scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦେଶରେ କମିଲା କରୋନା ସଂକ୍ରମଣ ହାର, ୨୪ ଘଣ୍ଟାରେ ମାତ୍ର ୪୨ ପଜିଟିଭ୍ ମାମଲା

26/03/2020 at 7:35 PM

ନୂଆଦିଲ୍ଲୀ, ୨୬|୦୩:  ସାରା ଦେଶ ଏବେ କରୋନା ସହ ଲଢେଇ କରୁଛି । ୨୧ ଦିନ ଯାଏଁ ଦେଶରେ ଲକଡାଉନ ଘୋଷଣା କରାଯାଇଛି । ଏହା ମଧ୍ୟରେ ଏକ ଆଶ୍ୱସ୍ତିକର ଖବର ସାମ୍ନାକୁ ଆସିଛି । କରୋନା ସଂକ୍ରମିତ ହାର କମିଥିବା ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି । ଗତ ୨୪ ଘଣ୍ଟା ମଧ୍ୟରେ ମାତ୍ର ୪୨ଟି ନୂଆ ମାମଲା ସାମ୍ନାକୁ ଆସିଛି । ଏହାସହ ୪ଜଣ ପ୍ରାଣ ହରାଇଥିବା ମନ୍ତ୍ରାଳୟ କହିଛି ।

ସ୍ୱାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ୍ ଅଗ୍ରଓ୍ୱାଲ କହିଛନ୍ତି ଯେ, କରୋନା ଭାଇରସରେ ଏବେସୁଦ୍ଧା ୧୩ଜଣ ପ୍ରାଣ ହରାଇଛନ୍ତି । ମୋଟ ୬୪୯ଟି ମାମଲା ସାମ୍ନାକୁ ଆସିଛି । ଗତ ୨୪ ଘଣ୍ଟାରେ ୪୨ଟି ନୂଆ ମାମଲା ଆସିଛି । କରୋନା ପାଇଁ ସ୍ୱତନ୍ତ୍ର ମେଡିକାଲ ପ୍ରତିଷ୍ଠା କାର୍ଯ୍ୟ ୧୭ଟି ରାଜ୍ୟରେ ଆରମ୍ଭ ହୋଇଯାଇଛି ।

ଏହି ସମୟରେ ସେ ଜନତାଙ୍କୁ ସତର୍କ ଓ ସଚେତନ ରହିବାକୁ ପରାମର୍ଶ ଦେଇଛନ୍ତି । ଆଶା ଓ ଅଙ୍ଗନବାଡି କର୍ମୀଙ୍କୁ କରୋନା ମୁକାବିଲା ପାଇଁ ପ୍ରଦାନ କରାଯାଉଛି । ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିଲେ ମଧ୍ୟ ହାର ଅପେକ୍ଷାକୃତ ସ୍ଥିର ରହିଛି । ଏହା କେବଳ ପ୍ରାରମ୍ଭିକ ଟ୍ରେଣ୍ଡ ବୋଲି ସେ କହିଛନ୍ତି ।

ସ୍ୱାସ୍ଥ୍ୟ ମନ୍ତ୍ରାଳୟ ତରଫରୁ ଆହୁରି ୨୫ଟି ବେସରକାରୀ ଲ୍ୟାବକୁ ସଂକ୍ରମଣର ଯାଂଚ ପାଇଁ ଅନୁମତି ପ୍ରଦାନ କରାଯାଇଛି । ସାମ୍ପୁଲ କଲେକ୍ସନ ପାଇଁ ୨୦ ହଜାରରୁ ଅଧିକ ସେଣ୍ଟର ରହିଛି । ସାରା ଦେଶର ଡାକ୍ତରଙ୍କୁ ଅନଲାଇନରେ ଟ୍ରେନିଂ ଦିଆଯାଉଥିବା କୁହାଯାଇଛି ।

   Related Posts