ନୂଆଦିଲ୍ଲୀ ୦୯।୦୨ - ଏବେ ଚୀନ୍ରେ ଭୟଙ୍କର କରୋନା ଭାଇରସ୍ ବ୍ୟାପିବାରେ ଲାଗିଛି । ଏବେ ଚୀନ୍ର ବିଭିନ୍ନ ସହରରେ କର୍ଫ୍ୟୁ ଲାଗିବା ପରି ପରିସ୍ଥିତି । ଜନମାନସ ଶୂନ୍ୟ ହୋଇ ଯାଇଛି ଅନେକ ସହର । ଚୀନର ଆର୍ଥିକ ବ୍ୟବସ୍ଥା ଉପରେ ଏହା ପ୍ରଭାବ ପକାଇଛି । ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପତ୍ର ଲେଖି ଚୀନ୍ ପାଇଁ ସହାୟତାର ହାତ ବଢାଇଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚୀନ୍ ରାଷ୍ଟ୍ରପକି ଶି ଜିନପିଙ୍ଗଙ୍କୁ ପତ୍ର ଲେଖିଛନ୍ତି । କରୋନା ଭାଇରସ୍ ଯୋଗୁଁ ଚୀନ୍ର ଜନ ଜୀବନ ଅସ୍ତବ୍ୟସ୍ତ ହୋଇଯାଇଥିବା ବେଳେ ଭାରତ ତାଙ୍କ ସହ ଛିଡା ହେବା ସହ ତାଙ୍କୁ ସମସ୍ତ ପ୍ରକାରର ସହାୟତା ଯୋଗାଇ ଦେବ ବୋଲି କହିଛନ୍ତି ।
ସାରା ଦୁନିଆଁରେ ୩୭,୫୦୦ରୁ ଅଧିକ ଲୋକ ଏବେ କରୋନା ଭୁତାଣୁ ଆକ୍ରାନ୍ତ । ବିଶ୍ୱ ସ୍ୱାସ୍ଥ୍ୟ ଅଧିକାରୀାମନେ ଦେଇଥିବା ସୂଚନା ଅନୁସାରେ ୮୧୧ଜଣଙ୍କର ମୃତ୍ୟୁ ହୋଇଛି । ଏଥିରେ ୩୭,୧୯୮ ଜଣ ଆକ୍ରାନ୍ତ ହୋଇଥିବା ଜଣା ପଡିଛି । ଭାରତର କେରଳରେ ୩ ଜଣ ସଂଗ୍ଦିଧ ଆକ୍ରାନ୍ତଙ୍କର ସୂଚନା ମିଳିଛି ।