vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

କରୋନା ଯୋଗୁଁ ଗଲ୍ଫ ଦେଶରେ ପ୍ରାଣ ହରାଉଥିବା ଶ୍ରମିକମାନଙ୍କ କରୁଣ କାହାଣୀ : ଅନ୍ତିମ ସଂସ୍କାର ପାଇଁ ମଧ୍ୟ କେହି ନାହାନ୍ତି

24/04/2020 at 10:57 AM

ଦୁବାଇ ୨୪/୦୪ : ମହାମାରୀ କରୋନାରେ ଦେଶରେ ଓ ଦେଶ ବାହାରେ ଅନେକ ଲୋକ ପ୍ରାଣ ହରାଉଛନ୍ତି | ବିଦେଶରେ ମଧ୍ୟ ଅନେକ ଶ୍ରମିକ କରୋନା ଯୋଗୁଁ ପ୍ରାଣ ହରାଉଛନ୍ତି | ତେବେ ବିଦେଶରେ ପ୍ରାଣ ହରାଇଥିବା ପ୍ରବାସୀ ଶ୍ରମିକଙ୍କ ଅନ୍ତିମ ସଂସ୍କାର କରିବା ପାଇଁ କେହି ନାହାନ୍ତି | ଗଲ୍ଫ ଦେଶରେ ଏହିଭଳି ଅନେକ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି | କରୋନା ମହାମାରୀରେ ବିଦେଶରେ ପ୍ରାଣ ହରାଇଥିବା ଅନେକ ଶ୍ରମିକଙ୍କ ଦୁଖଦ କାହାଣୀ ଦେଖିବାକୁ ମିଳିଛି | ସ୍ମଶାନ ବାହାରେ ଜଣେ ଶ୍ରମିକଙ୍କ ଶବ ଆମ୍ବୁଲାନ୍ସରେ ରଖାଯାଇଥିଲା | ଆମ୍ବୁଲାନ୍ସ ଅପେକ୍ଷାରେ ଥିଲା ଯେ ମୃତକଙ୍କ କେହି ବନ୍ଧୁ ବା ପରିଜନ ଆସି ତାଙ୍କର ଅନ୍ତିମ ସଂସ୍କାର କରିବେ | କିନ୍ତୁ ପାଖପାଖି ଘଣ୍ଟେ ପର୍ଯ୍ୟନ୍ତ ଅପେକ୍ଷା କରିବା ପରେ ମଧ୍ୟ କେହି ଆସିନଥିଲେ | ଶେଷରେ ରାକ୍ଷାତ୍ମକ ପୋଷାକ ପିନ୍ଧି କର୍ମଚାରୀ ହିଁ ତାଙ୍କର ଶେଷ କ୍ରିୟା କରିଥିଲେ | ୪ଜଣ କର୍ମଚାରୀ ଏକ ଧଳା ପ୍ଲାଷ୍ଟିକ ବ୍ୟାଗରେ ଶ୍ରମିକଙ୍କ ଶବକୁ ଗୁଡ଼ାଇ ଆମ୍ବୁଲାନ୍ସରୁ ବାହାର କରି ତାକୁ କଫିନରେ ରଖି ଶେଷ କ୍ରିୟା ସମ୍ପନ୍ନ କରିଥିଲେ |

