ନୂଆଦିଲ୍ଲୀ ୨୮/୧୨: କଂଗ୍ରେସର ୧୩୭ ତମ ଫାଉଣ୍ଡେସନ ଦିବସ ପାଳନ ଅବସରରେ ଏକ ଅଜବ ଘଟଣା ସାମ୍ନାକୁ ଆସିଥିଲା । ବାସ୍ତବରେ ପାର୍ଟି କାର୍ଯ୍ୟାଳୟରେ ଭିତ୍ତିପ୍ରସ୍ତର ସ୍ଥାପନ ସମାରୋହ ଆୟୋଜିତ ହୋଇଥିଲା । ଯେଉଁଥିରେ ଶ୍ରମିକମାନଙ୍କ ସହିତ କଂଗ୍ରେସର ଅନେକ ବଡ଼ ନେତା ମଧ୍ୟ ସାମିଲ ହୋଇଥିଲେ ।
wp:html/wp:html#WATCH | Congress flag falls off while being hoisted by party's interim president Sonia Gandhi on the party's 137th Foundation Day#Delhi pic.twitter.com/A03JkKS5aC
— ANI (@ANI) December 28, 2021
ଏହି ସମାରୋହରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ପତାକା ଉତ୍ତୋଳନ କରିବାର କାର୍ଯ୍ୟକ୍ରମ ଥିଲା । କାର୍ଯ୍ୟକ୍ରମ ମଧ୍ୟ ଆରମ୍ଭ ହୋଇଥିଲା । ପତାକା ଉତ୍ତୋଳନ କରିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଂଥିରେ ଦେଖିବାକୁ ମିଳିଛି ସୋନିଆ ଗାନ୍ଧି ପତାକା ଉତ୍ତୋଳନ କରୁ କରୁ ହଠାତ୍ ପତାକା ଛିଡି ତାଙ୍କ ହାତ ଉପରେ ପଡ଼ିଯାଇଥିଲା ।
ତେବେ ସୌଭାଗ୍ୟ ବଶତଃ ପତାକାଟି ତଳେ ନପଡି ସୋନିଆଙ୍କ ହାତରେ ପଡିଯାଇଥିଲା । ହେଲେ ଏହି ଭିଡିଓଟି ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ସୂଚନା ଥାଉକି, ଲଗାତାର ଦୁଇଟି ଲୋକସଭା ନିର୍ବାଚନରେ ହାରି ଆଞ୍ଚଳିକ ଦଳ ସାମ୍ନାରେ ପ୍ରଭାବହୀନ ହୋଇପଡିଥିବା କଂଗ୍ରେସ ଏବେ ନିଜର ଭିତ୍ତିଭୂମିକୁ ଆହୁରି ମଜବୁତ କରିବାକୁ ଯାଉଛି ।