Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୂମିକମ୍ପରେ ଥରିଲା ହିମାଚଳ ପ୍ରଦେଶ, ରିକ୍ଟର ସ୍କେଲରେ ତୀବ୍ରତା ୨.୫
  • ||
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

କଂଗ୍ରେସର ଆସ୍କା ବିଧାନସଭା ପ୍ରାର୍ଥୀଙ୍କୁ ଗୁଳିମାଡ, ଗୁରୁତର ଅବସ୍ଥାରେ ଭୁବନେଶ୍ବର ସ୍ଥାନାନ୍ତର

22/05/2019 at 9:08 PM

ବ୍ରହ୍ମପୁର ୨୨।୫:  କଂଗ୍ରେସର ଆସ୍କା ବିଧାନସଭା ଆସନ ପ୍ରାର୍ଥୀ ମନୋଜ ଜେନାଙ୍କୁ ଆଜି ବିଳମ୍ବିତ ସନ୍ଧ୍ୟାରେ ଗୁଳିମାଡ ହୋଇଛି। ଫଳରେ ମନୋଜ ଗୁରୁତର ଆହତ ହୋଇଥିବା ବେଳେ ତାଙ୍କୁ ପ୍ରଥମେ ଏମକେସିଜି ଓ ପରେ ଭୁବନେଶ୍ୱର ସ୍ଥାନାନ୍ତର କରାଯାଇଛି। ତାଙ୍କ ଗଳା, ପେଟ ଓ ଅଣ୍ଟାରେ ଗୁଳି ବାଜିଛି। ମନୋଜ ସନ୍ଧ୍ୟାରେ ଭୁବନେଶ୍ବରରୁ ବ୍ରହ୍ମପୁର ଫେରୁଥିବା ବେଳେ ଗୋଟିଏ ମୋଟରସାଇକେଲରେ ତାଙ୍କ ଗାଡିର ପିଛା କରୁଥିବା ୨ ଜଣ ଦୁର୍ବୃତ୍ତ ବାଇପାସ ନିକଟ ଲାଞ୍ଜିପଲ୍ଲୀଠାରେ ଅନ୍ଧାଦୁନିଆ ଗୁଳିମାଡ କରି ଖସି ପଳାଇଥିଲେ।

ଦୁର୍ବୃତ୍ତମାନେ ଗୋଳନ୍ଥରା ଦେଇ ଖସି ପଳାଉଥିବା ବେଳେ ରାସ୍ତାରେ ସେମାନଙ୍କ ମୋଟରସାଇକେଲ ଦୁର୍ଘଟଣାଗ୍ରସ୍ତ ହୋଇଥିଲା। ଏଣୁ ଦୁର୍ବୃତ୍ତ ବାଇକ୍ ଓ ଗୁଳିକାଣ୍ଡରେ ବ୍ୟବହୃତ ୨ଟି ମାଉଜର ଛାଡି ପଳାଇଛନ୍ତି। ପୋଲିସ ପହଞ୍ଚି ମୋଟରସାଇକେଲ ଓ ମାଉଜର ୨ଟିକୁ ଜବତ କରିଛି । ତେବେ ଗୁଳିକାଣ୍ଡର କାରଣ ସ୍ପଷ୍ଟ ହୋଇ ନାହିଁ । ପୋଲିସ ମାମଲାର ଅନୁସନ୍ଧାନ ଜାରୀ ରଖିଛି । ସେପଟେ ଆଜି ବ୍ରହ୍ମପୁର ଟାଟା ବେଞ୍ଜ ଛକରେ ଜନୈକ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଥିବା ଜଣାପଡିଛି। ୫ ଜଣ ଯୁବକ ଛକରେ ଥିବା ମଦଦୋକାନ ଆଗରେ ଯୁବକଙ୍କୁ ଖଣ୍ଡାରେ ହାଣିଛନ୍ତି। ଫଳରେ ଯୁବକ ଗୁରୁତର ଆହତ ହୋଇଥିବା ବେଳେ ତାଙ୍କୁ ଏମକେସିଜିରେ ଭର୍ତ୍ତି କରାଯାଇଛି।

   Related Posts