Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

କରୋନାରେ ମୃତ୍ୟବରଣ କରିଥିବା ବ୍ୟକ୍ତିଙ୍କ ସମ୍ପର୍କୀୟ ପହଞ୍ଚିଲେ କୋର୍ଟ, ସରକାରଙ୍କୁ ମାଗିଲେ ୧୦ କୋଟି ଡଲାର କ୍ଷତିପୂରଣ

24/12/2020 at 9:43 PM

ନୂଆଦିଲ୍ଲୀ ୨୪/୧୨: କରୋନାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ପରିଜନ ସରକାରଙ୍କୁ ଘେରିଛନ୍ତି। କରୋନାରେ ସମ୍ପର୍କୀୟଙ୍କ ମୃତ୍ୟୁ ହେବା ପରେ ଏନେଇ କ୍ଷତିପୂରଣ ମାଗିଛନ୍ତି। ସରକାରଙ୍କୁ ଦାୟୀ କରି କ୍ଷତିପୂରଣ ବାବଦକୁ ୧୦ କୋଟି ଡଲାର ଦାବି କରିଛନ୍ତି ମୃତକଙ୍କ ସମ୍ପର୍କୀୟ। ଏଭଳି ଏକ ମାମଲା ଇଟାଲିରୁ ସାମ୍ନାକୁ ଆସିଛି। କରୋନାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ପରିଜନ ଇଟାଲିର ପ୍ରଧାନମନ୍ତ୍ରୀ ଓ ସ୍ବାସ୍ଥ୍ୟମନ୍ତ୍ରୀଙ୍କ ବିରୋଧରେ ମକୋଦ୍ଦମା ମଧ୍ୟ କରିଛନ୍ତି ।

ପଶ୍ଚିମୀ ଦେଶଗୁଡ଼ିକ ମଧ୍ୟରେ ପ୍ରଥମେ କରୋନା କୋପ ଇଟାଲି ଉପରେ ଦେଖିବାକୁ ମିଳିଥିଲା। ଚଳିତ ବର୍ଷ ଫେବୃଆରୀରେ କରୋନା ଏଠାରେ ସଂହାରଲୀଳା ଚଳାଇଥିଲା। ହଜାର ହଜାର ଲୋକଙ୍କ ଜୀବନ ନେଇଥିଲା କରୋନା। ଏବେ ସୁଦ୍ଧା ଇଟାଲିରେ ୭୦ ହଜାର ଲୋକ କରୋନା ମହାମାରୀରେ ଜୀବନ ହରାଇଲେଣି। ତେବେ ସରକାରଙ୍କ ଉପରେ କେସ କରିଥିବା ଗ୍ରୁପ୍‌ର ସଭାପତିଙ୍କ କହିବା ଅନୁଯାୟୀ, ଏହା ସେହି ସରକାରୀ ଅଧିକାରୀଙ୍କୁ କ୍ରିସ୍‌ମାସ୍‌ ଗିଫ୍ଟ ଯେଉଁମାନଙ୍କ ପାଖରୁ କିଛି ଭଲ କାମର ଅପେକ୍ଷା ଥିଲା କିନ୍ତୁ ସେମାନେ କଲେ ନାହିଁ।

ତେବେ ମିଳିଥିବା ରିପୋର୍ଟ ଅନୁସାରେ ଇଟାଲିର ହସ୍ପିଟାଲଗୁଡ଼ିକର ଉନ୍ନତ୍ତି ଚାଲିଥିଲା। କରୋନା ନେଇ ଆଲର୍ଟ ଜାରି ହେବା ପରେ ବି ହସ୍ପିଟାଲ ମରାମତି କାମ ସରିନଥିଲା। ଏନେଇ ବିଶ୍ବ ସ୍ବାସ୍ଥ୍ୟ ସଂଗଠନ ଓ୍ବେବସାଇଟ୍‌ରେ ଉଲ୍ଲେଖ ଥିଲେ ବି ଏହାକୁ ପରବର୍ତ୍ତୀ ମୁହୂର୍ତ୍ତରେ ହଟାଇ ଦିଆଯାଇଥିଲା। କିଛି ଭୁଲ ତଥ୍ୟ ପାଇଁ ଏହାକୁ ହଟାଇ ଦିଆଯାଇଛି ବୋଲି ଡବ୍ଲୁଏଚ୍‌ଓ ପକ୍ଷରୁ କୁହାଯାଇଥିଲା। କେସ୍‌ କରିଥିବା ଗ୍ରୁପ୍‌ର ଅଭିଯୋଗ ଅନୁସାରେ, ଯଦି ପ୍ରଶାସନ ତତ୍କାଳ କିଛି ପଦକ୍ଷେପ ନେଇଥାନ୍ତା ତେବେ ଦେଶବ୍ୟାପୀ କରୋନା ସ୍ଥିତି ଏଭଳି ହୋଇନଥାନ୍ତା କି ଆର୍ଥିକ ସଂକଟ ଭଳି ପରିସ୍ଥିତି ଉପୁଜିନଥାନ୍ତା।

   Related Posts