ନୂଆଦିଲ୍ଲୀ ୧।୧୧: କଂଗ୍ରେସର ନବ ନିର୍ବାଚିତ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜ୍ଜୁନ ଖଡଗେ ତାଙ୍କ ଦାୟିତ୍ୱ ଗ୍ରହଣ କରିବାପରେ ସିଧା ନିର୍ବାଚନର ସମ୍ମୁଖୀନ ହୋଇଛନ୍ତି।  ଏଣୁ ଅହ୍ୱାନକୁ ଦୃଷ୍ଟିରେ ରଖି ହିମାଚଳ ଓ ଗୁଜରାଟ ନିର୍ବାଚନ ଲାଗି ରଣନୀତି ପ୍ରସ୍ତୁତ କରିଛନ୍ତି। ରଣନୀତି ଅନୁସାରେ ଗୁଜରାଟ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅମିତ ଶାହଙ୍କ ମୁକାବିଲା ଲାଗି ଅଶୋକ ଗେହଲୋଟ ଓ ପାଇଲଟଙ୍କୁ ମଇଦାନକୁ ଓହ୍ଲାଇଛନ୍ତି। କଂଗ୍ରେସ ପାର୍ଟି ନିଜର ଷ୍ଟାର ପ୍ରଚାରକଙ୍କ ସୂଚୀ ଜାରି କରିଛି। ଯେଉଁଥିରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କୁ ବରିଷ୍ଠ ପର୍ଯ୍ୟବେକ୍ଷଖ କରାଯାଇଛି।

{"id":703409,"width":842,"height":518,"sizeSlug":"full","linkDestination":"none"}

ତେବେ ସବୁଠୁ ଯାହା ଖାସ୍ କଥା ତାହା ହେଉଛି ପୂର୍ବତନ ରାଜସ୍ଥାନ ଉପମୁଖ୍ୟମନ୍ତ୍ରୀ ସଚ୍ଚିନ ପାଇଲଟ ଷ୍ଟାର ପ୍ରଚାରକ କରାଯିବା। ବର୍ତ୍ତମାନ ପାଇଲଟ ନା କ୍ଷମତାରେ ଅଛନ୍ତି ନା ସଙ୍ଗଠନରେ। ତଥାପି ତାଙ୍କ ଉପରେ ପାର୍ଟି ଆସ୍ଥା ସ୍ଥାପନ କରିଛି। ଗୁଜରାଟ ଓ ହିମାଚଳରେ ଆଗାମୀ ମାସରେ ନିର୍ବାଚନ ହେବାକୁ ଅଛି। ସେପଟେ ରାଜସ୍ଥାନ କଂଗ୍ରେସରେ ଚାଲିଥିବା ଅସନ୍ତୋଷ ଦୂର ଲାଗି ମଧ୍ୟ ନୂଆ କଂଗ୍ରେସ ଅଧ୍ୟକ୍ଷ ତାଙ୍କର ଚାଲ ଚଳେଇ ଦେଇଛନ୍ତି।

{"id":703410,"sizeSlug":"large","linkDestination":"none"}

ଗୁଜରାଟ ନିର୍ବାଚନ ଲାଗି ରାଜସ୍ଥାନ କଂଗ୍ରେସର ଅନ୍ୟ ନେତାଙ୍କ ଉପରେ ମଧ୍ୟ ଦାୟିତ୍ୱ ଛାଡିଛନ୍ତି ଖଡଗେ। ଗେହଲୋଟଙ୍କ ବରିଷ୍ଠ ପର୍ଯ୍ୟବେକ୍ଷକ ଓ ପାଇଲଟଙ୍କୁ ଷ୍ଟାର ପ୍ରଚାରକ କରାଯାଇଥିବା ବେଳେ ରଘୁ ଶର୍ମାଙ୍କୁ କଂଗ୍ରେସ ପାର୍ଟି ରାଜସ୍ଥାନ ପ୍ରଭାରୀ ନିଯୁକ୍ତ କରିଛି। ହିମାଚଳରେ ମଧ୍ୟ ଗେହଲୋଟଙ୍କ ନିର୍ବାଚନ ପ୍ରଚାରରେ ସାମିଲ କରାଯାଇଛି। ତେବେ ଏଠାରେ ସଚ୍ଚିନ ପାଇଲଟ ନିର୍ବାଚନ ପର୍ଯ୍ୟବେକ୍ଷକ ଅଛନ୍ତି।