ନୂଆଦିଲ୍ଲୀ: କ୍ରସ୍ ଭୋଟିଂକୁ ନେଇ କଂଗ୍ରେସର ଚିନ୍ତା ଭିତରେ ହିମାଚଳରେ ରାଜ୍ୟସଭା ନିର୍ବାଚନ ପରିଣାମ ଘୋଷଣା ହୋଇଛି । ବିଜେପି ପ୍ରାର୍ଥୀ ହର୍ଷ ମହାଜାନ ରାଜ୍ୟସଭା ନିର୍ବାଚନ ଜିତିଛନ୍ତି । ରାଜ୍ୟରେ ଶାସକ ଦଳ କଂଗ୍ରେସର ପ୍ରାର୍ଥୀ ଅଭିଷେକ ମନୁ ସିଙ୍ଘଭୀଙ୍କୁ ହରାଇ ବିଜେପି ପ୍ରାର୍ଥୀ ବିଜୟୀ ହୋଇଛନ୍ତି । ଦୁଇ ପ୍ରାର୍ଥୀଙ୍କୁ ୩୪-୩୪ ଭୋଟ ମିଳିଥିଲା । ଏହାପରେ ଡ୍ର' ଅଫ୍ ଲଟ୍ସ କରିବାକୁ ନିଷ୍ପତ୍ତି ନିଆଯାଇଥିଲା । ଏଥିରେ ବିଜେପି ପ୍ରାର୍ଥୀ ବିଜୟୀ ହୋଇଛନ୍ତି । ନିର୍ବାଚନ ପରିଣାମ ସାମନାକୁ ଆସିବା ପରେ ବିଧାୟକମାନେ କ୍ରସ୍ ଭୋଟିଂ କରିଥିବା ସ୍ପଷ୍ଟ ହୋଇଛି ।

wp:html

#WATCH | Rajya Sabha elections | In Shimla, Himachal Pradesh, BJP candidate Harsh Mahajan says, "This is the victory of BJP, of Narendra Modi, of Amit Shah."

State BJP has claimed that their candidate has won the election. pic.twitter.com/yblPkjUTuD

— ANI (@ANI) February 27, 2024

/wp:html

ବିଜେପି ପ୍ରାର୍ଥୀ ହର୍ଷ ମହାଜନ ଆଜି ପର୍ଯ୍ୟନ୍ତ କୌଣସି ନିର୍ବାଚନ ହାରି ନାହାନ୍ତି । ବର୍ତ୍ତମାନ ସମୟରେ ମହାଜନ ବିଜେପିର କୋର ଗ୍ରୁପର ସଦସ୍ୟ ଅଛନ୍ତି । ହର୍ଷ ମହାଜନ ପୂର୍ବତନ ମୁଖ୍ୟମନ୍ତ୍ରୀ ଦିବଙ୍ଗତ ବୀରଭଦ୍ର ସିଂଙ୍କ ଘନିଷ୍ଠଙ୍କ ମଧ୍ୟରୁ ଜଣେ ଥିଲେ ଏବଂ ତାଙ୍କର ପ୍ରମୁଖ ରଣନୀତିକାର ମଧ୍ୟ ଥିଲେ । ହର୍ଷ ମହାଜନ ଚମ୍ୱା ବିଧାନସଭା ଆସନରୁ ତିନି ଥର ବିଧାୟକ ହୋଇଛନ୍ତି ।

ହିମାଚଳ ପ୍ରଦେସର ୬୮ ସଦସ୍ୟ ବିଶିଷ୍ଟ ବିଧାନସଭାରେ କଂଗ୍ରେସ ପାଖରେ ୪୦ ଆସନ ରହିଛି । ଏହାସହ ତିନି ନିର୍ଦଳୀୟ ବିଧାୟକଙ୍କ ସମର୍ଥନ ରହିଛି । କଂଗ୍ରେସ ଦଳର ବରିଷ୍ଠ ନେତା ତଥା ସୁପ୍ରିମକୋର୍ଟ ଆଇନଜୀବୀ ଅଭିଷେକ ମନୁ ସିଙ୍ଘଭୀଙ୍କୁ ମୈଦାନକୁ ଓହ୍ଲାଇଥିଲା । ଅନ୍ୟପଟେ ବିଜେପି ହର୍ଷ ମହାଜନଙ୍କୁ ପ୍ରାର୍ଥୀ କରି ନିର୍ବାଚନକୁ ରୋଚକ କରିଥିଲା ।

Also Read: କ୍ରସ୍ ଭୋଟିଂ ଆଶଂକା ଭିତରେ ସିଏମ୍ ସୁଖୁଙ୍କ ବଡ଼ ଅଭିଯୋଗ, କହିଲେ-ଆମ ବିଧାୟକଙ୍କୁ ଅପହରଣ କରାଯାଇଛି