Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଉ କିଛି ଦିନ ପରେ ସାଜିଥାନ୍ତେ ବରଗଡ଼ ଧନୁଯାତ୍ରାର ବଳରାମ, ତା ଆଗରୁ ଦୁନିଆ ଛାଡ଼ି ଚାଲିଗଲେ ଶ୍ରେୟସ
  • ||
  • ଜାଡ଼ରେ ଥରୁଛି କନ୍ଧମାଳ: ଫୁଲବାଣୀରେ ୬.୬ ଡିଗ୍ରୀ, ଦାରିଙ୍ଗବାଡିରେ ୮.୫ ଡିଗ୍ରୀ ସେଲସିୟସ
  • ||
  • ମହିଳା ପ୍ରଦର୍ଶନକାରୀଙ୍କ ସ୍ତନ ଏବଂ ଗୁପ୍ତାଙ୍ଗକୁ ଗୁଳି କରୁଛନ୍ତି ଇରାନୀ ସେନା, ଖୁଲାସା କଲେ ଡାକ୍ତର
  • ||
  • ସିନ୍ଧେକେଲା ଥାନା ଆଇଆଇସି ଗିରଫ, ୨୫ ହଜାର ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ
  • ||
  • ଧର୍ମଗଡ: ଭାରସାମ୍ୟ ହରାଇ ଗଛରେ ପିଟିଲା ମିନିଟ୍ରକ, ଦୁର୍ଘଟଣାରେ ଜଣେ ମୃତ
  • ||
  • ଜାଡ଼ରେ ଥରୁଛି ରାଜ୍ୟ, କୋରାପୁଟରେ ତଳକୁ ଖସିଲା ପାରଦ
  • ||
  • ମୋହନା: ଗୋଷ୍ଠୀ କେନ୍ଦ୍ର ପଛପଟେ ପଡ଼ିଛି କୁଢ଼ କୁଢ଼ ଔଷଧ, ବୈଧତା ଥାଇ ବି ଫୋପାଡିଦେଲେ
  • ||
  • ପାଟଣା ରେଞ୍ଜରେ ଘୁରି ବୁଲୁଛନ୍ତି ହାତୀପଲ, ଧାନ ଫସଲ ନଷ୍ଟ ସହ ଖାଇଗଲେ ଶହ ଶହ ଧାନ ବିଡା
  • ||
  • ନିଶ୍ଚିତକୋଇଲି: ବିଳମ୍ବିତ ରାତିରେ ମାତିଲେ ଡକାୟତ, ଚୋରି କରିବାକୁ ଆସି ନେଇଗଲେ ଜୀବନ
  • ||

ଭାରତରେ ଆଉ ୮ଜଣ କରୋନାରେ ସଂକ୍ରମିତ, ୧୪୭ରେ ପହଞ୍ଚିଲା ରୋଗୀଙ୍କ ସଂଖ୍ୟା

18/03/2020 at 9:29 AM

ନୂଆଦିଲ୍ଲୀ ।୩: ଭାରତରେ କରୋନା ଭାଇରସ୍ ରେ ସଂକ୍ରମିତଙ୍କ ସଂଖ୍ୟା ୧୪୭କୁ ବୃଦ୍ଧି ପାଇଛି । ଏଥିମଧ୍ୟରୁ ୧୨୨ ଜଣ ଭାରତୀୟ ଏବଂ ୨୫ ଜଣ ବିଦେଶୀ ଅଛନ୍ତି । ୧୪ ଜଣ ସମ୍ପୂର୍ଣ୍ଣ ସୁସ୍ଥ ହୋଇଥିବାବେଳେ ତିନି ଜଣଙ୍କର ମୃତ୍ୟୁ ହୋଇଛି । ୫୭୦୦ରୁ ଅଧିକ ଲୋକଙ୍କ ଉପରେ ନଜର ରଖାଯାଇଛି।

