vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

ବସ୍ତିରେ କାୟା ମେଲାଇଛି କରୋନା, ଚିହ୍ନଟ ହେଉଛନ୍ତି ପୁଳା ପୁଳା ସଂକ୍ରମିତ : ୩ ହଜାର ଟପିଲା ଆକ୍ଟିଭ୍‌ କେସ୍‌

26/08/2020 at 11:34 AM

ଭୁବନେଶ୍ୱର ୨୬।୦୮: ଓଡିଶାରେ କରୋନା ସ୍ଥିତି ସାଙ୍ଗାତିକ ରହିଛି । ଖାସ୍‌ କରି ଖୋର୍ଦ୍ଧା ଜିଲ୍ଲା ଓ ରାଜଧାନୀରେ ସଂକ୍ରମଣ ସଂଖ୍ୟା ଚିନ୍ତାଜନକ ରହିଛି । ରାଜଧାନୀ ସଂକ୍ରମଣ ଦିନକୁ ଦିନ ଉପରମୁହାଁ ହୋଇଚାଲିଛି । ସଂକ୍ରମିତଙ୍କ ସଂଖ୍ୟା ବେକାବୁ ହୋଇ ମାଡୁଛି । ମଙ୍ଗଳବାର ସକ୍ରିୟ ରୋଗୀ(ଆକ୍ଟିଭ୍‌ କେସ୍‌) ସଂଖ୍ୟା ୩ହଜାର ଡେଇଁଛି । କଟକ ଓ ଗଞ୍ଜାମ ଭଳି ଜିଲ୍ଲାଠାରୁ ବି ଭୁବନେଶ୍ୱରରେ ଅଧିକ ସକ୍ରିୟ ରୋଗୀ ଅଛନ୍ତି । ମୋଟ ସଂକ୍ରମିତ ସଂଖ୍ୟା ୭୯୩୧ରେ ପହଞ୍ଚିଛି । ଆଜି ଆଉ ଜଣଙ୍କର କରୋନାରେ ମୃତ୍ୟୁ ହୋଇଥିବା ବିଏମ୍‌ସି ପକ୍ଷରୁ ସୂଚନା ଦିଆଯାଇଛି।

ଅଗଷ୍ଟ ୩୧ ତାରିଖ ସୁଦ୍ଧା ରାଜଧାନୀରେ ୩୪୨୯ ସକ୍ରିୟ ରୋଗୀ ଥିବେ । ଗତ ଶନିବାର ବିଏମ୍‌ସି କମିଶନର ପ୍ରେମଚନ୍ଦ୍ର ଚୌଧୁରୀ ଏଭଳି ଆକଳନ କରିଥିଲେ । କିନ୍ତୁ ସକ୍ରିୟ ରୋଗୀ ସଂଖ୍ୟା ଯେଉଁ ହାରରେ ବଢୁଛି ତାହା ବିଏମ୍‌ସି ଆକଳନଠାରୁ ଟପିଯିବ । ଆଜି ଦିନକରେ ସକ୍ରିୟ ରୋଗୀ ସଂଖ୍ୟାରେ ୧୬୮ଜଣ ଯୋଡି ହୋଇଛନ୍ତି । ରାଜଧାନୀର ସକ୍ରିୟ ରୋଗୀ ସଂଖ୍ୟା ୩୧୬୨ରେ ପହଞ୍ଚିଛି । ଏହି ରୋଗୀଙ୍କ ଭିତରୁ ଅନେକ ହସ୍ପିଟାଲ ବା କୋଭିଡ୍‌ କେୟାର ସେଣ୍ଟରରେ ରହି ଚିକିତ୍ସିତ ହେଉଥିବାବେଳେ ବାକି ହୋମ୍‌ ଆଇସୋଲେସନ୍‌ରେ ଅଛନ୍ତି ।
ଗଞ୍ଜାମ ଜିଲ୍ଲାରେ ମଙ୍ଗଳବାର ସୁଦ୍ଧା ୧୮୭୦ଜଣ ସକ୍ରିୟ ରୋଗୀ ଥିଲେ । କଟକରେ ୨୩୯୯ ଓ ରାୟଗଡାରେ ୧୪୭୫ ସକ୍ରିୟ ରୋଗୀ ଅଛନ୍ତି । କିନ୍ତୁ ଭୁବନେଶ୍ୱର ସମସ୍ତଙ୍କୁ ଟପି ଏହି ରୋଗୀ ସଂଖ୍ୟା ତାଲିକାରେ ଉପରେ ରହିଛି । ଖୋର୍ଦ୍ଧା ଜିଲ୍ଲାରେ ମୋଟ ୫୫୨୭ ସକ୍ରିୟ ରୋଗୀ ସଂଖ୍ୟା ଥିବାବେଳେ ଏହାର ୫୭ପ୍ରତିଶତ କେବଳ ଭୁବନେଶ୍ୱରରୁ ବାହାରିଛନ୍ତି ।

