ଭବାନୀପାଟଣା ୩|୬: କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଅନ୍ତର୍ଗତ ମୁଖୀଗୁଡା ଇନ୍ଦ୍ରାବତୀ ପ୍ରୋଜେକ୍ଟ-୨ ଅଞ୍ଚଳରେ ଅଘଟଣ ଘଟିଛି । ବିଦ୍ୟୁତ ତାର ସଂସ୍ପର୍ଶରେ ଆସି ସ୍ବାମୀ ଓ ସ୍ତ୍ରୀ ଉଭୟଙ୍କ ମୃତ୍ୟୁ ଘଟିଛି । ମୃତକମାନେ ହେଲେ ଅଶୋକ ନାଗ ଓ ରାଧେ ନାଗ । ରାଧେ ନାଗ ଛାତ ଉପରେ ଲୁଗା ଶୁଖାଉଥିବାବେଳେ ଛାତ ଉପରେ ଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ । ତାଙ୍କୁ ବଂଚାଇବାକୁ ଯାଇ ସ୍ବାମୀ ଅଶୋକ ନାଗ ମଧ୍ୟ ବିଦ୍ୟୁତ ତାରରେ ଲାଗିଯାଇଥିଲେ । ଘଟଣାସ୍ଥଳରେ ଉଭୟଙ୍କ ମୃତ୍ୟୁ ହୋଇଛି ।