ବିଜେପି ସାଂସଦ ତଥା ପୂର୍ବତନ କେନ୍ଦ୍ର ମନ୍ତ୍ରୀ ସୁରେଶ ପ୍ରଭୁ ନିଜ ବାସଭବନରେ ୧୪ ଦିନ ପାଇଁ କ୍ବାରେଣ୍ଟାଇନ୍ ରେ ରହିଛନ୍ତି । ତାଙ୍କର ପରୀକ୍ଷା ରିପୋର୍ଟ ନେଗେଟିଭ ସତ୍ତ୍ବେ ସେ ସତର୍କତାମୂଳକ ଭାବେ ଏଭଳି ପଦକ୍ଷେପ ନେଇଛନ୍ତି । ସେ ମାର୍ଚ୍ଚ ୧୦ ତାରିଖରେ ସାଉଦି ଆରବରେ ଶେରପାସ୍ ବୈଠକରେ ଯୋଗଦେଇ ଫେରିଥିଲେ।

ପୁଣେ ଜିଲ୍ଲାପାଳ ନବଲ କିଶୋର ରାମ କହିଛନ୍ତି ଯେ, ପୁଣେର ଆଉ ଜଣେ ବ୍ୟକ୍ତି କରୋନା ଭାଇରସ୍ ରେ ଆକ୍ରାନ୍ତ ଥିବା ଜଣାପଡିଛି। ଏହି ବ୍ୟକ୍ତି ଫ୍ରାନ୍ସ ଏବଂ ନେଦରଲ୍ୟାଣ୍ଡ ଗସ୍ତ କରି ଆସିଥିଲେ । ପୁଣେରେ କରୋନା ଭାଇରସ୍ ପଜିଟିଭଙ୍କ ସଂଖ୍ୟା ୧୮ରେ ପହଞ୍ଚିଥିବା ବେଳେ ଏବଂ ମହାରାଷ୍ଟ୍ରରେ ୪୨କୁ ବୃଦ୍ଧି ପାଇଛି।

ଲଦାଖରେ ଅବସ୍ଥାପିତ ଭାରତୀୟ ସେନାର ଜଣେ ଯବାନ କରୋନା ସଂକ୍ରମିତ ହୋଇଥିବା ଜଣାପଡିଛି। ଯବାନଙ୍କ ବାପା ଇରାନ ଯାତ୍ରା କରି ଫେରିଥିଲେ । ସେନାରେ କରୋନା ସଂକ୍ରମଣର ଏହା ହେଉଛି ପ୍ରଥମ ମାମଲା | ସେନା ସୂତ୍ରରୁ ପ୍ରକାଶ ଯେ, ଲଦାଖ ସ୍କାଉଟର ୩୪ ବର୍ଷ ବୟସ୍କ ଯବାନଙ୍କ ବାପା ଇରାନ୍ ଯାଇ ଫେବୃଆରୀ ୨୭ତାରିଖରେ ଫେରିଥିଲେ। ତାଙ୍କ ବାପାଙ୍କୁ ୨୯ ଫେବୃଆରୀଠାରୁ ଅଲଗା ରଖାଯାଇଥିଲା ଏବଂ ତାଙ୍କର କରୋନା ପରୀକ୍ଷା ରିପୋର୍ଟ ପଜିଟିଭ ଆସିଥିଲା ।

ଦେଶରେ କରୋନା ଭାଇରସ୍ ରେ ଆକ୍ରାନ୍ତ ରୋଗୀଙ୍କ ସଂଖ୍ୟା ୧୪୭ରେ ପହଞ୍ଚିଛି ଏବଂ ୫୭୦୦ ରୁ ଅଧିକ ଲୋକଙ୍କ ଉପରେ ନଜର ରଖାଯାଇଛି । ମଙ୍ଗଳବାର ଦିନ ମୁମ୍ବାଇର କସ୍ତୁରବା ହସ୍ପିଟାଲରେ ଜଣେ ୬୪ ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ଘଟିଛି । ଯାହା ଦେଶରେ ଏପର୍ଯ୍ୟନ୍ତ କରୋନା ଭାଇରସ୍ ସଂକ୍ରମିତର ତୃତୀୟ ମୃତ୍ୟୁ ।

   Related Posts