ନୂଆଦିଲ୍ଲୀ: ସଂସଦରେ ଅନାସ୍ଥା ପ୍ରସ୍ତାବ ଉପରେ ଚର୍ଚ୍ଚ ସମୟରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ଫ୍ଲାଇଂ କିସ୍ ବିବାଦରେ ଏବେ ନୂଆ ବିବାଦ ଯୋଡି ହୋଇଛି । ବିହାରର କଂଗ୍ରେସ ବିଧାୟକ ନୀତୁ ସିଂ ଏକ ଆପତ୍ତିଜନକ ବୟାନ ଦେଇଛନ୍ତି । ସେ କହିଛନ୍ତି ଯେ ଫ୍ଲାଇଂ କିସ୍ ଦେବା ଲାଗି ରାହୁଲ ଗାନ୍ଧୀଙ୍କ ପାଖରେ ଝିଅଙ୍କ ଅଭାବ ନାହିଁ । ଯଦି ସେ କାହାକୁ ଫ୍ଲାଇଂ କିସ୍ ଦେବାକୁ ଚାହିଁବେ ତେବେ ସେ ସ୍ମୃତି ଇରାନୀଙ୍କ ପରି ୫୦ ବର୍ଷୀୟ ବୁଢିଙ୍କୁ କାହିଁକି ଦେବେ ?

ପଢନ୍ତୁ: ରାହୁଲ ଗାନ୍ଧୀଙ୍କ ଫ୍ଲାଇଂ କିସ୍ ଉପରେ ବିବାଦ, ବାଚସ୍ପତିଙ୍କ ପାଖରେ ପହଞ୍ଚିଲା ମାମଲା

କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ଉପରେ ଆସିଥିବା ଅଭିଯୋଗକୁ ନେଇ ନୱାଦା ଜିଲ୍ଲାର ହିସୁଆ ଆସନରୁ କଂଗ୍ରେସ ବିଧାୟକ ନୀତୁ ସିଂଙ୍କୁ ପ୍ରଶ୍ନ କରାଯାଇଥିଲା । ଏଥିରେ ସେ ବିଜେପି ସରକାରରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ଟାର୍ଗେଟ୍ କରି ଆପତ୍ତିଜନକ ଟିପ୍ପଣୀ କରିଥିଲେ । କଂଗ୍ରେସ ବିଧାୟିକା କହିଥିଲେ- 'ରାହୁଲ ଜୀଙ୍କ ପାଖରେ ଝିଅଙ୍କ ଅଭାବ ନାହିଁ । ଯଦି ତାଙ୍କର ଫ୍ଲାଇଂ କିସ୍ ଦେବାର ଅଛି ତ କୌଣସି ଝିଅକୁ ଦେବେ, ୫୦ ବର୍ଷର ବୁଢିଙ୍କୁ କାହିଁକି ଫ୍ଲାଇଂ କିସ୍ ଦେବେ । ଏହି ସବୁ ଅଭିଯୋଗ ଭିତ୍ତିହୀନ'।

କଂଗ୍ରେସ ବିଧାୟିକାଙ୍କ ଏହି ବୟାନକୁ ନେଇ ଏବେ ବିଜେପି ଆକ୍ରାମକ ହୋଇଛି । ବିଜେପି ନେତାମାନେ ନୀତୁ ସିଂହଙ୍କ ବୟାନକୁ କଡ଼ ଶବ୍ଦରେ ନିନ୍ଦା କରିଛନ୍ତି । ବିଜେପି ମୁଖପାତ୍ର ଗୌରବ ଭାଟିଆ ଏଭଳି ବୟାନକୁ ନିନ୍ଦା କରି ଏହାକୁ ଅତ୍ୟନ୍ତ ଲଜ୍ଜାଜନକ ବୋଲି କହିଛନ୍ତି। ବିଜେପିର ଅନ୍ୟଜଣେ ମୁଖପାତ୍ର ଶହଜାଦ ପୁନାୱାଲା ମଧ୍ୟ କଂଗ୍ରେସ ବିଧାୟିକାଙ୍କ ବୟାନକୁ ନିନ୍ଦା କରିଛନ୍ତି।

Also read: ଲୋକସଭା ଟିଭିରେ ନାହିଁ ରାହୁଲ ଗାନ୍ଧିଙ୍କ ଫ୍ଲାଇଂ କିସ୍‌ ଦୃଶ୍ୟ, ପ୍ରମାଣ ପାଇଁ ଏବେ ଖୋଜା ଯାଉଛି CCTV ଫୁଟେଜ୍