ଜୟପୁର ୧୩।୬: ବଢିଲା କୋରାପୁଟ ଜିଲ୍ଲା କଂଗ୍ରେସରେ କନ୍ଦଳ । ଜିଲ୍ଲା ସଭାପତି ନିଯୁକ୍ତିକୁ ନେଇ  ଜୟପୁର ବିଧାୟକ ତାରା ପ୍ରସାଦ ବାହିନୀପତି ଓ କୋରାପୁଟ ସାଂସଦ ମୁହାଁମୁହିଁ ହୋଇଛନ୍ତି । ନୂଆ ସଭାପତିଙ୍କ ନିଯୁକ୍ତି ଓ ପୂର୍ବତନ ସଭାପତି ମୀନାକ୍ଷୀ ବାହିନୀପତିଙ୍କୁ ହଟାଯିବା ନେଇ ପ୍ରସଙ୍ଗ ନେଇ ଦିଲ୍ଲୀ ଗଲେ ବିଧାୟକ ତାରାଙ୍କ ସମେତ ମୀନାକ୍ଷୀ ଓ ତାଙ୍କ ସମର୍ଥକ ।

ସାଂସଦଙ୍କ ବିରୋଧରେ ଏଆଇସିସିରେ ଫେରାଦ ହେବେ ବିଧାୟକଙ୍କ ଗୋଷ୍ଠୀ । ଏଥିରେ ରାୟଗଡାର କଂଗ୍ରେସ ନେତା ବି ସାମିଲ ଅଛନ୍ତି । ବିଶାଖାପାଟଣାରୁ ତାରାଙ୍କ ସହ ୮୦ଜଣ ଦିଲ୍ଲୀ ଯାତ୍ରା କରିଥିବା ବେଳେ ରାୟଗଡାରୁ ଟ୍ରେନ୍ ଯୋଗେ ଯାଇଛନ୍ତି ରାୟଗଡାର କଂଗ୍ରେସ ନେତା ଓ କର୍ମୀ ।

କୋରାପୁଟ ଜିଲ୍ଲା କଂଗ୍ରେସର ନୂଆ ସଭାପତି ଭାବେ ଦୁର୍ଗାଶଙ୍କର ସାହୁଙ୍କ ନିଯୁକ୍ତିକୁ ବିରୋଧ କରୁଛନ୍ତି ତାରା ଓ ତାଙ୍କ ସମର୍ଥକ । ଏପରିକି ତାରାଙ୍କ ସମର୍ଥନରେ ଜିଲ୍ଲାର ଅଧିକାଂଶ ବ୍ଲକ୍ ସଭାପତି ଓ ଜଲ୍ଲା ସଭାପତି ଇସ୍ତଫା ଦେଇଥିବା ସୂଚନା ମିଳିଛି ।

You Can Read :