ସେହିଭଳି ରାଜଧାନୀରୁ ୩୩୨ ନୂଆ ସଂକ୍ରମିତ ବାହାରିଛନ୍ତି । ଏଥିରୁ ୧୭୩ଜଣ କ୍ୱାରେଣ୍ଟାଇନ୍‌ରେ ଥିଲେ ବୋଲି ବିଏମ୍‌ସି ଦର୍ଶାଇଛି । ବାକି ୧୫୯ଜଣ ସ୍ଥାନୀୟ ସଂକ୍ରମିତ । ସପ୍ତମ ବାଟାଲିୟନରୁ ଆଉ ୧୩ଜଣ ପୁଲିସ ଓ ପୁଲିସ ସିକ୍ୟୁରିଟି ୱିଙ୍ଗରୁ ୨ଜଣ ପଜିଟିଭ୍‌ ଚିହ୍ନଟ ହୋଇଛନ୍ତି । ଭରତପୁରରୁ ୬, ମଧୁସୂଦନନଗରରୁ ୨, ନୂଆପଲ୍ଲୀରୁ ୭, କଳିଙ୍ଗନଗରରୁ ୪, ଜଗନ୍ନାଥ ବସ୍ତିରୁ ୩, ସାଲିଆ ସାହିରୁ ୪, ମଞ୍ଚେଶ୍ୱରରୁ ୩, ବରମୁଣ୍ଡାରୁ ୩, ସତ୍ୟନଗରରୁ ୩ଜଣ ସଂକ୍ରମିତ ବାହାରିଛନ୍ତି । ନିର୍ବାଚନ ଆୟୋଗଙ୍କ ଅଫିସ୍‌ରୁ ୨, ୟୁନିଟ-୬ରୁ ୨, ୟୁନିଟ-୮ରୁ ୨, ଖାରବେଳନଗରରୁ ୩, ଚନ୍ଦ୍ରଶେଖରପୁର ବିଡିଏ କଲୋନୀରୁ ୩, ନୀଳ୍ରାଦ୍ରିବିହାରରୁ ୩, ସୌଭାଗ୍ୟନଗରରୁ ୩, ସତ୍ୟନଗରରୁ ୨ଜଣ ସ୍ଥାନୀୟ ସଂକ୍ରମିତ ଧରା ପଡିଛନ୍ତି । ବସ୍ତି ଅଞ୍ଚଳରୁ ପୁଳା ପୁଳା ସଂକ୍ରମିତ ବାହାରିଛନ୍ତି । ସାଲିଆ ସାହି, ସୁବାସନଗର, ଶିରିପୁର ଶବର ସାହି, ସାଇନା ଶ୍ରମିକ, ଦୁର୍ଗା ବସ୍ତି ଓ ବେହେରା ସାହି ବସ୍ତିରୁ ୫୦ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସହରରେ ଆଜିସୁଦ୍ଧା ମୋଟ ୩୩ଜଣଙ୍କର ମୃତ୍ୟୁ ହୋଇଛି । ମଙ୍ଗଳବାର ରାଜଧାନୀରୁ ଆଉ ୧୭୩ ଜଣ ସୁସ୍ଥ ହୋଇଛନ୍ତି । ସହରରେ ଆଜିସୁଦ୍ଧା ମୋଟ ୪୭୨୬ ଜଣ ସୁସ୍ଥ ହୋଇଛନ୍ତି । ସୁସ୍ଥ ହାର ୫୯ ପ୍ରତିଶତ ରହିଛି । ରାଜଧାନୀରେ ସୁସ୍ଥ ହାର ୬୦ରୁ ୬୫ ପ୍ରତିଶତ ରହୁଥିବାବେଳେ ଏବେ ସୁସ୍ଥ ହାର ଖସୁଛି ।

ବସ୍ତିରେ ସଂକ୍ରମଣ ପୁଣି ଡରାଇଛି । ମଙ୍ଗଳବାର ଦିନକରେ ବସ୍ତି ଅଞ୍ଚଳରୁ ୫୦ ସଂକ୍ରମିତ ବାହାରିଛନ୍ତି । ଏହାକୁ ନେଇ ପୁଣି ଭୟ ବଢିଛି । ସଂକ୍ରମଣ ଦୃଷ୍ଟିରୁ ବସ୍ତି ଅଞ୍ଚଳ ସମ୍ବେଦନଶୀଳ ହୋଇଥିବାରୁ ଦିନକରେ ଏତେ ସଂଖ୍ୟାରେ ସଂକ୍ରମିତ ବାହାରିବା ଚିନ୍ତାର କାରଣ ପାଲଟିଛି । ସାଲିଆ ସାହିରୁ ପୁଣି ୭ ସଂକ୍ରମିତ ବାହାରିଛନ୍ତି । ସାଲିଆ ସାହି ତାରିଣୀନଗରରୁ ଜଣେ, ଆଦିବାସୀଗାଁରୁ ୪ଜଣ ଓ ଶ୍ରୀରାମନଗରରୁ ଜଣେ ସଂକ୍ରମିତ ବାହାରିଛନ୍ତି । ୬ଜଣ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବାବେଳେ ବାକି ଜଣେ ସ୍ଥାନୀୟ ସଂକ୍ରମିତ । ସେହିଭଳି ଜଗନ୍ନାଥ ବସ୍ତିରୁ ୩, ବାଣୀବିହାର ପଥରବନ୍ଧ ବସ୍ତିରୁ ୨ଜଣ, ବାଲିପଟା ବସ୍ତିରୁ ଜଣେ, ସୁବାସନଗର ବସ୍ତିରୁ ଜଣେ, ମହାବୀର ବସ୍ତିରୁ ୨ ଓ ନୀଳାଦ୍ରିବିହାର ସୀତାନାଥ ବସ୍ତିରୁ ଦୁଇ ଜଣ ସଂକ୍ରମିତ ବାହାରିଛନ୍ତି । ବାପୁଜୀନଗର କେଦାରପଲ୍ଲୀ ବସ୍ତି, ନୂଆପଲ୍ଲୀ ତ୍ରିନାଥ ନଗର ବସ୍ତି, ମଞ୍ଚେଶ୍ୱର ଝରଣା ବସ୍ତି, ବେହେରା ସାହି ବସ୍ତି, ସାଇନା ଶ୍ରମିକ ବସ୍ତି, ଶିରିପୁର ଶବର ସାହି, ଦୁର୍ଗାବସ୍ତିରୁ ସଂକ୍ରମିତ ଧରାପଡ଼ିଛନ୍ତି ।

   Related Posts