scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଟାଉନ ହଲ୍ କାର୍ଯ୍ୟକ୍ରମରେ ବିଭିନ୍ନ ପ୍ରଶ୍ନର ଉତ୍ତର ଦେଉଛନ୍ତି ରାହୁଲ ଗାନ୍ଧି ; କହିଲେ ମୋଦି ଲୁଟିଛନ୍ତି ୩୦ହଜାର କୋଟି

25/01/2019 at 12:39 PM

ଭୁବନେଶ୍ବର ୨୫|୧: ଓଡିଶାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ହୋଟେଲ୍ ମେ ଫେୟାରରେ ଟାଉନ୍ ହଲ୍ କାର୍ଯ୍ୟକ୍ରମରେ ଯୋଗଦେଇଛନ୍ତି ରାହୁଲ ଗାନ୍ଧି । ଏହି କାର୍ଯ୍ୟକ୍ରମରେ ବୁଦ୍ଧିଜୀବୀ, ପ୍ରତିଷ୍ଠିତ ବ୍ୟକ୍ତି, ଛାତ୍ର, ଯୁବ ବର୍ଗ ଯୋଗଦେଇଛନ୍ତି । ଏହି ଅବସରରେ କଂଗ୍ରେସ କ୍ଷମତାକୁ ଆସିଲେ ମଧ୍ୟବିତ୍ତ ଶ୍ରେଣୀର ଲୋକଙ୍କ ପାଇଁ କଣ କରିବ ବୋଲି ଏକ ପ୍ରଶ୍ନର ଉତ୍ତରରେ ରାହୁଲ କହିଛନ୍ତି କଂଗ୍ରେସ ମଧ୍ୟବିତ୍ତ ଶ୍ରେଣୀର ଲୋକଙ୍କ ପାଇଁ କାମ କରିଛି । ୧୯୯୦-୨୦୧୪ ମଧ୍ୟରେ ଯେବେବି କଂଗ୍ରେସ କ୍ଷମତାକୁ ଆସିଛି ଦେଶର ମଧ୍ୟବିତ୍ତ ଶ୍ରେଣୀ ଲୋକଙ୍କ ପାଇଁ କାମ କରିଛି । ସେଥି ମଧ୍ୟରୁ ଉଦାରୀକରଣ ବ୍ୟବସ୍ଥା ଅନ୍ୟତମ । ଉଦାରୀକରଣ ବ୍ୟବସ୍ଥା ଫଳରେ ଦେଶ ମଧ୍ୟବିତ୍ତ ଶ୍ରେଣୀ ଲୋକମାନେ ଉପକୃତ ହୋଇଛନ୍ତି  । କଂଗ୍ରେସ କ୍ଷମତାକୁ ଆସିଲେ ଶିକ୍ଷା ଏବଂ ସ୍ବାସ୍ଥ୍ୟ ବ୍ୟବସ୍ଥା କିଭଳି ମଧ୍ୟବିତ୍ତ ଶ୍ରେଣୀ ପାଇଁ ସୁଲଭ ହୋଇପାରିବ ତା ଉପରେ ଧ୍ୟାନ ଦେବ ।

ଏହି ଅବସରରେ ମୋଦିଙ୍କୁ ଟାର୍ଗେଟ୍ କରିଛନ୍ତି ରାହୁଲ । ମୋଦି ଦେଶର ୩୦ ହଜାର କୋଟି ଟଙ୍କା ଲୁଟିଛନ୍ତି । ଆରଏସଏସ ବିଜେପିକୁ ନିୟନ୍ତ୍ରଣ କରୁଛି । ଅନୀଲ ଅମ୍ବାନୀ ଭଳି ଲୋକଙ୍କ ପାଇଁ ଏ ସରକାର କାମ କରୁଛି ବୋଲି ରାହୁଲ କହିଛନ୍ତି । ୯ହଜାର କୋଟି ଟଙ୍କା ବିଜୟ ମାଲ୍ୟା ଲୁଟି କରିଛନ୍ତି ଏହି ସରକାର ସମୟରେ । ବିଜେପି ଓ ବିଜେଡିର ମଡେଲ ସମାନ । ବ୍ୟୁରୋକ୍ରାଟଙ୍କ ଦ୍ବାରା ଏସବୁ ଦଳ ପରିଚାଳିତ । ଚାଷୀ ଦେଶର ମେରୁଦଣ୍ଡ । କିନ୍ତୁ ସେମାନଙ୍କ ପାଇଁ ଏ ସରକାର କିଛି କରିନାହାନ୍ତି ବୋଲି ବିଭିନ୍ନ ପ୍ରଶ୍ନର ଉତ୍ତରରେ ରାହୁଲ କହିଛନ୍ତି ।

   Related Posts