃତ୍ତଙ୍କ ଖଣ୍ଡା ଚୋଟରେ ଭବାନୀ ଦୀପ ନାମକ ଜଣେ ଯୁବକ ଓ ତାଙ୍କ ସ୍ତ୍ରୀ ଗୁରୁତର ହୋଇଛନ୍ତି। ଉଭୟଙ୍କୁ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଛି। ପୂର୍ବ ଶତ୍ରୁତାକୁ କେନ୍ଦ୍ର କରି ଏଭଳି ଜଘନ୍ୟ କାଣ୍ଡ ହୋଇଥିବା ଜଣାପଡ଼ିଛି। ସେପଟେ ଏହା ଜାଣି ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।