ସଂଯୁକ୍ତ ଆରବ ଅମିରାତ ଓ ଅନ୍ୟାନ୍ୟ ଗଲ୍ଫ ଦେଶରେ ଲେଖା ଲକ୍ଷ ବିଦେଶୀ ଚାକିରୀ କରୁଛନ୍ତି | ଏମାନେ ଏହି ଦେଶର ହସ୍ପିଟାଲ, ବ୍ୟାଙ୍କ, କାରଖାନା ଓ ନିର୍ମାଣ କ୍ଷେତ୍ରରେ କାମ କରନ୍ତି | ଅନେକ ଲୋକ ନିଜ ପରିବାରର ଆର୍ଥିକ ସମସ୍ୟା  ସୁଧାରିବା ପାଇଁ ବର୍ଷ ବର୍ଷ ଧରି କାମ କରୁଛନ୍ତି | ଅନେକ ଲୋକ ଏହି ଆଶା ନେଇ କାମ କରୁଛନ୍ତି ଯେ ଦିନେ ନିଜ ଦେଶକୁ ଫେରିଯିବେ ଏବଂ ସେଠାରେ ନିଜର ବ୍ୟବସାୟ ଆରମ୍ଭ କରିପାରିବେ | କିନ୍ତୁ କରୋନା ରୁପି ମହାମାରୀ ଏମିତି ଅନେକ ଲୋକଙ୍କ ସ୍ବପ୍ନ ପୁରା ହେବ ଆଗରୁ ଚୁରମାର କରିଦେଇଛି | ମହାମାରୀରେ ପ୍ରାଣ ହରାଉଥିବା ବ୍ୟକ୍ତିଙ୍କ ଶବ ଘରକୁ ନିଆଯାଇନାହିଁ | ଶବର ଦାହ ସଂସ୍କାର କିମ୍ବା ଶେଷ କ୍ରିୟା ସେହି ଦେଶରେ କରିବାକୁ ପଡିଥାଏ ଯେଉଁଠାରେ ତାଙ୍କର ମୃତ୍ୟୁ ହୋଇଥାଏ |

ଦକ୍ଷିଣ ଦୁବାଇ ସ୍ଥିତ ହିନ୍ଦୁ ଶବଦାହ ଗୃହର ପ୍ରବନ୍ଧକ ଈଶ୍ୱର କୁମାର କହିଛନ୍ତି ଯେ, ମାହାରୀ ଯୋଗୁଁ ବହୁତ କିଛି ପରିବର୍ତ୍ତନ ହୋଇଛି | ବର୍ତ୍ତମାନ ଶବ ସହ କେହି ଆସୁନାହାନ୍ତି | କେହି ଶବକୁ ଛୁଅନ୍ତି ନାହିଁ | ଆଣ୍ଟି,ଏ ବିଦାୟ ଦେବା ପାଇଁ ମଧ୍ୟ କେହି ଆସନ୍ତି ନାହିଁ | କିନ୍ତୁ ପୂର୍ବରୁ କାହାର ମୃତ୍ୟୁ ହେଲେ ପାଖାପାଖି ୨୦୦ ରୁ ୩୦୦ ଲୋକ ଶବ ଦାହ ପାଇଁ ଆସୁଥିଲେ ଏବଂ ଶ୍ରଦ୍ଧାଞ୍ଜଳି ଦେଉଥିଲେ | କିନ୍ତୁ ଏବେ କେହି ଆସୁନାହାନ୍ତି ବୋଲି ସେ କହିଥିଲେ | ଶବ ଦାହ ଗୃହରେ ଦୁବାଇରେ ଏକ ଟୁରିଷ୍ଟ କମ୍ପାନୀ ସହ ଜଡିତ ଥିବା ଜଣେ ୫୦ ବର୍ଷ ବୟସ୍କ ଭାରତୀୟ ନାଗରିକ ଏବଂ ଫିଲିପାଇନର ୪୦ ବର୍ଷ ବୟସ୍କ ସୌନ୍ଦର୍ୟ ବିଶେଷଜ୍ଞଙ୍କ ଅନ୍ତିମ ସଂସ୍କାର ହୋଇଥିଲା | ସ୍ୱାସ୍ଥ୍ୟ ମନ୍ତ୍ରାଳୟ ଅନୁଯାୟୀ ଗଲ୍ଫ ଦେଶରେ କରୋନା ଯୋଗୁଁ ଏବେ ଯାଏଁ ୧୬୬ ଜଣଙ୍କ ମୃତ୍ୟୁ ହୋଇଛି | ୨୬ ହଜାର ୬୦୦ ଜଣ ସଂକ୍ରମଣର ଶିକାର ହୋଇଥିବା ମାମଲାରେ ଅଧିକାଂଶ ଭାରତୀୟ, ପାକିସ୍ତାନୀ, ନେପାଳୀ, ବଙ୍ଗଳାଦେଶୀ ଏବଂ ଫିଲିପାଇନର ନାଗରିକ ଅଛନ୍ତି |

   Related Posts