କଟକ ୧୭/୧୨: କଟକ ବାଲିଯାତ୍ରାରେ ବଡ ଧରଣର ଆର୍ଥିକ ଅନିୟମିତତା ଅଭିଯୋଗ। ବିଶେଷ କରି ବାଲିଯାତ୍ରାର ଭିତ୍ତିଭୂମି ପ୍ରସ୍ତୁତି ପାଇଁ ସିଏମସି ଦ୍ବାରା ହୋଇଥିବା ନିର୍ମାଣ କାମରେ ବ୍ୟାପକ ପ୍ରିୟାପ୍ରିତୀ ତୋଷଣ ଓ ଆର୍ଥିକ ଅନିୟମିତତା ହୋଇଥିବା ସିଏମସିର ନିଜସ୍ବ ରେକର୍ଡରୁ ଜଣା ପଡ଼ିଛି। ସିଏମସିରୁ ମିଳିଥିବା ରେକର୍ଡ ଅନୁସାରେ, କିଛି ହାତଗଣତି କର୍ପୋରେଟର ଓ ଯନ୍ତ୍ରୀଙ୍କ ଭାଇ ଭଉଣୀଙ୍କ ନାଁରେ କୋଟିକୋଟି ଟଙ୍କାର କାର୍ଯ୍ୟାଦେଶ ଦିଆଯାଇଛି। ବିରୋଧି ଦଳ ଏହି ଆର୍ଥିକ ଅନିୟମିତତାର ଭିଜିଲାନ୍ସ ତଦନ୍ତ ଦାବି କରିଥିବା ବେଳେ କାଉନସିଲ ବୈଠକ ବସିଲେ ଆଲୋଚନା କରି ଏ ନେଇ ପଦକ୍ଷେପ ନିଆଯିବ ବୋଲି ମେୟର କହିଛନ୍ତି।