scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କଂଗ୍ରେସ ଆଇଟି ସେଲର ଅଭିଷେକ ମିଶ୍ରଙ୍କୁ ଗିରଫ କଲା ଦିଲ୍ଲୀ ପୋଲିସ

24/01/2019 at 1:47 PM

ଦିଲ୍ଲୀ ୨୪/୧ : ମଧ୍ୟପ୍ରଦେଶର ପ୍ରସିଦ୍ଧ ୟୁଟ୍ୟୁବର ଅଭିଷେକ ମିଶ୍ର ଗିରଫ ହୋଇଛନ୍ତି | ଏକ ଅଭିଯୋଗ ଆଧାରରେ ଦିଲ୍ଲୀ ପୋଲିସ ଅଭିଷେକଙ୍କୁ ଗିରଫ କରିଛି | ଅଭିଷେକ ମିଶ୍ର ସୋସିଆଲ ମିଡ଼ିଆରେ ଗୃହମନ୍ତ୍ରୀ ରାଜନାଥ ସିଂଙ୍କ ବିରୋଧରେ ଲେଖିଥିବା ଅଭିଯୋଗ ହୋଇଥିଲା | ଏହି ଅଭିଯୋଗକ୍ରମେ ଦିଲ୍ଲୀ ପୋଲିସ ଅଭିଷେକଙ୍କୁ ଗିରଫ କରିଛି | ଅଭିଷେକ ମିଶ୍ର ଜଣେ ପ୍ରସିଦ୍ଧ ୟୁଟ୍ୟୁବର ହେବା ସହ କଂଗ୍ରେସ ଆଇଟି ସେଲର ମଧ୍ୟ ଜଣେ ସଦସ୍ୟ |

ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲନାଥ ସ୍ୱିଜରଲାଣ୍ଡ ଦାବୋଷରେ ଚାଲୁଥିବା ଇକୋନୋମିକ ଫୋରମରେ ଯୋଗ ଦେଇଛନ୍ତି | ସ୍ୱିଜରଲାଣ୍ଡରେ ଥାଇ କମଲନାଥ ରାଜ୍ୟ ପୋଲିସକୁ ଦିଲ୍ଲୀ ପୋଲିସ ସହ ଯୋଗାଯୋଗ କରିବା ପାଇଁ ନିର୍ଦେଶ ଦେଇଥିଲେ | ମଧ୍ୟପ୍ରଦେଶ ସରକାର ଅଭିଷେକ ମିଶ୍ରଙ୍କୁ ଦିଲ୍ଲୀ ପୋଲିସ ଦ୍ୱାରା ଗିରଫ କରିବା ପରେ ଦିଲ୍ଲୀ ନେବାପାଇଁ ଆପତ୍ତି ଦର୍ଶାଇଥିଲେ |

ସୂଚନାଯୋଗ୍ୟ ଯେ, ଅଭିଷେକ ମିଶ୍ର ସୋସିଆଲ ମିଡ଼ିଆରେ ସବୁବେଳେ ଆକ୍ଟିଭ ରହନ୍ତି | ବହୁତ ଆଗରୁ ଅଭିଷେକ ଭିଡିଓ ପ୍ରସ୍ତୁତ କରି ୟୁଟ୍ୟୁବରେ ଅପଲୋଡ଼ କରନ୍ତି | ତାଙ୍କର ୟୁଟ୍ୟୁବ ଭିଡିଓ ମଧ୍ୟ ଲୋକେ ବହୁତ ପସନ୍ଦ କରିଥାନ୍ତି | ଏହାସହ ଟ୍ୱିଟର, ଫେସବୁକରେ ମଧ୍ୟ କେନ୍ଦ୍ର ସରକାର, ମୋଦି ଏବଂ ଶିବରାଜ ଚୌହାନଙ୍କୁ ଅଧିକାଂଶ ସମୟରେ ଟାର୍ଗେଟ କରିଥାନ୍ତି ଅଭିଷେକ | ରାଜ୍ୟର ଗୃହ ବିଭାଗ ଦିଲ୍ଲୀ ପୋଲିସ କମିଶନରଙ୍କୁ ଚିଠି ଲେଖି ଏନେଇ ଆପତ୍ତି ଦର୍ଶାଇଥିଲେ | ଦିଲ୍ଲୀ ପୋଲିସ ଅଭିଷେକଙ୍କୁ ଗିରଫ କରିବା ଘଟଣାକୁ ସର୍ବୋଚ୍ଚ ନ୍ୟାୟାଳୟଙ୍କ ନିୟମ ଉଲଂଘନ କରିଥିବା ରାଜ୍ୟ ସରକାର ଦର୍ଶାଇଛନ୍ତି |

ଅଭିଷେକ ମିଶ୍ରଙ୍କ ଘର ଭୋପାଲର କୋହେଫିଯ ସ୍ଥିତ ରାଜୀବ ନଗର-୧୧୧ ଏନଆରଇ କଲୋନୀରୁ ତାଙ୍କୁ କିଛି ଅଜ୍ଞାତ ଲୋକ ଉଠାଇ ନେଇଯାଇଥିଲେ | ସେବେଠାରୁ ଅଭିଷେକଙ୍କ କୌଣସି ସୂଚନା ମିଳୁନଥିଲା | ତାଙ୍କ ମୋବାଇଲ ମଧ୍ୟ ବନ୍ଦ ରହିଥିଲା | ମଧ୍ୟପ୍ରଦେଶ ପୋଲିସ ଅଭିଷେକ ଗାୟବ ହୋଇଯିବା ନେଇ ଖୋଳତାଡ କରିଥିଲା । ଷେଶରେ ଅଭିଷେକ ମିଶ୍ରଙ୍କ ସମ୍ପର୍କରେ ତାଙ୍କ କମ୍ପାନୀର ସୋସିଆଲ ମିଡ଼ିଆର ନିର୍ଦେଶକ ଅଂଶୁମାନ ସିଂ ଙ୍କଠୁ ସୂଚନା ମିଳିଥିଲା | ସେ କହିଛନ୍ତି ଯେ, ଅଭିଷେକ ମିଶ୍ରଙ୍କୁ ୨୨ ତାରିଖରେ ଦିଲ୍ଲୀ ପୋଲିସର ସାଇବର କ୍ରାଇମ ୟୁନିଟ ସ୍ପେସାଲ ସେଲ ନିରୀକ୍ଷକ ପ୍ରବୀଣ କୁମାର  ଗିରଫ କରିଛନ୍ତି|

ମଧ୍ୟପ୍ରଦେଶ ସରକାରଙ୍କ ଗୃହ ବିଭାଗ ଦିଲ୍ଲୀ ପୋଲିସ କମିଶନରଙ୍କୁ ଚିଠି ଲେଖିଥିଲେ ଯେ, ଅଭିଷେକଙ୍କ ଗିରଫକୁ ନେଇ ସ୍ଥାନୀୟ ପୋଲିସକୁ ସୂଚନା ଦିଆଯାଇନଥିଲା | ଯାହାଫଳରେ ଅଭିଷେକଙ୍କୁ ଅପହରଣ କରାଯାଇଥିବା ସନ୍ଦେହ ହେଉଛି | ନିୟମ ଉଲଂଘନ କରିଥିବା ହେତୁ ଦିଲ୍ଲୀ ପୋଲିସ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ରାଜ୍ୟ ବୋଲି ଗୃହ ବିଭାଗ କହିଛି |

   Related Posts