Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ପରଲୋକ ।। ଭୁବନେଶ୍ୱର ଆପୋଲୋ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ।। ରବିବାର ପୂର୍ବାହ୍ନରେ ବ୍ରଜରାଜନଗର ଗାନ୍ଧିଛକ ନିକଟରେ ହୋଇଥିଲା ଗୁଳିମାଡ।। ଏସଆଇଙ୍କ ଗୁଳିରେ ଗୁରୁତର ଆହତ ହୋଇଥିଲେ ନବ ଦାସ
  • ||
  • ସାଲେପୁର : ପାରିବାରିକ କଳହର କରୁଣ ପରିଣତି, ସ୍ୱାମୀକୁ କିରୋସିନି ଢାଳି ଜାଳିଦେଲା ସ୍ତ୍ରୀ
  • ||
  • ଭୂକମ୍ପରେ ଥରିଲା ଇରାନ : ୭ ମୃତ, ୪୪୦ରୁ ଅଧିକ ଆହତ
  • ||

କରୋନାର ଲମ୍ବା ଲମ୍ଫ; ୨୪ ଘଣ୍ଟାରେ ବିଶ୍ବରେ ସର୍ବାଧିକ ସଂକ୍ରମଣ, ୭ଦିନରେ ୧୦ ହଜାର ମୃତ !

21/12/2022 at 9:58 AM

ନୂଆଦିଲ୍ଲୀ: ପୁଣି କଡ଼ ଲେଉଟାଉଛି କରୋନା । ଲମ୍ବା ଲମ୍ଫ ମାରୁଛି ଭୂତାଣୁ । ଚୀନରୁ ଆରମ୍ଭ ହୋଇ ପୁଣି ଥରେ ସାରା ବିଶ୍ବକୁ କବଳିତ କରୁଛି ମାରାତ୍ମକ ଭାଇରସ୍ । ଚୀନ୍ ପରେ ଆମେରିକା, ଜାପାନ, ବ୍ରାଜିଲ୍, ଦକ୍ଷିଣ କୋରିଆ, ଜର୍ମାନୀ ଆଦି ଦେଶକୁ କବଜା କରୁଛି ମହାମାରୀ କରୋନା । ଗତ ୨୪ ଘଣ୍ଟାରେ ଭୂତାଣୁ ଲମ୍ବ ଡିଆଁ ମାରିଛି । କରୋନାର ତୃତୀୟ ଲହର ଆଶଙ୍କା କରାଯାଉଥିବାବେଳେ ଏହାକୁ ନେଇ ପୁଣି ଥରେ ଭୟଭୀୟ ହୋଇଛନ୍ତି ଲୋକ ।  

ଚୀନ୍ ପରେ ଏବେ ବିଶ୍ବବାସୀଙ୍କୁ ଡରାଇଲାଣି କରୋନା । ଗତ ୭ଦିନ ମଧ୍ୟରେ ସଂକ୍ରମଣ ମାମଲା ଲଗାତାର ଭାବେ ବଢ଼ିବାରେ ଲାଗିଛି କରୋନା । ୩୬ ଲକ୍ଷ କରୋନା କେସ୍ ରେକର୍ଡ କରାଯାଇଥିବାବେଳେ  ୧୦ହଜାରରୁ ଅଧିକ ମୃତ୍ୟୁ ହୋଇଛି । ଗତ ୨୪ ଘଣ୍ଟାରେ  ଆମେରିକାରେ ୨୨,୫୭୮ ମାମଲା ରେକର୍ଡ କରାଯାଇଛି । ସେହିପରି ଜାପାନରେ ୭୨,୨୯୭ କେସ୍ ରେଜିଷ୍ଟ୍ରାସନ ହୋଇଛି । ଜର୍ମାନୀରେ ୫୫,୦୧୬ଟି ମାମଲା, ବ୍ରାଜିଲରେ ୨୮,୫୭୯ଜଣ କରୋନାରେ ସଂକ୍ରମିତ ଚିହ୍ନଟ ହୋଇଥିବା ବେଳେ  ଦକ୍ଷିଣ କୋରିଆରେ ୨୬,୬୨୨ ମାମଲା ରେକର୍ଡ କରାଯାଇଛି ।  ଫ୍ରାନ୍ସରେ ଗତ ୧୪ ଘଣ୍ଟାରେ  ୮,୨୧୩ କେସ୍ ସାମ୍ନାକୁ ଆସିଛି । ସେହିପରି ତାଇଓ୍ବାନରେ ୧୦,୩୫୯ ଏବଂ ଋଷରେ ୬,୩୪୧ କେସ୍ ଚିହ୍ନଟ କରାଯାଇଛି ।

ମହାମାରୀ ଭୂତାଣୁ ଯୋଗୁ ଗତ ୭ଦିନରେ ୧୦ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ଚୀନ୍ ବ୍ୟତୀତ ଆର୍ଜେଣ୍ଟିନା, ବ୍ରାଜିଲ୍, ଜାପାନରେ ଦ୍ରୁତ ଗତିରେ ବଢିବାରେ ଲାଗିଛି କୋଭିଡ୍-୧୯ ଭାଇରସ୍ । ଭୂତାଣୁର ଦ୍ରୁତ ସଂକ୍ରମଣ ଯୋଗୁ ଆଗୁଆ ପଦକ୍ଷେପ ନେଇଛନ୍ତି ଭାରତ ସରକାର । କରୋନା ନେଇ ସମୀକ୍ଷା ବୈଠକ ଡାକିଛନ୍ତି କେନ୍ଦ୍ର ସରକାର ।

ଗତ ୭ଦିନରେ ବିଶ୍ବରେ ୩,୬୩୨,୧୦୯ କେସ୍ ରେକର୍ଡ କରାଯାଇଛି । କେବଳ ଜାପାନରେ ୧୦,୫୫,୫୭୮ ମାମଲା ସାମ୍ନାକୁ ଆସିଛି । ଦକ୍ଷିଣ କୋରିଆରେ ୪,୬୦,୭୬୬, ଫ୍ରାନ୍ସରେ ୩,୮୧,୧୮୪, ବ୍ରାଜିଲରେ ୨,୮୪,୨୦୦, ଆମେରିକାରେ ୨,୭୨,୦୭୫, ଜର୍ମାନୀରେ ୨,୨୩,୨୨୭, ହଂକଂରେ ୧,୦୮,୫୭୭, ତାଇଓ୍ବାନରେ ୧,୦୭,୩୮୧ ମାମଲା ସାମ୍ନାକୁ ଆସିଛି।

ସେହିପରି ଗତ ୭ଦିନ ମଧ୍ୟରେ ୧୦ ହଜାର ଲୋକଙ୍କ ମୃତ୍ୟୁ ହୋଇଛି । ଭୂତାଣୁ ସଂକ୍ରମଣରେ ଜାପାନରେ ୧,୬୭୦ଜଣ ଲୋକଙ୍କ ମୃତ୍ୟୁ ହୋଇଥିବା ବେଳେ ଆମେରିକାରେ ୧୬୦୭ଜଣ ପ୍ରାଣ ହରାଇଛନ୍ତି । ଚୀନରେ ସର୍ବାଧିକ କେସ୍ ସାମ୍ନାକୁ ଆସିଛି ।  

   Related Posts