ମୁମ୍ଵାଇ ୦୯।୦୮: ମେକଅପ୍ ଇଣ୍ଡଷ୍ଟ୍ରି ବହୁତ ବଡ। ଯେଉଁଥିରେ ଉଭୟ ପୁରୁଷ ଏବଂ ମହିଳାଙ୍କ ପାଇଁ ପ୍ରତିଦିନ ନୂଆ-ନୂଆ କସମେଟିକ୍‌ ପ୍ରଡକ୍ଟ ଲଞ୍ଚ କରାଯାଏ । ଏହି ପ୍ରଡକ୍ଟ ଗୁଡ଼ିକ ବିଭିନ୍ନ ପ୍ରକାରର ଏବଂ ସେଗୁଡିକ ତିଆରି ଏବଂ ବ୍ୟବହାର କରିବାର ଉପାୟ ମଧ୍ୟ ଭିନ୍ନ ଅଟେ । ପ୍ରାୟତଃ ଦେଖାଯାଏ ଯେ ଲୋକମାନେ ଖାଦ୍ୟ ପଦାର୍ଥର ଲେବଲ୍‌ ପଢିନ୍ତି କିନ୍ତୁ ସେଥିରେ କେଉଁ ଜିନିଷ ଗୁଡିକ ମିଶ୍ରିତ ହୋଇଛି ତାହା ଦେଖିବା ପାଇଁ ମେକ୍ ଇନ୍ ଆଇଟମ ଗୁଡିକର ଲେବଲକୁ କେବେବି ଯାଞ୍ଚ କରନ୍ତି ନାହିଁ । ସୂଚନା ଅନୁଯାୟୀ ଅନେକ ଦ୍ରବ୍ୟରେ କ୍ଷତିକାରକ ରାସାୟନିକ ପଦାର୍ଥ ରହିଥାଏ । ଯାହା ତ୍ଵଚା ବା ଚର୍ମ ପାଇଁ ଭଲ ନୁହେଁ। ଏପରି କିଛି କସମେଟିକ୍ କମ୍ପାନୀ ଗୁଡିକ ଦ୍ୱାରା ପ୍ରସ୍ତୁତ ଦ୍ରବ୍ୟର ଉପାଦାନ ଉପରେ ନଜର ରଖନ୍ତି । ସେ ଏପରି ତିନୋଟି ସୌନ୍ଦର୍ଯ୍ୟ ଦ୍ରବ୍ୟକୁ କହିଛନ୍ତି ଯାହାକୁ ଏଡାଇବା ଉଚିତ୍।

ୱାଟରପ୍ରୁଫ୍ ମସ୍କାରା-

ୱାଟରପ୍ରୁଫ୍ ମସ୍କାରା ତିଆରି କରିବା ପାଇଁ କମ୍ପାନୀ ଗୁଡିକ ଏଥିରେ ପର-ଆଣ୍ଡ-ପଲି-ଫ୍ଲୋରୋ ଆଲ୍କାଇଲ୍ ପଦାର୍ଥ (PFAS) ଯୋଗ କରିବାକୁ ପଡିଥାଏ। PFAS ଅତ୍ୟନ୍ତ ବିପଜ୍ଜନକ ବୋଲି ବିବେଚନା କରାଯାଏ।  ଯାହା କିଡନୀ, ହାଇ କୋଲେଷ୍ଟ୍ରଲ, ବନ୍ଧ୍ୟାକରଣ ଏବଂ ମସ୍ତିଷ୍କ ରୋଗ ମଧ୍ୟ ସୃଷ୍ଟି କରିପାରେ । ମାନବ ଶରୀରର ପ୍ରତ୍ୟେକ ଅଙ୍ଗ ପାଇଁ PFAS ବିପଜ୍ଜନକ ଅଟେ । PFAS ର ସଂସ୍ପର୍ଶରେ ଆସିବା ଦ୍ଵାରା ଦୁର୍ବଳ ପ୍ରତିରୋଧକ ଶକ୍ତି, କେତେକ ପ୍ରକାରର କର୍କଟ, ମଧୁମେହ, ମୋଟାପଣ ଭଳି ସମସ୍ୟା ମଧ୍ୟ ଦେଖାଦେଇପାରେ।

ଡ୍ରାଇ ଶ୍ୟାମ୍ପୁ-

ଡ୍ରାଏ ସାମ୍ପୁ ମଧ୍ୟ କେବେବି ବ୍ୟବହାର କରାଯିବା ଉଚିତ୍ ନୁହେଁ। ଏହି ଡ୍ରାଏ ସାମ୍ପୁରେ ବେନଜିନ ନାମକ ଏକ କ୍ଷତିକାରକ ରାସାୟନିକ ପଦାର୍ଥ ରହିଥାଏ। ଯାହାକି ଏକ କର୍କିନୋଜେନ । ଏହାର ଅଳ୍ପ ପରିମାଣରେ ବ୍ୟବହାର କର୍କଟ ରୋଗ ହେବାର ଆଶଙ୍କା ବଢାଇଥାଏ ।

କେଶ ସିଧା କରିବା କେମିକାଲ-

କେଶ ସିଧା କରିବା ରାସାୟନିକ ପଦାର୍ଥ ଗର୍ଭାଶୟ କର୍କଟ ହେବାର ଆଶଙ୍କା ବଢାଇଥାଏ। ଏହା ମଧ୍ୟ ଓଭାରି ଏବଂ ସ୍ତନ କର୍କଟ ରୋଗର ଆଶଙ୍କା ବଢାଇପାରେ । କାରଣ ଏଥିରେ ପାରାବେନ୍ସ, ବିସଫେନଲ୍ ଏ ଏବଂ ଫର୍ମାଲଡିହାଇଡ୍ ପରି ବିପଜ୍ଜନକ ରାସାୟନିକ ପଦାର୍ଥ ରହିଥାଏ । ଏହି ସବୁ ସେମାନେ ସିଧାସଳଖ ଖପୁରିରେ ଅବଶୋଷିତ ହୁଏ।