ବାଲେଶ୍ୱର ୦୬।୦୬ : ବାହାନଗାରେ ଗଡିଲା କରମଣ୍ଡଳ । ବାଲେଶ୍ୱର ଜିଲ୍ଲା ବାହାନଗା ଷ୍ଟେସନ ଦେଇ ପାସ୍‌ କଲା କରମଣ୍ଡଳ ଟ୍ରେନ୍‌ । ଚେନ୍ନାଇରୁ ବାହାରି ଶାଲିମାର ଯାଉଛି କରମଣ୍ଡଳ ଟ୍ରେନ୍‌ । ଏହି ସମୟରେ ଟ୍ରେନ୍‌ର ଗତି ଖୁବ୍‌ କମ ଥିଲା ।

ଖବର ଅନୁଯାୟୀ, ଗତ ଶୁକ୍ରବାର ଦିନ ସଂଧ୍ୟା ସମୟରେ କରମଣ୍ଡଳ ସହ ତିନୋଟି ଟ୍ରେନ୍‌ର ବାହାନଗା ଷ୍ଟେସନ ନିକଟରେ ଦୁର୍ଘଟଣା ଘଟିଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ, ଏବେ ସୁଦ୍ଧା ୨୭୫ଜଣଙ୍କ ମୃତ୍ୟୁ ହୋଇଥିବା ବେଳେ ୧ ହଜାରରୁ ଅଧିକ ଲୋକ ଆହତ ହୋଇଛନ୍ତି । ଯେଉଁମାନେ ବିଭିନ୍ନ ମେଡିକାଲରେ ଭର୍ତ୍ତି ହୋଇଛନ୍ତି ।

ତେବେ ଦୁର୍ଘଟଣାରେ ପୁରା ଟ୍ରେନ୍‌ ଲାଇନ୍‌ ଛାରଖାର୍ ହୋଇଥିଲା । ଦୀର୍ଘ ୫୧ ଘଣ୍ଟାର ଟ୍ରାକ୍‌ ମରାମତି ପରେ ରବିବାର ରାତିରେ ପ୍ରଥମେ ମାଲବାହୀ ଟ୍ରେନ୍‌ ଗଡିଥିଲା । ଏହାପରେ ସୋମବାର ଦିନ ତିନୋଟି ଟ୍ରେନ୍‌ ସେହି ଟ୍ରାକରେ ଚାଲିଥିଲା । ଆଉ ଏବେ ବାହାନଗା ଷ୍ଟେସନ ଦେଇ ପାସ୍‌ କରିଛି କରମଣ୍ଡଳ ଟ୍ରେନ୍‌ । ଚେନ୍ନାଇରୁ ବାହାରି ଶାଲିମାର ଯାଉଛି କରମଣ୍ଡଳ ଟ୍ରେନ୍‌ ।