ଦିଲ୍ଲୀ ଯାଇଛନ୍ତି ରାଜ୍ୟ କଂଗ୍ରେସ ମୁଖିଆ ନିରଞ୍ଜନ ପଟ୍ଟନାୟକ । କଂଗ୍ରେସ ସଭାପତି ରାହୁଲ ଗାନ୍ଧୀ ସମୀକ୍ଷା ବୈଠକ କରିବେ । ପିସିସି ନୂଆ ଟିମ୍ କୁ ଦିଆଯାଇଥିବା ଟାସ୍କ୍ ର ସମୀକ୍ଷା କରିବେ । ଦେଢ଼ ମାସ ଭିତରେ ଦିଆଯାଇଥିବା ଟାର୍ଗେଟ୍ ଅନୁଯାୟୀ କାମ ହେଉଛି କି ନାହିଁ ତାହା ସମୀକ୍ଷା କରିବେ । ଏନେଇ ଗତକାଲି ସଂନ୍ଧ୍ୟାରେ ପିସିସି ସଭାପତି ନିରଞ୍ଜନ ପଟ୍ଟନାୟକ, ପ୍ରଭାରୀ ଜିତେନ୍ଦ୍ର ସିଂ, ୩ ଜଣ ଯାକ କାର୍ଯ୍ୟକାରୀ ସଭାପତି ମଧ୍ୟ ଦିଲ୍ଲୀ ଯାଇଛନ୍ତି । ଆଜି ପୂର୍ବାହ୍ନ ୧୧ଟାରେ ବସିବ ସମୀକ୍ଷା ବୈଠକ । ବୈଠକରେ ପୂରା ଟିମ୍ ଉପସ୍ଥିତ ରହିବ । ପିସିସି ଟିମ୍ ମେ ମାସ ଭିତରେ ଜିଲ୍ଲା କମିଟି ମିଟିଂ ସାରିବାକୁ ଲକ୍ଷ୍ୟ ରଖିଥିଲା । ସେହି ଅନୁସାରେ ଗୁରୁବାର ଜଗତସିଂହପୁର ଏବଂ ଶନିବାର ଅନୁଗୋଳ ଜିଲ୍ଲାର ବୈଠକ ଶେଷ ହୋଇଛି । ରାହୁଲ ଗାନ୍ଧୀଙ୍କ ପାଖରେ ଜିଲ୍ଳା କମିଟିର ପୁନର୍ଗଠନ ପ୍ରସ୍ତାବ ରଖିଛି କମିଟି । ୧୫ ଜଣ ଜିଲ୍ଲା ସଭାପତିଙ୍କ ପରିବର୍ତ୍ତନ ପାଇଁ ସୁପାରିଶ କରିଛି ଟିମ୍ । ରାହୁଲ ଗାନ୍ଧୀଙ୍କ ଅନୁମୋଦନ ପରେ ବଦଳିବେ ୧୫ଟି ଜିଲ୍ଲାର ସଭାପତି ।